Þær Ósk Helgadóttir og Linda M. Baldursdóttir starfsmaður stéttarfélaganna komu saman í gær til að leggja lokahönd á sumarferð stéttarfélaganna um næstu helgi í Þorgeirsfjörð. Mjög góð þátttaka er í ferðina en farið verður frá Húsavík næsta laugardag kl. 08:00. Um er að ræða sögu- og gönguferð í Fjörður. Read more „Ferðin skipulögð“
Tæpar tvær milljónir í styrki
Í hverjum mánuði greiðir Framsýn félagsmönnum styrki eða bætur vegna veikinda, slysa eða fyrirbyggjandi aðgerða varðandi heilsufar. Í dag var úthlutað alls tæpum tveimur milljónum til félagsmanna vegna júlí mánaðar. Það er kr. 1.321.529 í sjúkradagpeninga og kr. 613.102 í aðra styrki s.s. vegna kaupa félagsmanna á gleraugum, heyrnartækjum og í niðurgreiðslur vegna sjúkraþjálfunar, heilsuræktar og laseraðgerða. Read more „Tæpar tvær milljónir í styrki“
Myndir frá leik Torgara og Miðbæinga
Það var iðandi mannlíf á Húsavík um helgina og margir með myndavélar á lofti. Einn af þeim var Guðbrandur Jónsson sem sendi okkur þessar skemmtilegu myndir af sigurgöngu Torgara og knattspyrnuleik Torgara og Miðbæinga sem fram fór á laugardeginum. Talið er að um 300 manns hafi verið á leiknum. Sjá myndir: Read more „Myndir frá leik Torgara og Miðbæinga“
Fjör á hrútasýningu
Frístundabændur á Húsavík stóðu fyrir árlegri hrútasýningu í gær á Mærudögum. Að venju vakti sýningin töluverða athygli og fjöldi fólks tók þátt í gleðinni með fjáreigendum. Í ár var gestum boðið upp á hangikjöt af bestu sort af feitum sauði frá Stórutungubræðrum sem smakkaðist afar vel. Keppt var í tveimur flokkum, það er í flokki veturgamalla hrúta og eldri hrúta. Read more „Fjör á hrútasýningu“
Líflegt á Húsavík
Nú standa yfir á Húsavík, Mærudagar, sem er bæjarhátíð Húsvíkinga. Veðrið er með miklum ágætum og allt stefnir í góða daga á Húsavík. Reiknað er með miklum fjölda gesta til Húsavíkur um helgina. Ljósmyndari heimasíðu stéttarfélaganna fór í morgun og tók nokkrar myndir af fallegum skreytingum í bænum en sjá má skreytingar við flest hús á Húsavík í mismunandi litum eftir hverfum. Sjá myndir: Read more „Líflegt á Húsavík“
Hulda Ósk og Stefán Viðar sigruðu
Botnsvatnshlaupið var haldið á Mærudögum á Húsavík 26. júlí s.l. í góðu hlaupaveðri. Hlaupið hófu rúmlega 30 hlauparar. Hlaupið er 7,6 km., hlaupið er umhverfis Botnsvatn, stíg meðfram Búðará og endað í Skrúðgarði Húsvíkinga í miðbænum. Af konunum varð Hulda Ósk Jónsdóttir fyrst á tímanum 30:23 og af körlunum varð Stefán Viðar Sigtryggsson fyrstur á tímanum 29:27. Read more „Hulda Ósk og Stefán Viðar sigruðu“
Stórleikur framundan um helgina -Taktu þátt í sigurgöngu-
Nú eru að hefjast Mærudagar á Húsavík sem er bæjarhátíð heimamanna. Dagskrá Mærudaga er vegleg að vanda og margir forvitnilegir viðburðir fara fram. Einn af þeim er stórleikur Torgara og Miðbæinga í fótbolta sem fram fer næsta laugardag kl. 12:00. Í Skarpi í dag er grein eftir Aðalstein Torgara Baldursson um leikinn. Lesa grein: Read more „Stórleikur framundan um helgina -Taktu þátt í sigurgöngu-„
Veruleg aukning í gistinótum hjá Fosshótel Laugum
Í samtölum við ferðaþjónustuaðila í Þingeyjarsýslum hefur komið fram að víða hefur orðið töluverð aukning í komu ferðamanna. Sem dæmi má nefna að hjá Fosshótel Laugum fjölgaði gistinótum um 23,73% í júní miðað við sama tíma í fyrra. Aukningin í júlí er einnig mikil og stefnir hún í allt að 92%. Þetta eru að sjálfsögðu ánægjulegar fréttir en ferðaþjónustan í Þingeyjarsýslum skapar á hverju sumri fjölda starfa, ekki síst fyrir skólafólk. Read more „Veruleg aukning í gistinótum hjá Fosshótel Laugum“
Undirbúningur hafinn vegna sláturtíðar
Á fundi sem Framsýn átti í gær með forsvarsmönnum Fjallalambs á Kópaskeri kom fram að undirbúningur er hafinn vegna komandi sláturtíðar. Áætlað er að sláturtíðin hefjist 12. september og slátrað verði um 31 þúsund fjár. Fjallalamb fékk nýlega 12 ára starfsleyfi sem heimilar fyrirtækinu að flytja út unnar og óunnar vörur á Evrópumarkað. Starfsleyfið gildir einnig fyrir Ísland. Athyglisvert er að nú er töluvert um að verkafólk frá Spáni, Ítalíu og Portúgal sækist eftir vinnu í Fjallalambi í haust en það hefur ekki gerst áður. Read more „Undirbúningur hafinn vegna sláturtíðar“
Ferðaþjónustuaðilar ánægðir
Fulltrúar Framsýnar voru á ferð um félagssvæðið í morgun. Meðal annars komu þeir við í Ásbyrgi þar sem Ísak Sigurgeirsson og fjölskylda heldur úti þjónustu við ferðamenn og aðra vegfarendur. Starfsemin fellst aðallega í verslun og þá eru í boði veitingar fyrir gesti á góðu verði. Að sögn Ísaks hefur mikið verið að gera í sumar og sagði hann sumarið eitt það besta í mörg ár. Read more „Ferðaþjónustuaðilar ánægðir“
Botnsvatnshlaupið í kvöld – allir með!!
Gervigrasið klárt eftir 10 daga
Vinna við gervigrasvöllinn á Húsavík gengur vel. Um helgina var unnið að því að leggja grasið á völlinn. Að sögn þeirra sem sjá um að ganga frá grasinu ætti völlurinn að vera klár eftir 10 daga enda verði veðrið hagstætt. Völlurinn verður mjög glæsilegur með nýjasta grasinu á markaðinum sem gerir völlinn væntanlega besta gervigrasvöll landsins. Sjá myndir. Read more „Gervigrasið klárt eftir 10 daga“
Félagsmenn ánægðir með Þorrasali
Full ástæða er fyrir félagsmenn Framsýnar og Þingiðnar að gleðjast yfir fjórum nýjum íbúðum félaganna sem teknar voru formlega í notkun í dag. Eins og fram hefur komið eru þær í Þorrasölum í Kópavogi. Það sem félögin horfðu sérstaklega til þegar ákveðið var að fjárfesta í Kópavogi var að íbúðirnar eru á fallegum og rólegum stað, það er við útivistarsvæði höfuðborgarbúa. Þá eru þær miðsvæðis á höfuðborgarsvæðinu og því stutt í alla þjónustu og verslun. Read more „Félagsmenn ánægðir með Þorrasali“
Íbúðirnar í Þorrasölum klárar – til hamingju félagar
Sjúkra- og orlofsíbúðir stéttarfélaganna í Þorrasölum eru nú klárar til leigu fyrir félagsmenn Framsýnar og Þingiðnar. Fyrstu gestirnir fara í íbúðirnar í þessari viku. Íbúðirnar eru allar mjög glæsilegar og eru auk þess á góðum stað í Kópavogi. Um er að ræða tvær gerðir af íbúðum, það er 80m2 og 100m2 íbúðir. Sjá myndir. Read more „Íbúðirnar í Þorrasölum klárar – til hamingju félagar“
Sumar og sól á Húsavík
Veðrið hefur verið nokkuð gott víða um land undanfarið eins og myndin ber með sér. Hún er tekin á Húsavík og er af þeim Sigmari og Elís sem eiga það sameiginlegt að vera starfsmenn Norðurþings. Þeir hafa unnið að því ásamt öðrum starfsmönnum sveitarfélagsins að fegra bæinn fyrir Mærudaga sem verða eftir rúma viku. Read more „Sumar og sól á Húsavík“
Gengu frá samkomulagi í morgun
Fulltrúar Framsýnar og Norðurþings gengu frá samkomulagi í morgun er varðar túlkun á grein 5.7.7.1 í kjarasamningi aðila um greiðslur til starfsmanna er búa í þéttbýli og sækja vinnu utan þéttbýlis á vegum sveitarfélagsins. Nokkur dæmi eru um að við sameiningar sveitarfélaga á svæðinu hafi stofnanir verið sameinaðar og störf þar með færð til milli svæða. Read more „Gengu frá samkomulagi í morgun“
Áhugasamir unglingar á ferð
Rétt í þessu var að ljúka kynningu á starfsemi stéttarfélaganna í Þingeyjarsýslum fyrir unglinga á Kópaskeri og Raufarhöfn sem gerðu sér sérstaka ferð til Húsavíkur til að kynna sér málin. Líkt og í morgun var síðan grillað fyrir gestina og þeim gefin bolur frá Framsýn. Þá var að endingu farið í leiki sem gestirnir höfðu gaman af. Read more „Áhugasamir unglingar á ferð“
Kátir unglingar í heimsókn
Það er búið að vera mikið fjör á Skrifstofu stéttarfélaganna í morgun eins og meðfylgjandi myndir bera með sér. Um fjörutíu unglingar úr Vinnuskóla Norðurþings hafa verið í heimsókn. Þau hafa fengið fræðslu um starfsemi og tilgang stéttarfélaga auk þess að fræðast um sín mál á vinnumarkaði og atvinnustarfsemi í Þingeyjarsýslum. Read more „Kátir unglingar í heimsókn“
Til hamingju félagar!!
Frystitogarinn Guðmundur í Nesi, sem er í eigu Brims, kom til hafnar seint í gærkvöldi með verðmætasta farm sem íslenskt fiskiskip hefur fengið í einni samfelldri veiðiferð til þessa. Farmurinn eftir 30 daga á sjó er rúmlega 300 tonn af grálúðu og er verðmæti hans 450 milljónir króna eða sem svarar til 15 milljóna króna á dag. Read more „Til hamingju félagar!!“
Viltu komast á ungliðaþing ASÍ (ASÍ-UNG)
Þing ASÍ-UNG verður haldið föstudaginn 14. september nk. í Reykjavík. ASÍ-UNG er samráðsvettvangur fyrir ungt fólk á aldrinum 18-35 innan Alþýðusambands Íslands. Markmið með stofnun ASÍ-UNG er að efla starf ungs fólks í verkalýðshreyfingunni og auka þekkingu og skyldur ungs launafólks á verkefnum verkalýðshreyfingarinnar og réttindum á vinnumarkaði. Read more „Viltu komast á ungliðaþing ASÍ (ASÍ-UNG)“