kuti

Framsýn stendur fyrir trúnaðarmannanámskeiði í vikunni. Námskeiðið verður haldið á Raufarhöfn á fimmtudaginn og föstudaginn á Hótel Norðurljósum.  Alls eru 12 trúnaðarmenn skráðir á námskeiðið. Read more „Trúnaðarmannanámskeið að hefjast“

Stjórn og trúnaðarmannaráð Framsýnar sem jafnframt er samninganefnd félagsins tók fyrir erindi Sjómannasambands Íslands í síðustu viku. Sambandið óskar eftir samningsumboði frá aðildarfélögum sambandsins til gerðar kjarasamnings fyrir smábátasjómenn.   Read more „Vilja halda viðræðum áfram á eigin forsendum“

Það var mikið ályktað á þingi Alþýðusambands Norðurlands um síðustu helgi. Tæplega hundrað fulltrúar frá öllum stéttarfélögum á Norðurlandi sátu þingið, þar af fimmtán frá þingeyskum stéttarfélögum. Sjá ályktanir: Read more „AN ályktaði um nokkur mál á þingi sambandsins“

Framsýn- stéttarfélag, Starfsmannafélag Húsavíkur og Þingiðn- félag iðnaðarmanna  funduðu í dag um boðaðar tillögur Fjárlaganefndar Alþingis um verulegar skerðingar á fjárframlögum til Heilbrigðisstofnunar Þingeyinga. Mikil reiði var meðal fundarmanna. Stéttarfélögin samþykktu að senda sameiginlega frá sér svohljóðandi ályktun um málið. Read more „Fordæma ruddaskap stjórnvalda varðandi framlög til heilbrigðismála“

Þing Alþýðusambands Norðurlands fór fram á föstudaginn og laugardaginn. Þingið fór vel fram og var mjög málefnalegt. Á þinginu var ályktað um nokkur mál s.s. um niðurskurð í heilbrigðiskerfinu. Þar sem ályktanirnar hafa ekki borist verða þær vonandi  settar inn á næstu dögum. Agnes Einarsdóttir var kjörin varaformaður sambandsins en hún kemur frá Framsýn. Read more „Góðu AN þingi lokið“

Í morgun hófst 32. þing Alþýðusambands Norðurlands á Illugastöðum. Yfir 100 fulltrúar frá stéttarfélögum á Norðurlandi eru á þinginu, þar af eru um 15 fulltrúar frá stéttarfélögum í Þingeyjarsýslum. Read more „AN þingið hafið á Illugastöðum“

Stjórn og trúnaðarmannaráð Framsýnar hefur verið boðuð saman til fundar þiðjudaginn 11. október kl. 17:15 í fundarsal félagsins. Mörg mál eru á dagskrá fundarins en sérstaklega verður fjallað um hugmyndir stjórnvalda um að skera verulega niður fjárveitingar til Heilbrigðisstofnunar Þingeyinga. Sjá dagsrká: Read more „Framsýn fjallar um niðurskurð til HÞ“

Á laugardaginn var hrútadagurinn haldinn hátíðlegur á Raufarhöfn. Fjöldi fólks var saman kominn í Reiðhöllinni til að skoða og kaupa fallega hrúta frá öllum helstu fjárræktarbúum í Norður Þingeyjarsýslu. Auk þess voru sölubásar á staðnum þar sem alls konar vörur voru til sölu. Við skulum láta meðfylgjandi myndir túlka stemninguna sem var á staðnum á laugardaginn.

Read more „Hrútadagurinn fór vel fram“

Starfsmenn Skrifstofu stéttarfélaganna ásamt mökum komu saman um helgina til að kveðja Snæbjörn Sigurðarson sem er að hefja störf hjá sveitarfélaginu Norðurþingi um þessar mundir. Eins og fram hefur komið hefur Orri Freyr Oddsson verið ráðinn í hans stað. Read more „Starfsmenn komu saman“

Starfsmenn Sjúkraþjálfunar Húsavíkur hafa staðið í stórræðum síðustu mánuðina. Þær hrintu af stað merkilegu og þörfu átaki á Húsavík, sem fólst í því að fjölga útibekkjum á Húsavík. Markmið átaksins er auðvitað að hvetja til aukinnar útiveru og hreyfingar, sem eru skemmtilegustu, skilvirkustu og ódýrustu forvarnir sem í boði eru. Read more „16 nýir útibekkir á Húsavík“

Þing Alþýðusambands Norðurlands verður haldið á Illugastöðum föstudaginn 7. október og fram að hádegi á laugardeginum. Farið verður frá Skrifstofu stéttarfélaganna kl. 09:15 á föstudeginum og komið aftur til Húsavíkur upp úr hádeginu á laugardeginum. Read more „Viltu komast á þing?“

Fyrir helgina voru fulltrúar Framsýnar í viðræðum við forsvarsmenn Silfurstjörnunnar og Rifós um sérmál starfsmanna. Fram að þessu hefur félagið haft sérkjarasamninga við fyrirtækin sem eru í fiskeldi. Viðræðum verður væntanlega framhaldið í þessari viku.

Framsýn var að berast þessi ályktun frá Verkalýðshreyfingunni á Kúbu í gegnum SGS. Þar er launafólk víðsvegar um heim hvatt til að styðja við aðildarumsókn Palenstínu að Sameinuðu Þjóðunum, sem og þá sjálfsögðu kröfu að Sameinuðu Þjóðirnar viðurkenni sjálfstæði Palenstínu. Read more „Launafólk hvatt til að styðja aðildarumsókn Palestínu“

Formaður Framsýnar, Aðalsteinn Árni, segir það gjörsamlega óþolandi ástand að ekki sé til staðar kjarasamningur á landsvísu fyrir sjómenn á smábátum að 15 brúttótonnum. Það sé mannréttindabrot. Heildarsamtök sjómanna verði að bregðast við því með því að hefja þegar í stað viðræður við Landssamband smábátaeigenda um gerð kjarasamnings. Read more „Óþolandi ástand“

Forsvarsmenn Framsýnar og Fjallalambs skrifuðu undir samning í dag um kaup og kjör starfsmanna í sláturhúsi fyrirtækisins. Formaður Framsýnar, Aðalsteinn Á. Baldursson,  sagðist ánægður með samninginn í samanburði við gildandi kjör starfsmanna við sauðfjárslátrun á Íslandi. Read more „Skrifað undir í dag“

Formaður Framsýnar verður á ferðinni á austursvæðinu á morgun. Til stendur að koma við í Rifós, Silfurstjörnunni og Fjallalambi. Gefist tími til mun hann koma við á fleiri vinnustöðum. Félagsmenn sem þurfa að ná tali af formanninum fyrir austan er bent á að hafa samband við Skrifstofu stéttarfélaganna í dag eða á morgun.

Stjórn Þingiðnar kemur saman til fundar næsta mánudag. Helstu málefni fundarins eru atvinnumál, orlofsmál og kjör fulltrúa á þing á vegum verkalýðshreyfingarinnar. Dagskráin er undir tilkynningum hér til hliðar.

Fulltrúar Framsýnar hafa setið á samningafundi í dag með fulltrúa Svæðafélagsins Kletts félags smábátaeigenda frá Ólafsfirði að Tjörnesi. Aðilar vinna að því að ganga frá kjarasamningi fyrir smábátasjómenn á bátum innan við 15 brúttótonn á félagssvæði Framsýnar. Read more „Samningaviðræður í gangi“

Nokkrir ofurhugar komu að landi í morgun með fullan bát af kræklingi til áframeldis. Aflinn var á annað tonn. Tvö fyrirtæki, Víkurskel og Sæskel hafa verið stofnuð á Húsavík um ræktun á kræklingi til sölu á markaði en þau hafa verið starfandi í tvö til þrjú ár. Read more „Næsta stóriðja á Húsavík!“

Skráð atvinnuleysi á Íslandi í ágúst var 6,7% en að meðaltali voru 11.294 atvinnulausir í ágúst. Atvinnuleysið var 7,7% á höfuðborgarsvæðinu en 5% á landsbyggðinni. Mest var atvinnuleysið á Suðurnesjum 10,4% en minnst á Norðurlandi vestra 2,2%. Þá var atvinnuleysið 6,5% meðal karla og 7% meðal kvenna. Read more „Atvinnuástandið fer batnandi milli ára“