kuti

Fæðingarorlofskerfið er hornsteinn jafnréttis, bæði á vinnumarkaði og í samfélaginu öllu. Jöfn skipting fæðingarorlofsins milli foreldra er því mikilvægt skref í átt að jafnrétti, eins og segir í umsögn BSRB um fyrirhugaðar breytingar á lögum um fæðingarorlof. Þess má geta að Starfsmannafélag Húsavíkur á aðild að BSRB.

BSRB fagnar því að til standi að lengja orlofið í tólf mánuði og styður þá skiptingu sem lögð er til í frumvarpi stjórnvalda, það er að megin reglan verði sú að orlofið skiptist jafnt, en að einn mánuður verði framseljanlegur. Bandalagið telur það falla vel að markmiðum laga um fæðingar- og foreldraorlof, en þau eru annars vegar að tryggja börnum samvist við báða foreldra sína og hins vegar að gera konum og körlum kleift að samræma fjölskyldu- og atvinnulíf. Með jafnri skiptingu fæðingarorlofs milli foreldra mun fjarvera foreldra af vinnumarkaði verða jafn löng og áhrifin af því að fara tímabundið af vinnumarkaði verða þau sömu.

Í umsögn BSRB er því fagnað að ákveðnar heimildir séu til þess að veita öðru foreldrinu alla 12 mánuðina í fæðingarorlofi, svo sem ef barn er ekki feðrað eða ef annað foreldrið sætir nálgunarbanni eða brottvísun af heimili. Bandalagið telur rétt að bæta við matskenndri heimild til Fæðingarorlofssjóðs að færa réttindi milli foreldra, með það að markmiði að tryggja að barnið njóti umönnunar foreldris til jafns við önnur börn til 12 mánaða aldurs.

Hámarksgreiðslur fylgi launaþróun
Bandalagið varar við því að stytta það tímabil sem foreldrar hafa til töku fæðingarorlofs úr 24 mánuðum í 18. Ekki er hægt að tryggja að börn komist inn á leikskóla við 18 mánaða aldur í öllum sveitarfélögum og varhugavert að stytta tímabilið áður en bilið milli 12 mánaða fæðingarorlofs og leikskóla verður brúað.

Engar breytingar verða gerðar á greiðslum til foreldra í fæðingarorlofi samkvæmt frumvarpinu. BSRB gerir ekki athugasemd við hámarksgreiðslurnar eins og þær eru í dag en telur eðlilegt að þær fylgi almennri launaþróun í landinu. Þá ítrekar bandalagið í umsögn sinni þá kröfu að greiðslur sem samsvara lágmarkslaunum verði óskertar, en nú miðast allar greiðslur við 80 prósent af fyrri launum.

BSRB kallar eftir því að hámarksgreiðslur í fæðingarorlofi hækki í takti við launaþróun í landinu.

 

 

Öll vikan hefur einkennst af fyrirspurnum frá fyrirtækjum sem hafa verið að velta fyrir sér stöðunni í ljósi aðstæðna í þjóðfélaginu sem tengjast Covid- 19. Það er, fyrirtæki hafa verið að velta fyrir sér uppsögnum, hlutabótaleiðinni og öðrum málum er tengjast starfsmannamálum. Það er nefnilega ekki bara þannig að félagsmenn leiti til stéttarfélaganna sem aðild eiga að Skrifstofu stéttarfélaganna heldur eru forsvarsmenn fyrirtækja, stofnana og sveitarfélaga reglulegir gestir á Skrifstofu stéttarfélaganna í leit að upplýsingum. Eðlilega notast þeir oftast við tæknina og hafa samband í gegnum síma eða með því að senda okkur tölvupósta. Gott traust milli fyrirtækja og stéttarfélaga er lykillinn að góðu samstarfi aðila vinnumarkaðarins.

Hvað þetta varðar vegna Covid ástandsins hafa starfsmenn fyrirtækja einnig verið töluvert í sambandi sem tengist stöðu þeirra í þessum samdráttartímum. Eðlilega hafa menn áhyggjur af stöðinni.

Það er ekki laust við að mikill tími hafi farið í málefni starfsmanna Leikskólans á Grænuvöllum í vikunni. Stéttarfélögin stóðu að fundi með starfsmönnum sem fjölmenntu á fundinn enda mikil reiði meðal þeirra. Vegna aðstæðna í þjóðfélaginu bauðst starfsmönnum að taka þátt í fundinum á netinu sem þeir og gerðu. Aðgerðir Norðurþings gagnvart stafsmönnum eru mjög harkalegar svo ekki sé meira sagt. Starfsfólkið og stéttarfélögin hafa þegar mótmælt þessum aðgerðum og kallað eftir endurskoðun á þeim. Auk þess kallar starfsfólkið eftir virðingu Norðurþings vegna starfa þeirra fyrir sveitarfélagið sem staðið hefur vaktina á Covid tímum.

Í síðustu kjarasamningum, það er í Lífskjarasamningunum sömdu iðnaðarmenn um vinnutímabreytingar og vinnutímastyttingar. Um er að ræða nokkuð flóknar breytingar sem koma áttu til framkvæmda að hluta 1. apríl 2020 og að fullu fyrir 1. janúar 2022. Ákvæðið nær til félagsmanna Þingiðnar. Fyrirtæki á félagssvæði Þingiðnar hafa verið að taka nýju ákvæðin upp og þurft í sumum tilvikum aðstoð við útfærsluna og hafa því leitað til Skrifstofu stéttarfélaganna, meðal annars í þeirri viku sem er að líða.

Félagsmenn hætta við að fara suður. Margar afbókanir hafa borist Skrifstofu stéttarfélaganna í vikunni varðandi íbúðir stéttarfélaganna í Reykjavík og Kópavogi. Hertar sóttvarnarreglur heilbrigðisyfirvalda og hræðsla við Covid spilar þar stóra rullu. Að sjálfsögðu er mikilvægt að menn fari varlega á tímum sem þessum og fari ekki í óþarfa ferðalög, ekki síst milli landshluta.

Þrátt fyrir töluverðar þrengingar í íslensku efnahagslífi er ánægjulegt að segja frá því að alls konar fyrirtæki/fjárfestar eru að skoða möguleikana á því að hefja starfsemi í og við Húsavík. Það er alltaf ánægjulegt þegar fjárfestar sína svæðinu áhuga. Í gegnum tíðina hafa ein og ein hugmynd  sem komið hafa fram orðið að veruleika sem skipt máli fyrir svæðið, bæði stórar og smáar. Vonandi verður afurð úr einhverjum af þeim hugmyndum sem nú eru til skoðunar að veruleika í framtíðinni.

Atvinnuleysið heldur áfram að banka á dyrnar. Samtals voru um 200 manns á atvinnuleysisskrá í september á félagssvæði stéttarfélaganna sem aðild eiga að Skrifstofu stéttarfélaganna. Því miður má búast við því að það aukist frekar eftir að sauðfjárslátrun á Húsavík og á Kópaskeri klárast í haust.

Ég sagði frá því í síðustu viku að tíðinda væri að vænta varðandi frekari starfsemi stéttarfélaganna. Það verður tilkynnt formlega föstudaginn 16. október. Smá spenningur í loftinu!

Ný reglugerð um hertar aðgerðir til að sporna við útbreiðslu COVID-19 hafa tekið gildi og leggja stéttarfélögin; Framsýn, Þingiðn og STH áherslu á að fylgja tilmælum heilbrigðisyfirvalda um hertar sóttvarnir. Vegna þessa vilja stéttarfélögin og starfsmenn þeirra hvetja félagsmenn eindregið til að nýta sér síma, tölvupóst og vefsíðu stéttarfélaganna www.framsyn.is fremur en að mæta á skrifstofuna komi þeir því við. Fjölmörgum erindum er hægt að sinna gegnum síma og með tölvupósti, en að sjálfsögðu er áfram tekið á móti félagsmönnum á opnunartíma sem er 08:00-16:00 alla virka daga.

Njótum þess að vera til um helgina ágætu lesendur til sjávar og sveita!

Aðalsteinn Árni Baldursson,
formaður Framsýnar

(Skrifa þennan pistil til fróðleiks fyrir félagsmenn, hugsanlega vikulega gefist tími til þess. Viðbrögðin við síðasta pistli í vikunni sem leið voru það góð að ég ákvað að senda þennan frá mér inn í helgina)

 

Verndum verslunarfólkið okkar! Svo skrifar Ragnar Þór Ingólfsson, formaður Landssambands íslenzkra verzlunarmanna sem Framsýn stéttarfélag á aðild að.

Veiran illskæða geysar nú sem aldrei fyrr og hafa sóttvarnalæknir og yfirvöld boðað hertari aðgerðir á höfuðborgarsvæðinu. Tveggja metra reglan hefur tekið gildi á ný og viðskiptavinum verslana er skylt að bera grímur ef ekki er hægt að tryggja að minnsta kosti tveggja metra fjarlægðarmörk. Þó aðgerðirnar eigi aðeins við um höfuðborgarsvæðið eins og staðan er í dag þá væri það sterkur leikur hjá landsmönnum öllum að herða á eigin sóttvörnum. Sem formaður Framsýnar stéttarfélags tek ég heilshugar undir þessi ummæli formanns LÍV.

Ég vil því biðla til allra viðskiptavina verslana og annarra þjónustuaðila að gæta ýtrustu varkárni og fylgja í hvívetna þeim reglum sem hafa verið settar, bæði fyrir þeirra eigin hag og þeirra sem standa vaktina fyrir okkur hin í verslunum og þjónustu, enda verður illa komið fyrir okkar samfélagi ef við getum ekki verslað nauðsynjar. Þá er einnig mikilvægt að atvinnurekendur tryggi öryggi í starfsumhverfi verslunarfólks og fólks í þjónustu. Nú sem aldrei fyrr er brýnt að við verndum verslunarfólkið okkar. Sem betur fer höfum við Þingeyingar sloppið mjög vel fram að þessu og vonandi verður svo áfram. Forsendan fyrir því er að við förum gætilega í okkar daglegum störfum og umgengni við annað fólk. Ég vil nota tækifærið og þakka öllu því frábæra fólki sem stendur vaktina í verslun og þjónustu við viðskiptavini fyrir framlag þeirra í okkar þágu sem þurfum á þessari þjónustu að halda í okkar daglega lífi. Hafið kærar þakkir fyrir enda ekki sjálfgefið á þessum undarlegu tímum að menn séu klárir að standa vaktina og þjóna öðrum þegar nánast daglega er varað við útbreiðslu veikinnar. Takk fyrir okkur.

Aðalsteinn Árni Baldursson,
Formaður Framsýnar stéttarfélags

 

Félagsmönnum stéttarfélaganna og reyndar öðrum líka stendur til boða mikið úrval af frábærum rafrænum námskeiðum hjá Gerum betur. Hvetjum fólk til að skoða úrvalið inn á heimasíðu þeirra https://gerumbetur.is/  KOMA SVO!

 

Starfsmenn Leikskólans á Grænuvöllum komu saman til fundar síðdegis á þriðjudaginn til að bregðast við ákvörðun Norðurþings um að skerða kjör starfsmanna með fordæmalausum hætti. Fundurinn var haldinn í samstafi við stéttarfélög starfsmanna. Það er Framsýn, STH og Félag leikskólakennara. Nánast allir starfsmenn leikskólans sem falla undir skerðingarnar tóku þátt í fundinum eða um 45 starfsmenn auk þriggja formanna þeirra stéttarfélaga sem tengjast málinu. Vegna aðstæðna í þjóðfélaginu var fundinum streymt beint til þeirra starfsmanna sem völdu að vera heima og taka þátt í fundinum þannig.

Ekki þarf að taka sérstaklega fram að starfsmönnum er verulega brugðið við þessa ákvörðun sveitarfélagsins enda um verulegar kjaraskerðingar að ræða. Þá kom skýrt fram hjá fundarmönnum að þeir telja sig upplifa mikið virðingarleysi gagnvart störfum þeirra hjá sveitarfélaginu. Ekki síst á tímum Covid þegar starfsmenn hafa staðið vaktina á erfiðum tímum til að börn geti notið menntunar og þörfum sveitarfélagsins, atvinnulífsins og foreldra hefur verið sinnt af starfsmönnum eftir bestu getu. Spurt var; Hvað dettur þeim næst í hug varðandi það að skerða kjörin okkar? Hvar eru þakkirnar fyrir okkar störf?

Hópur starfsmanna tók til máls á fundinum sem var líflegur og litaður af óánægju starfsmanna. Eftir umræður var meðfylgjandi yfirlýsing samþykkt samhljóða með handauppréttingu og undirskrift fundarmanna, þar sem skorað er á Norðurþing að draga þessar fordæmalausu kjaraskerðingar til baka.

Krafa stéttarfélaga starfsmanna er einnig sú að sveitarfélagið verði við kröfum starfsmanna og afturkalli boðaðar kjaraskerðingar sem eru langt frá því að teljast eðlilegar. Með þessum gjörningi Norðurþings eru farnar allar launahækkanir sem samið var um í Lífskjarasamningunum fyrir Leikskólakennara og að mestu fyrir þá starfsmenn sem ekki eru með formlega menntun í uppeldisfræðum. Því er óumdeilanlegt að þessar aðgerðir leiða til kaupmáttarrýrnunar þeirra starfsmanna sem njóta þessara greiðslna í dag.

YFIRLÝSING
Norðurþing dragi til baka fordæmalausar kjaraskerðingar

Starfsmenn Leikskólans Grænuvalla sem jafnframt eru félagsmenn í Félagi leikskólakennara, Framsýn og Starfsmannafélagi Húsavíkur mótmæla harðlega þeirri ákvörðun Norðurþings að segja upp hluta af þeirra ráðningarkjörum.

Í uppsagnarbréfi til starfsmanna kemur fram að ákveðið hafi verið að segja upp fastri yfirvinnu sem starfsmenn hafa fengið fram að þessu og tengist sveigjanlegum neysluhléum á vinnutíma. Samkomulag þetta hefur verið við líði til fjölda ára. Í samþykkt bæjarráðs 23. mars 2000 er tekið fram;

„Starfsfólk á leikskólum Húsavíkur sem matast inn á deildum með börnum í hádeginu fái greiddar 11 klst. Í yfirvinnu á mánuði miðað við að matast sé með börnum alla virka daga.“

Almennt eru starfsmenn á leikskólum, sem ekki hafa lokið formlegri menntun sem leikskólakennarar, með á bilinu 360.000 kr. til 400.000 kr. á mánuði m.v. fullt starf. Kjaraskerðingin hjá þessum hópi starfsmanna nemur góðum mánaðarlaunum á ársgrundvelli eða að jafnaði um 450.000 krónum sem er gjörsamlega óásættanlegt.  Leikskólakennarar eru með mánaðarlaun frá um 500.000 kr. til 700.000 kr. m.v fullt starf eftir starfsreynslu og fjölda ECTS eininga umfram B.ed. eða sambærilegt bakklárpróf. Sé horft til allra stétta innan leikskólans er skerðingin á bilinu 420.000 kr. upp í um 700.000 kr. á ársgrundvelli, það er mismunandi eftir starfsstéttum.

Um áramót 2020/2021 verða 65.000 kr. af lífskjarasamningum komin til framkvæmda frá undirritun samningsins. Uppsögnin nú á ráðningakjörum starfsmanna leiðir því til þess hjá hluta  starfsmanna að þrátt fyrir 65.000 kr. kjarasamningsbundna hækkun lækka einstaklingar í launum. Það er óumdeilt að þessar aðgerðir leiða til kaupmáttarrýrnunar þeirra starfsmanna sem njóta þessara greiðslna. Aðgerðin er því harkaleg.

Benda má á að  samkvæmt lögum  95/2019  um menntun, hæfni og ráðningu kennara og skólastjórnenda við leikskóla, grunnskóla og framhaldsskóla eiga 2/3 hlutar þeirra er sinna uppeldi og menntun í leikskóla að hafa leyfisbréf til kennslu. Sveitarfélagið uppfyllir ekki það skilyrði laganna og með uppsögn á þessum ráðningakjörum starfsmanna er ljóst verið er að vinna gegn því að ná markmiðum laganna.

Uppsögn á kjörum starfsmanna getur í reynd verið uppsögn á ráðningarsamningum þeirra ákveði þeir að una ekki uppsögn á þessum ráðningarkjörum sínum.  Uppsagnirnar geta því í eðli sínu jafngilt hópuppsögn og ekki er vitað til þess að Norðurþing hafi tilkynnt Vinnumálastofnun og hlutaðeigandi aðilum að sveitarfélagið hafi ákveðið að ráðast í hópuppsagnir á starfsmönnum Leikskólans Grænuvalla.

Hér með er þess krafist að sveitarfélagið Norðurþing dragi þegar í stað til baka boðaðar uppsagnir á ráðningarkjörum starfsmanna sem eru fordæmalausar og beint að kvennastéttum.

 

Ný reglugerð um hertar aðgerðir til að sporna við útbreiðslu COVID-19 hafa tekið gildi og leggja stéttarfélögin; Framsýn, Þingiðn og STH áherslu á að fylgja tilmælum heilbrigðisyfirvalda um hertar sóttvarnir. Vegna þessa vilja stéttarfélögin og starfsmenn þeirra hvetja félagsmenn eindregið til að nýta sér síma, tölvupóst og vefsíðu stéttarfélaganna www.framsyn.is fremur en að mæta á skrifstofuna komi þeir því við.

Fjölmörgum erindum er hægt að sinna gegnum síma og með tölvupósti, en að sjálfsögðu er áfram tekið á móti félagsmönnum á opnunartíma. Sími félagsins er 464-6600. Netföng starfsmanna eru inn á heimasíðu stéttarfélaganna.

Höfum í huga:

• Virðum fjarlægðarreglur sem eru í gildi.
• Sprittum hendur
• Þvoum hendur reglulega
• Notum grímur í fjölmenni
• Forðumst óþarfa snertingar

Með þessum aðgerðum leggja félagsmenn og þeir sem erindi eiga á Skrifstofu stéttarfélaganna á Húsavík sitt af mörkum til að minka líkur á því að vírusinn breiðist hraðar út en efni standa til.

 

Þingiðn

Framsýn stéttarfélag

Starfsmannafélag Húsavíkur

Félagsmenn Framsýnar, STH og Félags leikskólakennara sem starfa á Leikskólanum Grænuvöllum á Húsavík hafa leitað til félaganna vegna breytinga sem Norðurþing hefur boðað á kjörum og réttindum starfsmanna. Norðurþing hefur ákveðið að segja upp fastri yfirvinnu sem starfsmenn hafa fengið fram að þessu og tengist sveigjanlegum neysluhléum á vinnutíma. Um er að ræða umtalsverðar kjaraskerðingar eða sem nema rúmlega mánaðarlaunum hjá hverjum og einum starfsmanni á ársgrundvelli. Eðlilega eru starfsmenn afar óhressir og hafa boðað til starfsmannafundar í samráði við aðildarfélög starfsmanna í dag kl. 16:30 til að ræða viðbrögð við þessum harkalegu aðgerðum Norðurþings sem eru fordæmalausar.

Málefni starfsmanna Norðurþings voru til umræðu á stjórnar og trúnaðarráðsfundi Framsýnar þann 30. september. Samþykkt var að bregðast við þessum aðstæðum með því að kalla eftir upplýsingum frá Norðurþingi um stefnu þeirra í þessum málum er varðar kjör starfsmanna sveitarfélagsins. Það er, óskað er eftir upplýsingum frá Norðurþingi um hvort skerðingar á kjörum og kjarasamningsbundnum réttindum nái til allra starfsmanna sveitarfélagsins? Ef svo er ekki, til hvaða hópa/deilda innan sveitarfélagsins þær nái til?

 

 

 

Ferðakostnaðarnefnd hefur endurskoðað aksturgjaldið og ákveðið að það verði sem hér segir:

Almennt gjald

• Fyrstu 10.000 km, kr. 114,0 pr. km
• Frá 10.000 til 20.000 km, kr. 102,0 pr. km
• Umfram 20.000 km, kr. 91,0 pr. km

Síðan er rétt að árétta að við útreikning á sérstöku gjaldi skal bæta 15% álagi á almenna gjaldið og við útreikning á torfærugjaldi skal bæta 45% álagi á almenna gjaldið.

Nýja akstursgjald gildir frá og með 1. október 2020.

 

Vikan byrjaði á mánudagsmorgun með fundi í stjórn sjúkrasjóðs félagsins en stjórn sjóðsins kemur saman mánaðarlega og úthlutar sjúkrastyrkjum og sjúkradagpeningum til félagsmanna í samræmi við lög sjóðsins. Úthlutuð var um 5 milljónum til 150 félagsmanna.

Fyrirtæki hafa verið í sambandi þar sem vöntun er á starfsfólki til starfa á félagssvæði stéttarfélaganna og reyndar austur á firði einnig. Illa gengur að fá fólk til að taka þessum störfum sem er umhugsunarefni á sama tíma og fjöldi fólks er á atvinnuleysisbótum. Mikilvægt er að efla vinnumiðlun á vegum Vinnumálastofnunnar.

Því miður eru kjarasamningsbrot of algeng í ferðaþjónustunni. Framsýn vinnur að því að stefna ákveðnu fyrirtæki í ferðaþjónustu sem er fyrirmunað að virða ákvæði kjarasamninga.

Fundaði með stjórn, trúnaðarráði og stjórn Framsýn-ung síðasta miðvikudag. Fjörugur og upplýsandi fundur þar sem Lífskjarasamningurinn, uppsagnir á kjörum hjá ákveðnum hópi hjá Norðurþingi, atvinnuástandið, verðkannanir og önnur mikilvæg mál voru til umræðu. Það er hreint út frábært að starfa með öllu því góða fólki sem gefur sig fram í þessi mikilvægu störf fyrir félagið. Eintaklega samhentur og góður hópur.

Gáfum út Fréttabréf í vikunni með helstu fréttum úr starfsemi stéttarfélaganna undanfarna mánuði. Ómissandi þáttur í starfi félaganna sem félagsmenn kunna vel að meta.

Góður samstarfsfélagi lét af störfum um síðustu mánaðamót, Huld Aðalbjarnardóttir fjármála- og skrifstofustjóri stéttarfélaganna.  Huld hefur verið góður samstarfsfélagi í gegnum tíðina og það hefur bæði verið gefandi og eins skemmtilegt að starfa með henni að málefnum stéttarfélaganna. Elísabet Gunnarsdóttir hefur tekið við starfi hennar sem fjármálastjóri stéttarfélaganna. Lísa hefur víðtæka reynslu og menntun er viðkemur bókhaldi og fjármálastjórnun. Lísa er með BS í viðskiptafræði frá Háskólanum í Reykjavík og MS í fjármálum fyrirtækja frá Háskóla Íslands. Hún hefur undanfarin ár starfað hjá Norðursiglingu og þar áður hjá endurskoðunarfyrirtækjunum ENOR og PwC. Um leið og Huld eru þökkuð vel unnin störf í þágu stéttarfélaganna er Elísabet boðin velkomin til starfa.

Sagði frá því á fundi stjórnar og trúnaðarráðs Framsýnar í vikunni að ég hefði ákveðið að gefa ekki kost á mér í miðstjórn eða varamiðstjórn ASÍ. Hef undanfarið setið í varamiðstjórn. Tilnefningar í miðstjórn ASÍ voru nýlega til umræðu á formannafundi Starfsgreinasambands sem á rétt á 6 fulltrúum í miðstjórn og 6 mönnum í varastjórn samkvæmt ákveðnu fyrrikomulagi. Óánægja með núverandi forystusveit ASÍ hafði þar úrslitaráhrif. Sambandsleysi milli ASÍ, SA og stjórnvalda er aldrei vænlegt til árangurs eins og bergmálað hefur í fjölmiðlum undanfarið og  fyrrverandi forseti ASÍ kom inn á í fjölmiðlum í vikunni. Þá er ólíðandi að ný störf og önnur störf á skrifstofu ASÍ séu ekki auglýst laus til umsóknar en núverandi forysta hefur handvalið í störfin sem hafa losnað, það á ekki að líðast hjá hreyfingu sem kennir sig við jafnrétti, jöfnuð og virkt lýðræði.

Skrifaði Sigurði Inga ráðherra bréf í vikunni varðandi áætlunarflug um Húsavíkurflugvöll sem er okkur Þingeyingum afar mikilvægt. Kom nokkrum ábendingum á framfæri við hann sem betur mega fara.

Var einnig í sambandi við stjórnendur Flugfélagsins Ernis um stöðuna og áframhaldandi flug til Húsavíkur í vetur. Átti góðar samræður við þá enda höfum við verið í góðu sambandi við þá með samningi um ákveðin kjör fyrir félagsmenn sem gildir vel fram á næsta ár enda verði ekki breytingar á flugi til Húsavíkur á þessum undarlegu tímum.

Gerðum samkomulag við PCC um vinnutímastyttingu hjá starfsmönnum. Afar gott mál og einfalt í framkvæmt. Starfsmenn koma til með að fá 6 daga auka frí á ári án þess að skerðast í launum. Það er 48 dagvinnustundir.

Óánægja meðal starfsmanna Norðurþings. Stjórnendur Norðurþings hafa ráðist í miklar aðhaldsaðgerðir sem beinast m.a. að kjörum starfsmanna sveitarfélagsins. Vitað er að búið er að boða breytingar hjá Orkuveitunni og á leikskólanum Grænuvöllum. Hvað starfsmenn Grænuvalla varðar er um að ræða boðaðar breytingar á kjörum starfsmanna sem koma mjög illa við starfsmenn, það er um er að ræða töluverðar kjaraskerðingar fyrir starfsmenn gangi tillögur Norðurþings að fullu eftir. Félag leikskólakennara hefur óskað eftir samstarfi við Framsýn varðandi þetta mál sem er í skoðun. Fundað verður með starfsmönnum Grænuvalla næstkomandi þriðjudag um málið.

Átti samtal við einstakling sem óskaði eftir fundi með mér og varðar málefni eldri borgara og öryrkja, það er störfum þeirra á vinnumarkaði. Áhugavert mál sem full ástæða er til að skoða betur.

Félagi Jónas Kristjánsson formaður Þingiðnar fagnar 60 ára afmæli í dag. Að sjálfsögðu komum við honum á óvart í morgun og buðum honum í morgunkaffi með starfsmönnum stéttarfélaganna. Hamingjuóskir til Jónasar og fjölskyldu með afmælisbarnið.

Hef unnið að mikilvægu máli sem vonandi er í höfn og kallar á aukna starfsemi á vegum stéttarfélaganna. Þar sem málið er á viðkvæmu stigi get ég ekki sagt meira að sinni.  Vonandi verður hægt að sjá frétt um málið á heimasíðunni í næstu viku. Þangað til er það trúnaðarmál.

Annars góður og góða helgi ágætu fjölmörgu lesendur heimasíðu stéttarfélaganna. Lífið er núna eins og maðurinn sagði!

Aðalsteinn Árni Baldursson,
formaður Framsýnar

(Skrifa þennan pistil til fróðleiks fyrir félagsmenn, hugsanlega vikulega gefist tími til þess)

 

 

 

Framsýn, Félag leikskólakennara og STH boða hér með til fundar með starfsmönnum Grænuvalla þriðjudaginn 6. október kl. 16:30 í fundarsal stéttarfélaganna.

Fundarefni:

1. Ákvörðun Norðurþings að skerða kjör starfsmanna verulega
2. Önnur mál

Mikilvægt er að starfsmenn fjölmenni á fundinn og taki þátt í umræðum og afgreiðslu fundarins.

Framsýn stéttarfélag

Félag leikskólakennara

Starfsmannafélag Húsavíkur

 

Jónas Kristjánsson formaður Þingiðnar, félags iðnaðarmanna í Þingeyjarsýslum fagnar 60 ára afmæli í dag, föstudaginn 2. október. Starfsmenn stéttarfélaganna plötuðu hann í heimsókn í morgun. Starfsmennirnir töldu við hæfi að færa formanninum smá gjöf í tilefni dagsins auk þess að bjóða honum upp á afmælistertu og afmælissöng. Jónas var verulega hissa yfir þessu öllu saman enda reiknaði hann ekki með þessari uppákomu.  Til hamingju með daginn félagi Jónas!

Huld Aðalbjarnardóttir fjármála- og skrifstofustjóri hefur látið hafa störfum hjá stéttarfélögunum.

Elísabet Gunnarsdóttir hefur tekið við starfi hennar sem fjármálastjóri stéttarfélaganna. Lísa hefur víðtæka reynslu og menntun er viðkemur bókhaldi og fjármálastjórnun. Lísa er með BS í viðskiptafræði frá Háskólanum í Reykjavík og MS í fjármálum fyrirtækja frá Háskóla Íslands. Hún hefur undanfarin ár starfað hjá Norðursiglingu og þar áður hjá endurskoðunarfyrirtækjunum ENOR og PwC.  Lísa var í sumar ráðin tímabundið til starfa hjá stéttarfélögunum, það er fram að næstu áramótum, ráðning hennar hefur nú verið framlengd ótímabundið.

Huld eru þökkuð vel unnin störf í þágu stéttarfélaganna um leið og henni er óskað velfarnaðar í framtíðinni. Huld hefur verið góður samstarfsfélagi í gegnum tíðina og unnið störf sín af mikilli alúð og samviskusemi. Um leið og Huld eru þökkuð vel unnin störf í þágu stéttarfélaganna er Elísabet boðin velkomin til starfa.

Til sölu er bifreið stéttarfélaganna sem er Nissan Qashqai HOF01 árgerð 2008. Þessi eðalvagn er keyrður 215.000 km. Ásett verð er kr. 650.000,-. Að sjálfsögðu munum við skoða önnur tilboð í bifreiðina. Frekari upplýsingar gefur Aðalsteinn Árni Baldursson á Skrifstofu stéttarfélaganna á Húsavík.

Fulltrúar Framsýnar/Þingiðnar gengu í dag frá samkomulagi við PCC um framkvæmd á vinnutímastyttingu sem tekur gildi um næstu mánaðamót meðal starfsmanna PCC á Bakka og samið var um í síðustu kjarasamningum að tæki gildi 1. október 2020.

Samkvæmt samkomulaginu styttist vinnutíminn um 6 virka daga eða 48 dagvinnustundir á ársgrundvelli. Þegar mest var störfuðu um 150 starfsmenn hjá fyrirtækinu. Eins og fram hefur komið í fjölmiðum var 80 starfsmönnum fyrirtækisins sagt upp í sumar og hafa uppsagnirnar verið að koma til framkvæmda. Á næstu mánuðum munu því um 50 til 60 starfsmenn starfa hjá fyrirtækinu við  viðhald, rekstur og önnur störf innan fyrirtækisins.

Samkvæmt samkomulaginu styttist virkur vinnutími 1. október 2020 úr 37 klst. og 5 mín. á viku í 36 klst. að meðaltali á viku eða 156 klst. á mánuði m.v. meðalmánuð án skerðingar á mánaðarlaunum starfsmanns. Vinnutímastytting leiðir ekki til breytinga á vaktakerfi, fjölda dag- og yfirvinnustunda eða mánaðarlaunum.

Vinnutímastyttingu vaktavinnumanna verður safnað upp með þeim hætti að starfsmaður fær frí sem nemur heilum vöktum. Samkomulag er um að vinnutímastytting í 12 klst. vaktakerfi nemi fjórum 12 klst. vöktum m.v. fullt ársstarf. Starfsmaður heldur dagvinnulaunum með vaktaálagi, án yfirvinnugreiðslna.

Hjá dagvinnumönnum getur vinnutímastytting komið til framkvæmda sem styttri vinnutími viku hverja, mánaðarleg stytting eða annað fyrirkomulag sem ákveðið verður að höfðu samráði við starfsmenn. Miðað við fullt ársstarf er samkomulag um að vinnutímastytting nemi sex dögum á dagvinnulaunum, án yfirvinnugreiðslna (eða fjórum vinnudögum m.v. 10 klst. vinnudag).

Frívaktir / frídagar vegna vinnutímastyttingar skulu teknar innan 14 mánaða frá því rétturinn skapaðist. Óteknar frívaktir / frídagar skuli gerðar upp við starfslok.

Frívaktir skulu teknar í samráði við næsta yfirmann í tilfellum vaktavinnumanna og miðað er við að frívaktar sé óskað með að lágmarki tveggja vikna fyrirvara.

Hjá dagvinnumönnum er almenna reglan að stytting sé tekin út á sama hátt og hjá skrifstofufólki með styttri vinnudegi á föstudögum, en annars í samráði við næsta yfirmann.

Það voru Dögg Stefánsdóttir mannauðsstjóri PCC og Rúnar Sigurpálsson forstjóri PCC sem gengu frá samningnum í dag fyrir hönd fyrirtækisins. Frá stéttarfélögunum Framsýn og Þingiðn skrifaði Aðalsteinn Árni Baldursson undir samninginn. Mikill ánægja er með samninginn meðal samningsaðila.

 

Vegna lækkunar á heimsmarkaðsverði á olíu milli viðmiðunartímabila sem ákvarðar skiptaverð til sjómanna þá hækkar skiptaverðið í október sem hér segir:

Þegar afli er seldur til skyldra aðila innanlands verður skiptaverðið í október 72,5% af heildar aflaverðmætinu (ath. þó ágreining við SFS um þetta, en málið verður útkljáð í Félagsdómi á næstunni).

Þegar afli er seldur óskyldum aðila innanlands verður skiptaverðið í október 72% af heildar aflaverðmætinu.

Þegar frystiskip selur afla með FOB söluskilmálum verður skiptaverðmætið í október 73% af verðmætinu en 67,5% ef selt er með CIF söluskilmálum.

Þegar rækja er fryst um borð verður skiptaverðmætið í október 70% af FOB verðmætinu og 64,5% af CIF verðmætinu.

Þegar afli er fluttur út í gámum er skiptaverðið 72% af verðmætinu að frádregnum flutnings- og sölukostnaði.

Olíuverð hefur ekki áhrif á skiptaverð þegar siglt er með aflann til sölu í erlendri höfn. Skiptaverðið er 70% af söluverðmætinu þegar uppsjávarfiski er landað erlendis og 66% af söluverðmætinu þegar botnfiski er landað í erlendri höfn.

Að öðru leyti er vísað á heimasíðu SSÍ (www.ssi.is) um skiptaverðið.

 

Framsýn hefur gengið frá styrktarsamningi við Blakdeild Völsungs til tveggja ára. Innan blakdeildarinnar hefur verið rekið öflugt starf og sendir deildin bæði karla- og kvennalið í Íslandsmót í vetur. Lúðvík Kristinsson formaður Blakdeildarinnar og formaður Framsýnar, Aðalsteinn Árni Baldursson skrifuðu undir samninginn á dögunum.

 

 

Fyrirtækinu Alvarr ehf. vantar mann í útivinnu við jarðboranir.  C/CE ökuréttindi nauðsynleg og helst reynsla af rafsuðu. Fyrirtækið hefur m.a. unnið við boranir á félagssvæði Framsýnar.

Looking for a person for a drilling job.  C/CE driving licence vital and preferably some pin welding experience.

Frekari upplýsingar gefur Friðfinnur K. Daníelsson í síma 894-1624

More information: Friðfinnur K. Daníelsson í síma 894-1624

 

W najbliższy czwartek 3 września zostanie otwarta dla osób polskojęzycznych Infolinia Czerwonego Krzyża 1717 i czat internetowy www.1717.is

Usługa w j. polskim będzie czynna w czwartki w godz. 20-23.

Grupa wolontariuszy mówiących po polsku przyłączyła się do projektu i przeszła odpowiednie szkolenie, aby móc odpowiadać na pytania. Celem jest dotarcie do polskojęzycznych osób mieszkających w tym kraju. Uważamy, że projekt jest konieczny ze względu na dużą grupę polskojęzycznych osób mieszkających na Islandii, a przy wsparciu Ministerstwa Spraw Społecznych jesteśmy w stanie obsłużyć tę dużą grupę osób, która obecnie liczy

ponad 20 000 osób.

Od 2004 roku 1717 otrzymał setki tysięcy wiadomości przez telefon i czat online od osób potrzebujących pomocy.

Rocznie w 1717 odbieranych jest około 15 tysięcy wiadomości i są one bardzo zróznicowane. Większość z nich dotyczy problemów psychologicznych i społecznych, takich jak depresja, lęk, myśli samobójcze, izolacja społeczna i obawy finansowe.

W projekcie bierze udział około 100 wolontariuszy, którzy zapewniają wsparcie psychologiczne, aktywne słuchanie. Kontakt jest bezpłatny (np. do połączenia nie jest wymagany kredyt), a usługa jest zawsze anonimowa i poufna. Usługa jest dostępna przez 24 godziny na dobę w języku islandzkim, ale w ostatnich miesiącach trwały wyżej wymienione prace mające na celu rozszerzenie usługi.

Dobrze jest poznać i wskazać ludziom 1717. Dzwonić można przez całą dobę, pomoc otrzymają wszyscy, którzy tego potrzebują!

Żaden problem nie jest zbyt duży lub mały dla telefonu zaufania 1717 i czatu internetowego.

Starfsfólki Skrifstofu stéttarfélaganna barst í vikunni glaðningur frá Vinnumálastofnun, það er frá skrifstofu stofnunarinnar á Norðurlandi eystra með þakklæti fyrir aðstoðina. Hér er verið að vitna til þess að mikið álag hefur verið á Skrifstofu stéttarfélaganna undanfarnar vikur og mánuði sem tengist aðstæðum sem skapast hafa vegna Covid-19 og falla undir starfsemi Vinnumálastofnunnar. Starfsfólk stéttarfélaganna þakkar fyrir sendinguna sem er konfekt frá Nóa.

Stjórn og trúnaðarráð ásamt stjórn Framsýnar-ung kemur saman til fundar miðvikudaginn 30. september kl. 17:00 í fundarsal stéttarfélaganna. Aðalumræðuefni fundarins verða kjaramál og staðan í atvinnumálum.

Dagskrá.

1. Fundargerð síðasta fundar
2. Inntaka nýrra félaga
3. Lífskjarasamningurinn
4. Samkomulag við VMST
5. Atvinnuástandið á félagssvæðinu
6. Formannafundir/SGS-ASÍ
7. Flugsamgöngur Hús-Rvk
8. Verðkönnun ASÍ
9. Samkomulag við PCC
10. Kjör fulltrúa á þing/fundi:ASÍ-SSÍ-AN
11. Erindi frá Félagi íslenskra félagsliða
12. Orlofshúsið á Illugastöðum
13. Norðurþing- breytingar á kjörum starfsmanna
14. Önnur mál