kuti

Um leið og ég óska Guðbrandi Einarssyni til hamingju með formennskuna í LÍV krefst ég þess, sem formaður í aðildarfélagi sambandsins, að hann fari rétt með og sé ekki að slá sig til riddara á kostnað annarra. Hér er ég að vitna til greinar sem hann skrifaði fyrir helgina um kjaramál. Read more „Boðskapur formanns LÍV“

Það er eins og við Íslendingar grípum ævinlega til þess ráðs að tala um prósentur þegar við viljum vera trúverðugir.  Ekki veit ég almennilega af hverju. Hér einu sinni dugði að setja mál sitt fram með greinargóðum hætti, á kjarngóðri íslensku. Nú dugir það ekki lengur. Read more „Mælist réttlætið í prósentum?“

Þingiðn, félag iðnaðarmanna í Þingeyjarsýslum stóð fyrir kynningarfundi á Húsavík í gærkvöldi um nýgerðan kjarasamning Samiðnar og Samtaka atvinnulífsins. Heitar umræður urðu um niðurstöðu samningsins sem mönnum fannst alls ekki ásættanleg. Read more „Iðnaðarmenn gagnrýna harðlega kjarasamning“

Stéttarfélögin í Þingeyjarsýslum sem aðild eiga að þeim kjarasamningum sem skrifað var undir 21. janúar hafa hafið atkvæðagreiðslu um samningana. Þau eru Þingiðn, Framsýn og Verkalýðsfélag Þórshafnar. Þingiðn hóf sína atkvæðagreiðslu í gær, Verkalýðsfélag Þórshafnar byrjar sína atkvæðagreiðslu í dag kl. 18:00 og atkvæðagreiðsla meðal félagsmanna Framsýnar hefst næsta mánudag. Skorað er á félagsmenn þessara félaga að taka virkan þátt í atkvæðagreiðslunni. Read more „Kosning hafin um nýgerða kjarasamninga“

Framkvæmdastjórn Starfsgreinasambandsins mótmælir harðlega með ályktun í gær hækkunum hjá opinberum aðilum og fyrirtækjum. Sjá ályktun: Read more „Samningsaðilar reiðir yfir hækkunum – verða kjarasamningarnar felldir?“

Miðstjórn ASÍ taldi rétt að senda frá sér ályktun í dag varðandi boðaðar verðhækkanir hjá fyrirtækjum og opinberum aðilum. Hefði ekki verið ástæða fyrir miðstjórn að skora á félagsmenn ASÍ að samþykkja ekki nýgerða kjarasamninga í ljósi þessar stöðu? Ályktunin er eftirfarandi: Read more „Hækkið ekki!“

Föstudaginn 10. janúar 2014. kl.17.00 verða nýgerðir kjarasamningar milli Starfgreinasambands Íslands og Samtaka atvinnulífsins kynntir af Aðalsteini Baldurssyni formanni Framsýnar. Fundurinn verður haldinn í matsal Íþróttamiðstöðvarinnar á Þórshöfn. Read more „Fundarboð frá Verkalýðsfélagi Þórshafnar“

Framsýn hefur ákveðið að boða til sjö félagsfunda um nýgerða kjarasamninga sem voru undirritaðir 21. desember 2013. Þar af er einn fundurinn ætlaður pólsku- og  enskumælandi fólki. Fundirnir verða haldnir á eftirtöldum stöðum:  Read more „Kynning og afgreiðsla á nýgerðum kjarasamningum“

Stjórn Þingiðnar kom saman til fundar í gær. Á fundinum var farið yfir nýgerðan kjarasamning og fyrirkomulag varðandi atkvæðagreiðslu um samninginn. Á fundinum kom fram megn óánægja með kjarasamninginn og voru þung orð látin falla um niðurstöðuna. Það má með sanni segja að það hafi verið jarðarfararsvipur á fundarmönnum þrátt fyrir að stutt væri í reiðina. Read more „Jarðarfararsvipur – kynningarfundur“

Þingiðn boðar til kynningarfundar um nýgerðan kjarasamning að Garðarsbraut 26, efri hæð fimmtudaginn 9. janúar kl. 20:00. Þeir sem komast ekki á fundinn geta nálgast kynningarefni á Skrifstofu stéttarfélaganna. Þá hefur einnig verið opnaður kjörstaður á Skrifstofu stéttarfélaganna. Félagsmenn geta kosið til 20. janúar.

Eitthvað virðist jólasteikin hafa farið þversum ofan í kokið á Sighvati Björgvinssyni, fv. ráðherra og „jafnaðarmanni“. Í kostulegri grein sem hann skrifar í áramótablað Fréttablaðsins fer hann hamförum í skömmum og lítilsvirðingu gagnvart formönnum stéttarfélaga innan Starfsgreinasambands Íslands sem voru ekki tilbúnir að setja nafn sitt undir þann gjörning sem skrifað var undir eftir næturbrölt forsvarsmanna ASÍ og Samtaka atvinnulífsins þann 21. desember. Read more „Um hirðfífl“

Formaður Framsýnar, Aðalsteinn Á. Baldursson, gerði alvarlegar athugasemdir við ákvörðun Alþýðusambands Íslands um að  birta grein Sighvats Björgvinssonar á Facebook síðu sambandsins og krafðist þess að hún yrði tekin út af síðunni þegar í stað. Read more „ASÍ biðst afsökunar“

Á fundi sem forsvarsmenn Heilbrigðisstofnunar Þingeyinga boðuðu til rétt fyrir jólin gerði Svala Hermannsdóttir formaður Styrktarfélags Heilbrigðisstofnunar Þingeyinga grein fyrir höfðinglegri gjöf félagsins til HÞ . Í máli Svölu kom fram að Styrktarfélagið hefur gefið  HÞ alls um 6,3 milljónir króna til tækjakaupa á árinu 2013. Read more „Þakklæti efst í huga“

Það þykir fréttnæmt ef stjórnar- og trúnaðarmannaráðsmenn innan Framsýnar eru orðlausir. Rétt í þessu var að ljúka fundi stjórnar og trúnaðarmannaráðs þar sem farið var yfir niðurstöðu kjaraviðræðna Samtaka atvinnulífsins og Alþýðusambands Íslands sem enduðu með undirritun kjarasamnings 21. desember. Af hverju eru menn orðlausir? Read more „Orðlaus!“

Átján starfsmenn frá Vísi og Reykfiski á Húsavík sitja þessa vikuna á 40 stunda fiskvinnslunámskeiði. Á námskeiðinu er farið yfir ýmsa þætti er varða störf þeirra við fiskvinnslu s.s. gæðamál, markaðsmál, vinnuverndarmál, atvinnulífið og kjaramál. Read more „Sitja á námskeiði“

Stjórn Sjúkrasjóðs Framsýnar kom saman til fundar til að úthluta styrkjum til félagsmanna úr sjúkrasjóði. Um er að ræða s.s. sjúkradagpeninga vegna veikinda, útfarastyrki, fæðingarstyrki og líkamsræktarstyrki. Í heildina námu þessar greiðslur til félagsmanna í desember kr.  3.464.402,-. Read more „Um 3,4 milljónir til félagsmanna“

Nú um áramót hafa fjölmargir opinberir aðilar (ríki og sveitarfélög) hækkað gjaldskrár sínar. Rarik (Ríkið) hefur ákveðið að hækka dreifingu á rafmagni í dreifbýli um 4,5%. Ríkið hækkar bensín og díselolíu um áramót. Hækkun er 3% á vörugjaldið. Read more „Hækkanir ríkis og sveitarfélaga“

Formaður Framsýnar skrifaði grein inn á heimasíðuna í gær um kjaramál. Þar kom hann inn á þátt forseta ASÍ í málinu sem formaður telur að hafi ekki komið fram heiðarlega gagnvart láglaunafólki og forystumönnum þeirra félaga innan Starfsgreinasambandsins sem ekki skrifuðu undir kjarasamninginn 21. desember sl. Óhætt er að segja að greinin hafi vakið mikla athygli þar sem flestir netmiðlar hafa fjallað um greinina og birt hana. Þá hefur fjöldi fólks lýst yfir ánægju sinni með greinina.

Við sögðum frá því hér í gær á heimasíðunni að sjómenn innan Framsýnar hefðu komið saman á aðalfundi deildarinnar sem ávalt er haldinn milli jóla og nýárs enda sjómenn þá í landi samkvæmt ákveðjum kjarasamninga. Hér má lesa skýrslu stjórnar um starfsemina á liðnu starfsári.  Read more „Aðalfundur sjómanna- skýrsla stjórnar“

Aðalfundur Sjómannadeildar Framsýnar var haldinn í kvöld. Fundurinn var að venju líflegur og auk þess málefnalegur. Fundurinn samþykkti að álykta um kjaramál og afnám sjómannaafsláttarins og að fela Sjómannasambandinu að ganga frá kjarasamningi fyrir smábátasjómenn innan félagsins. Read more „Sjómenn Framsýnar álykta um kjaramál og afnám sjómannaafsláttar“