Sá ágæti fréttamaður, Karl Eskil Pálsson, hefur verið ráðinn ritstjóri Vikudags, sem kemur út á Akureyri. „Þetta leggst vel í mig. Vikudagur er öflugt blað á Eyjafjarðarsvæðinu og nýtur virðingar fyrir vandaðan fréttaflutning,“ segir Karl Eskil í frétt í Vikudegi.
Kristján Kristjánsson knattspyrnumaður og fyrrverandi ritstjóri blaðsins mun flytja sig um set frá Akureyri í Aðaldalinn og gerast bóndi á Hraunkoti. Read more „Kristján í bústörfin og Karl Eskil í ritstjórastólinn“
Fulltrúar Framsýnar og Landssambands smábátaeigenda munu funda á morgun föstudag um kjarasamning fyrir smábátasjómenn á félagssvæði Framsýnar sem nær yfir þrjár hafnir, Húsavík, Kópasker og Raufarhöfn. Fundurinn verður haldinn í Reykjavík í húsnæði Ríkissáttasemjara og hefst kl. 10:00, það er um leið og fulltrúar Framsýnar lenda í Reykjavík. Read more „Viðræðum haldið áfram á morgun“
Félagsmenn í Framsýn sem versla í Auganu í Kringlunni eiga rétt á 15% afslætti vegna kaupa á gleraugum. Áður en félagsmenn versla sér gleraugu þurfa þeir að fá staðfestingu þess efnis að þeir séu félagsmenn á Skrifstofu stéttarfélaganna.
Stjórn og trúnaðarmannaráð Framsýnar mun koma saman til fyrsta fundar í byrjun september eftir sumarfrí. Fjölmörg mál bíða þess að verða tekin fyrir. Að venju má búist við öflugu starfi í vetur hjá félaginu enda mörg spennandi verkefni framundan sem félagið hefur áhuga á að skoða og fylgja eftir.
Forseti Alþýðusambands Íslands er væntanlegur til Húsavíkur miðvikudaginn 5. september kl. 17:00. Þar mun hann funda með stjórnum Framsýnar, Þingiðnar og Verkalýðsfélags Þórshafnar um væntanlegt þing sambandsins sem haldið verður í haust. Að venju verða mörg mál á dagskrá þingsins sem forsetinn mun gera grein fyrir auk þess sem fulltrúum stéttarfélaganna býðst tækifæri til að koma sínum skoðunum á framfæri.
Rétt er að geta þess að formaður Framsýnar, Aðalsteinn Á. Baldursson, fór í sumarfrí í morgun. Hann fær þó ekki að vera lengi í fríi þar sem hann kemur aftur til starfa 1. september. Aðrir starfsmenn hafa nú lokið sínum sumarfríum að mestu og eru því til taks fyrir félagsmenn stéttarfélaganna.
Töluvert hefur verið um í sumar að starfsfólk í ferðaþjónustu á félagsvæði Framsýnar hafi leitað til Skrifstofu stéttarfélaganna eftir aðstoð þar sem brotið hefur verið á þeirra réttindum. Í sumum tilvikum mjög alvarlega. Sérstaklega er varðar kjaramál, aðbúnaðarmál og ákvæði um vinnu- og hvíldartíma. Því miður hefur orðið töluverð aukning á brotamálum milli ára. Sem betur fer eru flest fyrirtæki í ferðaþjónustu með sín mál í lagi en samt sem áður eru alltof mörg fyrirtæki sem fara ekki eftir skráðum reglum. Read more „Óþolandi framkoma“
Rétt er að taka fram að fullt er í sumarferð stéttarfélaganna í Fjörður um helgina og því hefur skráningum í ferðina verið hætt.
Formaður Framsýnar átti vinsamlegan fund í dag með starfsmönnum Vatnajökulsþjóðgarðs í Jökulsárgljúfrum. Á fundinum var farið yfir nokkur málefni er varða starfsmenn. Rúmlega 20 starfsmenn starfa í Vatnajökulsþjóðgarði, það er á norðursvæðinu. Fjölmargir hafa heimsótt þjóðgarðinn í sumar. Áætlað er að hátt í 150 þúsund manns hafi komið að Dettifossi í sumar og þá hafa um 30 þúsund manns komið í Gljúfrastofu á sama tímabili og yfir 10 þúsund gestir hafa gist á tjaldsvæðinu. Read more „Fundað í Ásbyrgi“
Þær Ósk Helgadóttir og Linda M. Baldursdóttir starfsmaður stéttarfélaganna komu saman í gær til að leggja lokahönd á sumarferð stéttarfélaganna um næstu helgi í Þorgeirsfjörð. Mjög góð þátttaka er í ferðina en farið verður frá Húsavík næsta laugardag kl. 08:00. Um er að ræða sögu- og gönguferð í Fjörður. Read more „Ferðin skipulögð“
Í hverjum mánuði greiðir Framsýn félagsmönnum styrki eða bætur vegna veikinda, slysa eða fyrirbyggjandi aðgerða varðandi heilsufar. Í dag var úthlutað alls tæpum tveimur milljónum til félagsmanna vegna júlí mánaðar. Það er kr. 1.321.529 í sjúkradagpeninga og kr. 613.102 í aðra styrki s.s. vegna kaupa félagsmanna á gleraugum, heyrnartækjum og í niðurgreiðslur vegna sjúkraþjálfunar, heilsuræktar og laseraðgerða. Read more „Tæpar tvær milljónir í styrki“
Það var iðandi mannlíf á Húsavík um helgina og margir með myndavélar á lofti. Einn af þeim var Guðbrandur Jónsson sem sendi okkur þessar skemmtilegu myndir af sigurgöngu Torgara og knattspyrnuleik Torgara og Miðbæinga sem fram fór á laugardeginum. Talið er að um 300 manns hafi verið á leiknum. Sjá myndir: Read more „Myndir frá leik Torgara og Miðbæinga“
Frístundabændur á Húsavík stóðu fyrir árlegri hrútasýningu í gær á Mærudögum. Að venju vakti sýningin töluverða athygli og fjöldi fólks tók þátt í gleðinni með fjáreigendum. Í ár var gestum boðið upp á hangikjöt af bestu sort af feitum sauði frá Stórutungubræðrum sem smakkaðist afar vel. Keppt var í tveimur flokkum, það er í flokki veturgamalla hrúta og eldri hrúta. Read more „Fjör á hrútasýningu“
Nú standa yfir á Húsavík, Mærudagar, sem er bæjarhátíð Húsvíkinga. Veðrið er með miklum ágætum og allt stefnir í góða daga á Húsavík. Reiknað er með miklum fjölda gesta til Húsavíkur um helgina. Ljósmyndari heimasíðu stéttarfélaganna fór í morgun og tók nokkrar myndir af fallegum skreytingum í bænum en sjá má skreytingar við flest hús á Húsavík í mismunandi litum eftir hverfum. Sjá myndir: Read more „Líflegt á Húsavík“
Botnsvatnshlaupið var haldið á Mærudögum á Húsavík 26. júlí s.l. í góðu hlaupaveðri. Hlaupið hófu rúmlega 30 hlauparar. Hlaupið er 7,6 km., hlaupið er umhverfis Botnsvatn, stíg meðfram Búðará og endað í Skrúðgarði Húsvíkinga í miðbænum. Af konunum varð Hulda Ósk Jónsdóttir fyrst á tímanum 30:23 og af körlunum varð Stefán Viðar Sigtryggsson fyrstur á tímanum 29:27. Read more „Hulda Ósk og Stefán Viðar sigruðu“
Nú eru að hefjast Mærudagar á Húsavík sem er bæjarhátíð heimamanna. Dagskrá Mærudaga er vegleg að vanda og margir forvitnilegir viðburðir fara fram. Einn af þeim er stórleikur Torgara og Miðbæinga í fótbolta sem fram fer næsta laugardag kl. 12:00. Í Skarpi í dag er grein eftir Aðalstein Torgara Baldursson um leikinn. Lesa grein: Read more „Stórleikur framundan um helgina -Taktu þátt í sigurgöngu-„
Í samtölum við ferðaþjónustuaðila í Þingeyjarsýslum hefur komið fram að víða hefur orðið töluverð aukning í komu ferðamanna. Sem dæmi má nefna að hjá Fosshótel Laugum fjölgaði gistinótum um 23,73% í júní miðað við sama tíma í fyrra. Aukningin í júlí er einnig mikil og stefnir hún í allt að 92%. Þetta eru að sjálfsögðu ánægjulegar fréttir en ferðaþjónustan í Þingeyjarsýslum skapar á hverju sumri fjölda starfa, ekki síst fyrir skólafólk. Read more „Veruleg aukning í gistinótum hjá Fosshótel Laugum“
Á fundi sem Framsýn átti í gær með forsvarsmönnum Fjallalambs á Kópaskeri kom fram að undirbúningur er hafinn vegna komandi sláturtíðar. Áætlað er að sláturtíðin hefjist 12. september og slátrað verði um 31 þúsund fjár. Fjallalamb fékk nýlega 12 ára starfsleyfi sem heimilar fyrirtækinu að flytja út unnar og óunnar vörur á Evrópumarkað. Starfsleyfið gildir einnig fyrir Ísland. Athyglisvert er að nú er töluvert um að verkafólk frá Spáni, Ítalíu og Portúgal sækist eftir vinnu í Fjallalambi í haust en það hefur ekki gerst áður. Read more „Undirbúningur hafinn vegna sláturtíðar“
Fulltrúar Framsýnar voru á ferð um félagssvæðið í morgun. Meðal annars komu þeir við í Ásbyrgi þar sem Ísak Sigurgeirsson og fjölskylda heldur úti þjónustu við ferðamenn og aðra vegfarendur. Starfsemin fellst aðallega í verslun og þá eru í boði veitingar fyrir gesti á góðu verði. Að sögn Ísaks hefur mikið verið að gera í sumar og sagði hann sumarið eitt það besta í mörg ár. Read more „Ferðaþjónustuaðilar ánægðir“
