kuti

Samkaup hefur ákveðið að ráðast í verulegar breytingar á verslunum keðjunnar á Húsavík, það er Úrval og Kasko. Verslunin Úrval verður að Nettó verslun sem mun leggja mikið upp úr góðri þjónustu og lágu vöruverði. Á næstu vikum verður ráðist í umfangsmiklar breytingar á versluninni og á þeim að vera lokið 18. mars. Þá mun opna ný og glæsileg verslun sem verður opin alla daga frá kl. 10:00 til kl. 19:00.

Kaskó hefur ekki fengið nýtt nafn en versluninni verður breytt verulega og gerð aðgengilegri en hún er í dag, ekki síst með þarfir bæjarbúa í huga og annarra gesta sem leið eiga um Húsavík ekki síst ferðamanna. Þá verður hægt að fá sér kaffisopa og njóta veitinga í versluninni. Opnunartími verslunarinnar verður langur eða frá 08:00 til 22:00 alla daga.

Full ástæða er til að fagna þessum áformum Samkaupa sem funduðu með fulltrúum Framsýnar í dag um hugmyndir keðjunnar.

Falur J. Harðarson starfsmannastjóri og Gísli Gíslason rekstrarstjóri Samkaupa komu við á Skrifstofu stéttarfélaganna í dag. Með þeim á myndinni eru Aðalsteinn Árni Baldursson formaður Framsýnar og Jónína Hermannsdóttir varaformaður Deildar verslunar- og skrifstofufólks innan Framsýnar.

Ingunn Ólína, Þórunn Ágústa og Katarzyna starfa allar hjá Samkaupum á Húsavík. Þær voru á aðalfundi Deildar verslunar- og skrifstofufólks sem fram fór í kvöld. Þær voru mjög ánægðar með breytingarnar en forsvarsmenn Samkaupa gerðu starfsmönnum grein fyrir fyrirhuguðum breytingum á kynningarfundi í dag. Þá fór formaður Framsýnar einnig yfir breytingarnar á aðalfundinum í kvöld. Almenn ánægja kom fram á fundinum með breytingarnar enda löngu tímabærar.

 

 

 

 

 

 

 

 

 

Á aðalfundi Deildar verslunar- og skrifstofufólks innan Framsýnar í kvöld fór Aðalsteinn Árni formaður félagsins yfir hugmyndir Samkaupa um breytingar á verslunarrekstri á Húsavík sem lofa mjög góðu.

Aðildarfélög Skrifstofu stéttarfélaganna og Leikfélag Húsavíkur hafa gert með sér samkomulag um niðurgreiðslu á leikhúsmiðum til félagsmanna stéttarfélaganna. Leikfélagið hefur sýningar á Dýrunum í Hálsaskógi í febrúar. Fullt verð á sýninguna verður kr. 3.000, verð til félagsmanna verður hins vegar kr. 2.000 þar sem stéttarfélögin niðurgreiða miðana. Til þess að virkja afsláttinn þurfa sýningagestir að koma við á Skrifstofu stéttarfélaganna og fá afsláttarmiða sem þeir framvísa í leikhúsinu. Rétt er að ítreka að félagsmenn verða að nálgast miðana áður en þeir fara í leikhúsið, að öðrum kosti er afslátturinn ekki í boði.

Í boði eru afsláttarmiðar fyrir félagsmenn stéttarfélaganna á leiksýningu Leikfélags Húsavíkur, Dýrin í Hálsaskógi. Sýningar hefjast á næstu vikum.

Eins og fjölmargir lesendur Heimasíðu stéttarfélaganna hafa tekið efir hefur heimasíðan fjallað töluvert um framkvæmdirnar á svæðinu er tengjast uppbyggingunni á Bakka. Það á ekki að þurfa að koma á óvart enda um miklar framkvæmdir að ræða sem kalla á um 800 starfsmenn þegar mest verður. Í þessari uppbyggingu hafa stéttarfélögin veigamikið hlutverk, það er að fylgjast með framvindu verksins er varðar kjör og aðbúnað starfsmanna. Þess vegna er eftirlitshlutverk félaganna verulegt. Eftirlitsmaður stéttarfélaganna gerði sér ferð út á Bakka í gær til að kynna sér hvort málin væru í lagi með því m.a. að skoða hvort starfsmenn væru með vinnustaðaskírteini. Allt reyndist vera í lagi enda allir með ný skírteini sem mönnum ber að vera með við byggingaframkvæmdir. Sjá myndir frá heimsókninni í gær:

Helgi Sveinbjörnsson og Hjörleifur Steinsson starfa á vegum Sandsfells sem eru að reisa vinnubúðirnar á Bakka.

 

 

 

 

 

 

 

 

Á Bakka er verið að reisa vinnubúðir fyrir um 400 starfsmenn.

Gangarnir eru langir enda  um 30 herbergi í hverju húsi og húsalengjurnar verða níu.

 

 

 

 

 

 

 

 

Það er ekki bara verið að reisa svefnskála heldur er einnig verið að reisa matsal fyrir um 400 manns, skrifstofur og tómstundaaðstöðu.

 

 

 

 

 

 

 

 

 

Hér má sjá stærstu uppþvottavél á Íslandi sem verður í mötuneyti starfsmanna á Bakka. Eins og maðurinn sagði, það er allt stærst í Þingeyjarsýslum.

 

 

 

 

 

 

 

 

 

 

 

 

 

 

 

 

 

 

 

Jón Sveinsson eftirlitsmaður frá verkfræðistofunni Eflu var á svæðinu að fylgjast með öryggismálum líkt og fulltrúi stéttarfélaganna.

 

 

 

 

 

 

 

 

 

Hér stjórna ég! Höfðinginn Friðgeir Indriðason starfar hjá LNS Saga sem staðarstjóri á Bakka, það er yfir framkvæmdum fyrirtækisns við uppbyggingu á verksmiðjunni á Bakka.

Eldri borgarar á Húsavík hafa haft aðgengi að félagsaðstöðu stéttarfélaganna í vetur fyrir minigolf, það er að efri hæðinni að Garðarsbraut 26. Hér er verið að tala um hæðina fyrir ofan Skrifstofu stéttarfélaganna. Ljósmyndari heimasíðunnar leit við hjá félögunum um daginn sem voru í miklu stuði enda keppnisskapið til staðar auk þess sem minigolfið er skemmtileg afþreying. Sjá myndir:

Kjörnefnd Framsýnar gerir tillögu um að eftirtaldir félagsmenn gegni trúnaðarstörfum fyrir félagið næsta kjörtímabil, það er frá árinu 2016 til ársins 2018. Framboðsfrestur er einnig tilgreindur í auglýsingunni. Samkvæmt lögum Framsýnar ber stjórn og trúnaðarmannaráði félagsins að samþykkja endanlega tillögu Kjörnefndar og auglýsa hana. Tillaga Kjörnefndar var samþykkt á fundi stjórnar og trúnaðarmannaráðs miðvikudaginn 20. febrúar og er hér með auglýst.

Aðalstjórn:
Formaður:
Aðalsteinn Árni Baldursson Skrifstofa stéttarfélaganna
Varaformaður:
Ósk Helgadóttir Stórutjarnaskóli
Ritari:
Jóna Matthíasdóttir Atvinnuþróunarfélag Þing.
Gjaldkeri:
Jakob Hjaltalín Olís

Meðstjórnendur:
Svava Árnadóttir Norðurþing – Raufarhöfn
Torfi Aðalsteinsson Jarðboranir
Sigurveig Arnardóttir Dvalarheimilið Hvammur

Varastjórn:
Agnes Einarsdóttir Hótel Laxá
Dómhildur Antonsdóttir Sjóvá
Einar Friðbergsson Borgarhólsskóli
Gunnþórunn Þorgrímsdóttir Grænuvellir
María Jónsdóttir Reykfiskur
Þórir Stefánsson Vegagerðin

Trúnaðarmannaráð:
Aðalsteinn Gíslason Reykfiskur
Daria Machnikowska Viðbót
Edílon Númi Sigurðarson GPG – Raufarhöfn
Eysteinn Heiðar Kristjánsson Bílaþjónustan
Guðmunda Steina Jósefsdóttir Heilbrigðisstofnun Norðurlands
Guðný Grímsdóttir Útgerðarfélag Akureyringa
Kristín Eva Benediktsdóttir Silfurstjarnan
Kristján Þorvarðarson HB – Grandi
Ragnhildur Jónsdóttir Norðurþing
Sigrún Arngrímsdóttir Húsmóðir
Sverrir Einarsson GPG – Húsavík
Valgeir Páll Guðmundsson Sjóvá
Þórdís Jónsdóttir Þingeyjarskóli
Þráinn Þráinsson Olís
Ölver Þráinsson Norðlenska

Stjórn sjúkrasjóðs:
Aðalsteinn Árni Baldursson (sjálfkj.)
Einar Friðbergsson
Dómhildur Antonsdóttir

Varamenn:
Ósk Helgadóttir (sjálfkj.)
Jónína Hermannsdóttir
Guðrún Steingrímsdóttir

Stjórn fræðslusjóðs:
Gunnþórunn Þorgrímsdóttir
Jakob Hjaltalín
María Jónsdóttir

Varamenn:
Aðalsteinn Gíslason
Ragnhildur Jónsdóttir

Stjórn orlofssjóðs:
Kristbjörg Sigurðardóttir
Örn Jensson
Ásgerður Arnardóttir

Varamenn:
Þráinn Þráinsson
Svava Árnadóttir

Stjórn vinnudeilusjóðs:
Ósk Helgadóttir
Jakob Hjaltaín
Kjartan Traustason

Varamenn:
Gunnar Sigurðsson
Guðný Þorbergsdóttir

Laganefnd:
Ósk Helgadóttir
Agnes Einarsdóttir
Torfi Aðalsteinsson

Varamenn:
María Jónsdóttir
Sigrún Arngrímsdóttir

Kjörstjórn:
Svala Björgvinsdóttir
Þórður Adamsson

Varamenn:
Birgitta Bjarney Svavarsdóttir
Garðar Jónasson

Skoðunarmenn reikninga:
Þorsteinn Ragnarsson
Pétur Helgi Pétursson

Varamaður:
Rúnar Þórarinsson

Siðanefnd:
Ari Páll Pálsson, formaður
Þóra Jónasdóttir
Fanney Óskarsdóttir

Varamenn:
Friðrika Illugadóttir
Friðrik Steingrímsson

Fulltrúar Framsýnar í 1. maí nefnd:
Aðalsteinn Árni Baldursson
Svava Árnadóttir

Varamenn:
Valgeir Páll Guðmundsson
Jóna Matthíasdóttir
Heimilt er hverjum fullgildum félaga að koma með breytingartillögur um félaga í einstakar trúnaðarstöður eða koma fram með nýja heildartillögu um skipan félaga í trúnaðarstöður fyrir næstu starfsár. Breytingartillögu skal fylgja skriflega heimild frá þeim, sem stungið er upp á og meðmæli a.m.k. 40 fullgildra félagsmanna. Nýjum heildartillögum þurfa að fylgja skrifleg meðmæli a.m.k. 80 fullgildra félagsmanna. Skylt er að koma breytingartillögum til Skrifstofu stéttarfélaganna, Garðarsbraut 26, Húsavík fyrir 20. febrúar 2016. Kosningar fara fram í samræmi við reglugerð ASÍ um allsherjaratkvæðagreiðslur.

Stjórn og trúnaðarmannaráð Framsýnar

Stjórn og trúnaðarmannaráð Framsýnar kom saman til fundar til að ræða málefni félagsins. Kjaramál voru fyrirferðamikil þar sem endurskoðun á forsendum gildandi kjarasamnings Samtaka atvinnulífsins og aðildarsambanda Alþýðusambandsins standa nú yfir. Mikil reiði kom fram á fundinum varðandi ákveðin vinnubrögð sem stunduð hafa verið síðustu vikurnar og varða endurskoðunina. Eftir miklar og líflegar umræður um kjaramál gerði formaður Kjörnefndar grein fyrir uppstillingu nefndarinnar í trúnaðarstöður fyrir félagið næstu tvö ár. Fram kom að mikil ásókn er meðal félagsmanna að fá að taka þátt í þróttmiklu starfi félagsins. Því miður komast ekki allir að en horft verður til þess að þeir komist að síðar. Eftir umræður var tillaga Kjörnefndarinnar samþykkt samhljóða og verður hún auglýst á næstu dögum.

Formaður Kjörnefndar, Ágúst Óskarsson, gerði grein fyrir tillögu Kjörnefndar sem var samþykkt samhljóða.

Menn voru hugsi á fundinum yfir nýja kjarasamningnum.

Það er mikil vinna fólgin í því fyrir stéttarfélögin að fylgjast með framkvæmdunum sem tengjast uppbyggingunni á Bakka. Markmið félaganna er að vera í góðu sambandi við verktakana og starfsmenn þeirra. Fyrir helgina funduðu talsmenn Framsýnar, það er formaður og varaformaður með yfirmönnum LNS Saga á Bakka sem koma að því að reisa verksmiðju PCC í Bakkalandi. Fundurinn var haldinn á Húsavík. Eftir fundinn á Húsavík héldu fulltrúar Framsýnar og Þingiðnar til Reykjavíkur þar sem fundað var með yfirmönnum fyrirtækisins um framkvæmdirnar á „Stór Húsavíkursvæðinu“ sem þeir sjá um. Það er byggingu stöðvarhússins á Þeistareykjum, hafnargerð, gangnagerð og vegagerð frá Húsavíkurhöfn að iðnaðarlóðunum á Bakka auk uppsteypunnar á verksmiðju PCC á Bakka.

 

Fulltrúar Framsýnar áttu fund í dag með verðandi yfirmönnum PCC BakkiSilicon hf. á Húsavík þeim Hafsteini Viktorssyni og Jökli Gunnarssyni. Hafsteinn hefur verið ráðinn sem forstjóri PCC BakkiSilicon frá og með mars 2017. Þá hefur Jökull Gunnarsson verið ráðinn framkvæmdastjóri framleiðslu hjá PCC BakkiSilicon og mun hefja störf í mars 2016. Read more „Farið yfir málin með verðandi yfirmönnum PCC BakkiSilicon hf.“

Stjórn og trúnaðarmannaráð Framsýnar kemur saman til fundar í fundarsal félagsins miðvikudaginn 20. janúar kl. 17:30. Nokkur mál eru á dagskrá fundarins, sjá dagskrá: Read more „Stjórn og trúnaðarmannaráð Framsýnar fundar á morgun“

Hér má sjá Kjörnefnd Framsýnar að störfum í vikunni. Henni er ætlað að stilla upp í allar trúnaðarstöður á vegum félagsins til næstu tveggja ára. Nefndin mun kynna tillögur sínar fyrir stjórn og trúnaðarmannaráði félagsins næsta miðvikudag. Read more „Kjörnefnd Framsýnar að ljúka störfum“

Framkvæmastjórn Starfsgreinasambands Íslands hélt tveggja daga vinnufund á Norðurlandi, nánar tiltekið á Akureyri og Húsavík. Auk þess að funda um málefni sambandsins var farið í skoðunarferðir á vinnustaði, það er bæði á Akureyri og á Húsavíkursvæðinu. Read more „Framkvæmdastjórn SGS á vinnufundi á Norðurlandi“

Stjórn Framsýnar mun koma saman til fundar á sunnudaginn kl 17:00 til að fara yfir stöðuna í kjaramálum. Fyrir liggur að forsendur kjarasamninga Samtaka atvinnulífsins og Starfsgreinasambands Íslands eru brostnar vegna ofur hækkana sem aðrir hópar launafólks hafa fengið síðustu mánuðina. Read more „Stjórn Framsýnar kölluð saman til fundar um helgina“

Nú eru aðgengileg svör við öllu sem þú vildir vita um starfsmatið en þorðir ekki að spyrja. Ef þú ert starfsmaður hjá sveitarfélagi og raðast í launaflokka út frá starfsmati er rétt að kynna sér þessa heimasíðu: http://www.starfsmat.is/. Read more „Ný heimasíða um starfsmatið“

Stjórn og trúnaðarmannaráð Framsýnar samþykkti í dag að senda frá sér svohljóðandi ályktun um úrskurð Kjararáðs sem að mati félagsins meitlar endanlega óréttlætið í stein er varðar kjör fólks á íslenskum vinnumarkaði. Read more „Framsýn mótmælir hækkunum Kjararáðs“

Nú um áramótin tóku gildi ákvæði, sem samþykkt voru á síðasta ársfundi sjóðsins, um nýtt réttindakerfi. Meginn tilgangur þessarar breytingar er að tryggja betra jafnvægi milli eigna sjóðsins á hverjum tíma og veðmætis þeirra lífeyrisréttinda sem sjóðurinn veitir. Read more „Nýtt réttindakerfi tekur gildi hjá Stapa lífeyrissjóði“

Um áramótin hækkuðu laun bankastjóra Landsbankans okkar um 41% eða um ríflega hálfa milljón á mánuði. Þetta var ákvörðun kjararáðs sem byggði m.a. á því að launin hefðu ekki verið í samræmi við “ábyrgð, starfsskyldur, vinnuframlag og árangur í starfi.” Read more „Bjartsýnishjal í byrjun árs“

Þingmennirnir Bjarkey Olsen Gunnarsdóttir og Steingrímur J. Sigfússon komu við á Skrifstofu stéttarfélaganna í gær. Þjóðmálin og málefni Þingeyinga voru til umræðu, ekki síst atvinnuuppbyggingin sem framundan er á Húsavíkursvæðinu. Fundurinn var vinsamlegur og skiptust starfsmenn og þingmennirnir á skoðunum. Read more „Kaffispjall með þingmönnum“