Í dag var undirritaður nýr samningur milli Framsýnar og Samtaka atvinnulífsins um kaup og kjör starfsmanna við hvalaskoðun á Húsavík. Samningurinn byggir á kjarasamningi Samtaka atvinnulífsins og Starfsgreinasambands Íslands. Gildistími samningsins er frá 1. febrúar 2024 til 31. janúar 2028. Hægt er að nálgast helstu atriði samningsins hér að neðan:

SAMNINGUR
milli
Framsýnar, stéttarfélags
og
Samtaka atvinnulífsins
um breytingar á kjarasamningi um störf á farþegabátum í ferðaþjónustu

1. gr.

Almennir kjarasamningar Framsýnar, stéttarfélags og Samtaka atvinnulífsins voru framlengdir með kjarasamningum SA og SGS 7. mars 2024. Kjarasamningarnir gilda frá 1. febrúar 2024 til 1. febrúar 2028. Samningur þessi felur í sér nánara samkomulag um framkvæmd þeirra samninga fyrir félagsfólk Framsýnar sem starfar á farþegabátum í ferðaþjónustu og breytingu á gildandi kjarasamningi aðila vegna þessara starfa.

2. gr.

Launabreytingar og kauptaxtar

Um almenna hækkun launa og orlofs- og desemberuppbót fer skv. aðalkjarasamningi SA og Framsýnar.

Kauptaxtar verða sem hér segir á samningstímabilinu:

	1.2.2024	1.1.2025	1.1.2026	1.1.2027
Byrjunarlaun	475.820	501.598	527.087	552.526
Eftir 1 ár í starfsgrein	483.750	508.500	533.250	558.000
Eftir 3 ár í starfsgrein	494.225	517.975	541.725	565.475

Starfsmaður sem starfað hefur tvær vertíðir við hvalaskoðun skal eftir það ekki taka lægri laun en m.v. 1 ár í starfsgrein. Með vertíð er átt við a.m.k. 500 unnar stundir.

3. gr.

Við grein 5.1.1. bætist:

Heimilt er að greiða fæðisgjald fyrir hverja ferð og skal það þá að lágmarki vera kr. 450 pr. ferð.

Húsavík og Reykjavík, 26. mars 2024

F.h. Framsýnar, stéttarfélags                                                 F.h. Samtaka atvinnulífsins

Bókun

Ef starfsmaður er sendur af atvinnurekanda, sem hann er í ráðningarsambandi við, til að sinna störfum hjá öðrum lögaðila, teljast unnar stundir þar sem hluti vinnuskyldu hjá atvinnurekanda, óháð því hver greiðandi launa er.

Bókun

Fyrirtækin sem starfa við hvalaskoðun á Húsavík leggja mikla áherslu á að öllum öryggisreglum sé fylgt er snúa að áhöfn og farþegum. Fyrirbyggjandi öryggisfræðsla er lykilþáttur í starfseminni og hnökralaus framkvæmd er mikilvæg til að tryggja gott orðspor atvinnugreinarinnar.

Reynsla lykilstarfsfólks getur bætt enn frekar öryggisvitund um borð. Til að miðla þeirri reynslu með markvissari hætti munu fyrirtækin auka tíðni samstarfsfunda stjórnenda og fulltrúa starfsfólks.

Bókun

Skv. kjarasamningi skulu neysluhlé vera sem svara 5 mín. fyrir hvern unninn klukkutíma. Þessi hlé eru tekin milli ferða eftir nánara samkomulagi starfsfólks og stjórnanda. Við skipulag ferða skal tryggt að starfsfólk fái þessi samningsbundnu neysluhlé.

Stéttarfélögin hafa opnað fyrir umsóknir um orlofshús og íbúðir sumarið 2024. Hægt er að nálgast frekari upplýsingar og umsóknareyðublað hér á heimasíðunni. Frestur til að sækja um orlofskosti á vegum félaganna er til 10. apríl 2024. Strax í kjölfarið verður húsunum  úthlutað til félagsmanna. Þá liggur frammi Fréttabréf á Skrifstofu stéttarfélaganna og í öllum helstu verslunum á svæðinu með upplýsingum um orlofskosti stéttarfélaganna, það er allt frá Mývatnssveit til Þórshafnar. Félögin hafa jafnframt áveðið að standa fyrir sumarferð á Langanes um miðjan júní. Ferðin verður auglýst nánar síðar.

Vegagerðin hefur tekið ákvörðun um að samningar við Mýflug/Flugfélagið Erni um flug frá Reykjavík til Húsavíkur og Vestmannaeyja verði ekki framlengdir. 

Félögin munu fljúga sitt síðasta flug til Húsavíkur þann  1. apríl nk. Ernir hóf áætlunarflug á milli Reykjavíkur og Húsavíkur vorið 2012 og hefur félagið þannig haldið þessari loftbrú gangandi í tæp 12 á, síðustu mánuðina með stuðningi frá Vegagerðinni.  

Mýflug fékk einnig stuttan samning um flug á milli Reykjavíkur og Vestmannaeyja sem lýkur jafnframt í lok mars.  

Eina áætlunarleið félaganna eftir þann tíma verður því á milli Reykjavíkur og Hafnar í Hornafirði en sá samningur er til 31. ágúst 2024. Á næstu vikum verður sú flugleið boðin út, samkvæmt ákvörðun Vegagerðarinnar. 

Mýflug og Ernir vilja nota tækifærið og þakka samfélaginu öllu fyrir norðan fyrir frábært samstarf og ánægjuleg viðskipti en þó sérstaklega Stéttarfélaginu Framsýn sem stutt hefur við þessa loftbrú með fyrirmyndar hætti síðustu árin. 

Sömu kveðjur senda félögin einnig til allra viðskiptavina sinna og bæjaryfirvalda í Vestmannaeyjum.  

Það er dapurlegt að skortur á fjármagni komi í veg fyrir áframhaldandi áætlunarflug til Húsavíkur og Vestmannaeyja. Flug til dreifðari byggða landsins verður því miður ekki starfrækt á markaðslegum forsendum. Þar þarf ríkið að koma að málum með því að líta á flugsamgöngur sem hluta af samgönguinnviðum, líkt og vegi og ferjur.

Eftir því sem best er vitað hyggst Vegagerðin bjóða út áætlunarflug til Húsavíkur og Vestmannaeyja til næstu ára, þrjá mánuði á ári yfir vetrartímann.

Flugrekendur sem hafa haldið uppi þjónustu á grundvelli samninga við Vegagerðina hafa lengi bent á að slíkir samningar þurfi að vera til langs tíma, að lágmarki fimm ára, og leiða þannig til fyrirsjáanleika hjá notendum og samningsaðilum. Aðeins þannig er hægt að veita íbúum landsbyggðarinnar áreiðanlega þjónustu ásamt því að tryggja flugrekendum eðlilega arðsemi úr sínum rekstri.

Nánari upplýsingar veitir 

G. Ómar Pétursson, rekstrarstjóri

sími 860 6700 

omar@ernir.is 

Niðurstöður atkvæðagreiðslu um nýjan kjarasamning 18 aðildarfélaga Starfsgreinasambands Íslands og Samtaka atvinnulífsins liggja nú fyrir og var samningurinn samþykktur með 82,72% atkvæða. Nei sögðu 12,85% og 4,43% tóku ekki afstöðu. Á kjörskrá voru samtals 23.677 félagsmenn hjá öllum 18 aðildarfélögum SGS. Atkvæði greiddu 4.156 manns eða 17.55%. Atkvæðagreiðsla um samningin stóð yfir dagana 13. til 20. mars. Framsýn á aðild að þessum samningi fyrir félagsmenn á almenna vinnumarkaðinum. Samkvæmt þessari niðurstöðu er mikil ánægja með samninginn.

https://www.sgs.is/frettir/frettir/kjarasamningur-sgs-og-sa-samthykktur-med-miklum-meirihluta/

Atkvæðagreiðslum um kjarasamninga Samiðnar við Samtök atvinnulífsins, sem undirritaðir voru í Karphúsinu 7. mars síðastliðinn, er lokið. Þingiðn á aðild að samningnum fyrir sína félagsmenn. Atkvæðagreiðslur stóðu yfir frá 12.-19. mars 2024. Samningarnir voru samþykktir með miklum meirihluta í öllum tilvikum og taka gildi frá 1. febrúar sl. Niðurstöður ólíkra samninga á vegum Samiðnar má sjá hér:

Samningar Samiðnar samþykktir

Ár hvert er marsmánuður tileinkaður baráttunni gegn krabbameinum í körlum. Blöðruhálskirtilskrabbamein er algengasta krabbamein hjá körlum á Íslandi. Árlega greinast að meðaltali um 214 karlar.

Framsýn hvetur félagsmenn til að fara í skoðun og reglulegt eftirlit sem bjargað hefur mörgum mannslífum þar sem krabbamein í blöðruhálskirtli hefur greinst á byrjunarstigi.

Framsýn styrkir fullgilda félagsmenn vegna krabbameinsleitar svo sem í ristli og/eða blöðruhálsi um allt að kr. 40.000,- á ári.

Framsýn stéttarfélag

Framsýn encourages members to familiarise themselves with the collective agreement between SGS and SA. Voting has begun and runs until 9:00 am on Wednesday, 20th March . By entering the framsyn.is, members can vote on the contract. It contains all the key information about the agreement. Representatives of the union are ready to visit the workplaces and present the new contract. Further information are available at the trade union office.

Framsýn trade union

Framsýn hvetur félagsmenn til að kynna sér vel innihald kjarasamnings SGS og SA sem félagið á aðild að fyrir sína félagsmenn. Atkvæðagreiðsla er hafin og stendur til kl. 10:00 miðvikudaginn 20. mars. Með því að fara inn á framsyn.is geta félagsmenn kosið um samninginn. Þar eru líka allar helstu upplýsingar um samninginn. Fulltrúar félagsins eru tilbúnir að mæta með kynningu inn á vinnustaði á félagssvæðinu verði eftir því óskað. Þá eru frekari upplýsingar einnig í boði á Skrifstofu stéttarfélaganna.

Framsýn stéttarfélag

Framsýn stóð fyrir kynningarfundi í gær um nýgerðan kjarasamning SA og SGS sem Framsýn á aðild að fyrir sína félagsmenn á almenna vinnumarkaðinum. Góðar og miklar umræður urðu um samninginn. Formaður Framsýnar fór yfir helstu atriði samningsins og síðan var opnað fyrir fyrirspurnir. Í máli fundarmanna kom fram almenn ánægja með samninginn enda standi stjórnvöld og sveitarfélögin við sínar yfirlýsingar er varðar nokkra þætti sem hafa mikil áhrif á afkomu fólks, ekki síst þeirra tekjulægstu. Í lok fundar var skorað á félagsmenn að greiða atkvæði um kjarasamninginn en atkvæðagreiðslu lýkur næstkomandi miðvikudag kl. 09:00. Alls eru 1.072 á kjörskrá hvað þennan kjarasamning varðar. Til viðbótar má geta þess að forsvarsmenn Framsýnar eru tilbúnir að mæta á vinnustaði með kynningu á samningnum. Nú þegar hafa starfsmenn hjá tveimur fyrirtækjum óskað eftir kynningarfundum. Búið er að setja þá á, strax eftir helgina.(Mynd úr safni)

Rafræn atkvæðagreiðsla um nýjan kjarasamning SGS og SA sem Framsýn á aðild að hófst kl. 12:00 í dag. Meðfylgjandi er kosningaslóðin: https://kjosa.vottun.is/Home/Vote/474?lang=IS

Hér má sjá allar helstu upplýsingar um samninginn á upplýsingasíðu SGS: https://www.sgs.is/kjaramal/kjarasamningar/kjarasamningur-sgs-og-sa-2024-2028/

Rafræna atkvæðagreiðslan stendur til kl. 09:00 miðvikudaginn 20. mars. Alls eru 1072 á kjörskrá hjá Framsýn er viðkemur þessum kjarasamningi.

Kjörstjórn Framsýnar auglýsir hér með rafræna atkvæðagreiðslu um nýgerða kjarasamninga LÍV við Samtök atvinnulífsins og Félag atvinnurekenda. Atkvæðagreiðslan hefst kl. 10:00 mánudaginn 18. mars 2024 og lýkur kl. 12:00 á hádegi fimmtudaginn 21. mars 2024. Kosningarétt hefur allt félagsfólk Deildar verslunar- og skrifstofufólks innan Framsýnar sem starfar samkvæmt þessum kjarasamningum.

Kosning fer fram á framsyn.is. Innskráning á kjörseðil er með Íslykli eða rafrænum skilríkjum. Frekari upplýsingar má nálgast á heimasíðu stéttarfélaganna, framsyn.is

Kjörstjórn Framsýnar

LÍV and the Icelandic Confederation of Business (SA) have signed a collective agreement valid until the end of January 2028. The agreement will be presented at a membership meeting next Monday and voted on by members, scheduled to end on 21 March 2024.

The main goals of the agreement are to contribute to the reduction of inflation and the reduction of interest rates. The goal is also to increase the purchasing power of workers, create predictability in the economy, reduce inflation expectations and strengthen the competitiveness of the Icelandic economy.

Wages increase proportionally but a minimum of ISK 23,750. The salary increase is retroactive, salaries will increase from 1 February 2024 by 3.25% and by 3.5% on 1 January 2025, 2026 and 2027. Salary-related items will increase correspondingly. December and holiday bonuses will also increase during the agreement period.
Increased vacation rights were negotiated. For exmple, employees who have worked for 6 months in the same company and have reached the age of 22 or for 6 months in the same company after a high school diploma shall be entitled to a vacation of 25 days, as of the vacation year beginning on 1 May 2025 . Vacation rights will be further increased in the vacation year that begins on 1 May 2026, among other things, it is stipulated that after 6 years in the same company, employees will have 30 days of vacation.

A special chapter on remote work is now part of the collective agreement with the aim of guaranteeing the rights of employees in remote work. There is also a change in the right of staff to attend professional courses without a reduction in daily wages, staff can now spend up to 16 daily working hours per year on such courses.

With regard to VR’s members in Icelandair’s passenger and baggage services at Keflavík Airport, efforts will be made to change the shift arrangements in cooperation with the State Conciliation and Meditation Officer. This is to be completed by 20 December. It was also agreed that higher waiting payments will be established for those who do not have continuous working hours.

A more detailed presentation of the collective agreement will be published on the website in the coming days, and it will also be presented at the union meeting on Monday evening, 18 March at 19:30. The meeting will be advertised separately.

See the agreement here, in Icelandic only.

LÍV og Samtök atvinnulífsins hafa skrifað undir kjarasamning sem gildir til loka janúar árið 2028. Samningurinn nær til félagsmanna Framsýnar sem starfa við verslun og þjónustu. Samningurinn verður kynntur af félögunum og lagður fyrir félagsfólk í atkvæðagreiðslu sem fyrirhugað er að ljúki þann 21. mars 2024.

Markmið samningsins er að stuðla að minnkun verðbólgu og lækkun vaxta. Þá er markmiðið jafnframt að auka kaupmátt launafólks, skapa fyrirsjáanleika í efnahagslífinu, draga úr verðbólguvæntingum og styrkja samkeppnishæfni íslensks atvinnulífs.

Laun taka hlutfallshækkun en að lágmarki 23.750 kr. Launahækkun er afturvirk, laun hækka frá og með 1. febrúar 2024 um 3,25% en um 3,5% þann 1. janúar árin 2025, 2026 og 2027. Kjaratengdir liðir hækka samsvarandi. Þá hækka desember- og orlofsuppbætur á samningstímanum.

Samið var um aukin réttindi vegna orlofs. Til dæmis skal starfsfólk sem starfað hefur í 6 mánuði í sama fyrirtæki og náð hefur 22 ára aldri eða í 6 mánuði í sama fyrirtæki eftir framhaldskólapróf eiga rétt á orlofi í 25 daga og er miðað við orlof sem kemur til töku á orlofsárinu sem hefst 1. maí 2025. Orlofsréttindi verða svo aukin frekar orlofsárið sem hefst 1. maí 2026, meðal annars er þá kveðið á um að eftir 6 ár í sama fyrirtæki skuli starfsfólk hafa 30 daga orlof.

Sérstakur kafli um fjarvinnu er nú hluti af kjarasamningi með það að markmiði að tryggja réttindi starfsfólks í fjarvinnu. Þá er einnig gerð breyting á rétti starfsfólks til setu á fagtengdum námskeiðum án skerðingar á dagvinnulaunum og getur starfsfólk nú varið allt að 16 dagvinnustundum á ári til slíkra námskeiða.

Hvað varðar kjör félagsfólks VR í farþega- og hleðsluþjónustu Icelandair á Keflavíkurflugvelli náðist samkomulag um að unnið verði að breytingu á vaktafyrirkomulagi í samstarfi við ríkissáttasemjara og á þeirri vinnu að vera lokið fyrir 20. desember. Þá var samið um hærri biðgreiðslur fyrir þau sem ekki eru með samfelldan vinnutíma.

Ítarlegri kynning á kjarasamningnum verður birt á vefnum á næstu dögum og verður hann jafnframt kynntur af félögum í LÍV. 

Kjarasamningur SA við LÍV

Klukkan 12 á hádegi í dag hófst atkvæðagreiðsla vegna nýs kjarasamnings milli Samiðnar og Samtaka atvinnulífsins. Kosningunni lýkur 19. mars nk. kl. 12:00.

Allir sem eru á kjörskrá aðildarfélaga fá sendan hlekk til atkvæðagreiðslu í gegnum tölvupóst eða sms, ef upplýsingar eru til staðar. Einnig er hægt að greiða atkvæði með því að fara í gegnum hlekkinn sem fylgir þessari frétt:  https://samidn.is/kosning

The trade union invites an introductory meeting on the newly concluded collective agreement between SGS and SA on Thursday,  14th March at 12:00 pm in the union’s meeting room,. It will be interpreted in English and Polish. The collective agreement applies to employees in the labour market who work according to the collective agreement of Framsýn. Not for commercial and service workers, not for employees working by government agreement or municipal employees. Further information about the content of the collective agreement can be found on the unions’ website framsyn.is. Electronic voting on the agreement will start at 12:00 a.m. on Wednesday,  13th March  and ending at 9:00 a.m. on Wednesday,  20th March. You can vote through the union’s website, framsyn.is. It is extremely important that members who work according to the collective agreement vote on the agreement. For further information please contact the trade union office.

Framsýn trade union

Atkvæðagreiðsla um nýgerðan kjarasamning Samiðnar við Samtök atvinnulífsins (SA) sem Þingiðn á aðild að hefst á morgun, þriðjudaginn 12. mars, kl. 12:00 og stendur yfir til kl.12:00 þriðjudaginn 19. mars nk. Atkvæðagreiðsla fer fram í gegnum „mínar síður“ en allt félagsfólk fær sendan hlekk á atkvæðagreiðslu í gegnum tölvupóst og sms, ef upplýsingar eru til staðar. Jafnframt verður komið fyrir slóð á heimasíðu stéttarfélaganna framsyn.is svo allir félagsmenn Þingiðnar geti kosið en 75 félagsmenn eru á kjörskrá. Sjá frekari upplýsingar um samninginn:

Ríkisstjórnin hefur tilkkynnt umfangsmiklar aðgerðir ríkis og sveitarfélaga sem styðja eiga við markmið kjarasamninga.

Kjarasamninginn má finna hér

Helstu atriði kjarasamningsins má finna hér á glærum.

Framsýn stéttarfélag boðar til kynningarfundar um nýgerðan kjarasamning SGS og SA í fundarsal félagsins fimmtudaginn 14. mars kl. 17:00. Túlkað verður á ensku og pólsku. Kjarasamningurinn nær til starfsmanna á almenna vinnumarkaðinum sem starfa eftir kjarasamningi Framsýnar. Ekki til starfsmanna í verslun- og þjónustu, ríkisstarfsmanna eða starfsmanna sveitarfélaga. Nánari upplýsingar um innihald kjarasamningsins og framlag stjórnvalda til samningsins er hægt að nálgast hér:  https://www.sgs.is/kjaramal/kjarasamningar/kjarasamningur-sgs-og-sa-2024-2028/ Atkvæðagreiðsla um samninginn verður rafræn og hefst kl. 12:00 miðvikudaginn 13. mars og lýkur kl. 09:00 miðvikudaginn 20. mars. Hægt verður að kjósa um samninginn í gegnum heimasíðu félagsins, framsyn.is. Afar mikilvægt er að félagsmenn sem starfa eftir kjarasamningnum kjósi um samninginn. Frekari upplýsingar eru í boði á Skrifstofu stéttarfélaganna, þar er einnig hægt að kæra sig á kjörskrá telji félagsmenn sig hafa kosningarétt. Kjörskráin miðast við þá sem greiða til Framsýnar í desember2023/janúar 2024.

SA and SGS new collective agreement – key points in English

Polski

Framsýn stéttarfélag

Nú stendur yfir tveggja daga trúnaðarmannanámskeið á vegum stéttarfélaganna í Þingeyjarsýslum. Námskeiðið er vel sótt en 22 trúnaðarmenn sitja á námskeiðið, allt frá Víkurskarði til Þórshafnar á Langanesi. Á námskeiðinu hefur verið farið sérstaklega yfir almenna vinnuvernd, hlutverk Vinnueftirlitsins, öryggistrúnaðarmanna og sjálfseflingu. Stéttarfélögin leggja mikið upp úr fræðslu til handa trúnaðarmönnum og eru því haldin námskeið á hverju ári. Sjá myndir frá námskeiðinu:

Breiðfylkingin, sem samanstendur m.a. af Starfsgreinasambandinu sem Framsýn á aðild að hefur undirritað nýjan kjarasamning við Samtök atvinnulífsins vegna starfa á hinum almenna vinnumarkaði. Samningurinn var undirritaður í húsakynnum ríkissáttasemjara á sjötta tímanum í dag. Um er að ræða langtímasamning en gildistími samningsins er frá 1. febrúar 2024 til 31. janúar 2028.

Meginmarkmið samnings 

• Lækkun verðbólgu og vaxta með samstilltu átaki verkalýðshreyfingar, ríkis, atvinnurekenda, sveitarfélaga og annarra​.
• Endurreisn tilfærslukerfa heimila vinnandi fólks​.
• Kaupmáttaraukning verði á samningstímanum.

Launahækkanir 

Hækkanir eru á formi blandaðrar leiðar krónutölu og prósentu. Launahækkanir koma til áhrifa á fjórum dagsetningum með árs millibili á samningstíma.

1. febrúar 2024	3,25% eða að lágmarki 23.750 kr.
1. janúar 2025	3,5% eða að lágmarki 23.750 kr.
1. janúar 2026	3,5% eða að lágmarki 23.750 kr.
1. janúar 2027	3,5% eða að lágmarki 23.750 kr.

Krónutöluhækkun á samningstíma er 95.000 kr. sem jafngildir 24% hækkunar lægstu launa. 

Aðrir kjaratengdir liðir taka almennum hækkunum í kjarasamningi. 

Ár​	Orlofsuppbót​	Desemberuppbót
2024​	58.000​ kr.	106.000​ kr.
2025​	60.000​ kr.	110.000​ kr.
2026​	62.000​ kr.	114.000​ kr.
2027​	64.000​ kr.	118.000​ kr.

Forsenduákvæði 

Samningurinn stendur og fellur með því að markmið um lækkun verðbólgu náist, sem aftur eru forsenda vaxtalækkunar. Til að styrkja forsendur og markmið kjarasamninganna mun sérstök launa- og forsendunefnd taka þegar til starfa. Verkefni nefndarinnar er að fylgjast með framvindu þeirra þátta í efnahagslífinu sem áhrif geta haft á markmið samningsins, leggja formlegt mat á forsendur kjarasamningsins og eftir atvikum semja um viðbrögð við forsendubresti sem treysta forsendur samningsins og stuðla að því að hann haldi gildi sínu. 

Einnig eru í samningnum tvö forsenduákvæði sem koma snúa að annars vegar að vörn gegn launaskriði og hins vegar tryggingu launafólks á hlutdeild í framleiðniaukningu.

Framlag stjórnvalda

Framlag stjórnvalda er mikilvægur hluti af ávinningi kjarasamningsins. Ríkisstjórnin hefur kynnt aðgerðaáætlun sem felur í sér fjárframlög til ýmissa mála sem gagnast vinnandi fólki. Er þar um að ræða aukningu ríkisútgjalda um 20 milljarða á ári. Helstu atriðin í framlagi stjórnvalda eru: 

• Húsnæðisstuðningur
  • Sérstakur vaxtastuðningur vegna hás vaxtakostnaðar
  • Húsnæðisbætur – Grunnfjárhæð hækkar. Sérstök viðbót miðast að því að styðja betur við fjölmennari fjölskyldur

• Barnafjölskyldur
  • Barnabætur, markmiðið er að fjölga viðtakendum barnabóta og að skerðingarmörkin verði hækkuð í átt að miðtekjum 
  • Fæðingarorlof – Hámarksupphæð hækkar úr 600.000 kr. í 900.000 kr. á tímabilinu 
  • Gjaldfrjálsar skólamáltíðir

• Önnur atriði 
  • Gjaldskrár hins opinbera – Ríkið skuldbindur sig til að hækka ekki umfram 2,5% á árinu 2025. Tilmæli til sveitarfélaga um að endurskoða áður útgefnar hækkanir og halda þeim innan 3,5% vegna barnafjölskyldna.

Nú tekur við kynning og atkvæðagreiðsla um samninginn meðal félagsmanna. Niðurstaða afgreiðslu samningsins á að liggja fyrir ekki síðar en miðvikudaginn 20. mars næstkomandi. 

Ekki bárust tillögur frá félagsmönnum um fulltrúa í stjórnir, ráð og nefndir á vegum Framsýnar stéttarfélags fyrir kjörtímabilið 2024 til 2026. Fresturinn til þess rann út 29. febrúar sl. Listi trúnaðarráðs skoðast því samþykktur en hann var auglýstur samkvæmt lögum félagsins 24. janúar 2024. Það gleðilega er að töluverð endurnýjunin á sér stað í stjórn, varastjórn og trúnaðarráði eða um 40 prósent. Stilla þarf upp í rúmlega 80 stöður innan félagsins. Heimasíðan óskar öllu þessu frábæra fólki til hamingju með kjörið. Frá og með næsta aðalfundi sem haldinn verður væntanlega 3. maí verða eftirtaldir í trúnaðarstörfum fyrir félagið:

Fulltrúar í stjórnum, ráðum og nefndum á vegum Framsýnar kjörtímabilið 2024-2026

Aðalstjórn:                                                                                       Vinnustaður:

Aðalsteinn Árni Baldursson         Formaður                           Skrifstofa stéttarfélaganna
Ósk Helgadóttir                                Varaformaður                   Þingeyjarsveit – Stórutjarnaskóli
Sigurveig Arnardóttir                     Ritari                                 Heilbrigðisstofnun Norðurlands
Jakob G. Hjaltalín                             Gjaldkeri                              ÚA – Laugum
Elva Héðinsdóttir                             Meðstjórnandi                 PwC Húsavík
Kristján M. Önundarson                Meðstjórnandi                Vegagerðin
Torfi Aðalsteinsson                         Meðstjórnandi                 Jarðboranir hf.

Varastjórn:
Guðný I. Grímsdóttir                                                                     ÚA – Laugum
Agnes Einarsdóttir                                                                          Vogafjós
María Jónsdóttir                                                                             Fatahreinsun Húsavíkur sf.                        

Stefán Stefánsson                                                                          Landsvirkjun
Gunnþórunn Þórgrímsdóttir                                                      Norðurþing – Leikskólinn Grænuvellir
Börkur Kjartansson                                                                       Brim hf.

Trúnaðarráð:

Arnar Guðmundsson                                                                    Sjóvá

Sólveig Mikaelsdóttir                                                                    Norðurþing – Stjórnsýsluhús

Guðlaug Anna Ívarsdóttir                                                            Norðurþing – Öxarfjarðarskóli

Sigfús Hilmir Jónsson                                                                    Rifós hf.

Sigrún Hildur Tryggvadóttir                                                        PCC BakkiSilicon hf.
Þráinn Þráinsson                                                                            Víkurraf ehf.

Sunna Torfadóttir                                                                           Norðurþing – Leikskólinn Grænuvellir
Fanný S Cloé Goupil Thiercelin                                                   Penninn/Eymundsson

Þórdís Jónsdóttir                                                                            Þingeyjarsveit – Þingeyjarskóli

Rúnar Þór Jóhannsson                                                                 Jón Ingi Hinriksson ehf.
Ölver Þráinsson                                                                               Norðlenska ehf

Birta G. Amlin Sigmarsdóttir                                                      HSN                                                                          

Jónas Sævarsson                                                                            SAH bretti  ehf.
Ingimar Knútsson                                                                           PCC BakkiSilicon hf.

Guðrún St. Steingrímsdóttir                                                       Penninn/Eymundsson            

Stjórn fræðslusjóðs:

Börkur Kjartansson

Gunnþórunn Þórgrímsdóttir

Stefán Stefánsson

Varamenn:                        

Kristján M. Önundarson

Elva Héðinsdóttir

Stjórn sjúkrasjóðs:               

Aðalsteinn Á. Baldursson

Arnar Guðmundsson

Ingibjörg Benediktsdóttir

Varamenn:                        

Ósk Helgadóttir

Sólveig Mikaelsdóttir

Jónína Hermannsdóttir

Stjórn orlofssjóðs:                

Ósk Helgadóttir

Kristján Ingi Jónsson

Agnieszka Anna Szczodrowska 

Varamenn:

Þórunn Anna Magnúsdóttir

Sunna Torfadóttir

Stjórn vinnudeilusjóðs:        

Elísabet Gunnarsdóttir

Jakob Gunnar Hjaltalín

Gunnhildur Gunnsteinsdóttir

Varamenn:                        

Ásgerður Heba Aðalsteinsdóttir

Elísa Dagmar Andrésdóttir

Laganefnd:                

Aðalsteinn J. Halldórsson

Torfi Aðalsteinsson

Sigurveig Arnardóttir

Varamenn:                        

Ingimar Knútsson

Hjördís Sverrisdóttir

Kjörstjórn:                 

Sólveig Mikaelsdóttir

Jónas Sævarsson

Varamenn:                        

Elísabet Gunnarsdóttir

Ingimar Knútsson

Skoðunarmenn reikninga:

Sigrún Marinósdóttir

Pétur H. Pétursson

Varamaður:                      

Kristbjörg Vala Kristjánsdóttir

Siðanefnd:

Ari Páll Pálsson, formaður

Þóra Kristín Jónasdóttir

Ingunn Guðbjörnsdóttir

Varamenn:

Friðrika Illugadóttir

Eydís Kristjánsdóttir

Fulltrúar í 1. maí nefnd stéttarfélaganna:

Sigurveig Arnardóttir

Aðalsteinn Árni Baldursson

Varamenn:                        

Guðný Ingibjörg Grímsdóttir

Þráinn Þráinsson

Deild verslunar- og skrifstofufólks:

Aðalsteinn J. Halldórsson formaður

Elva Héðinsdóttir varaformaður

Karl Hreiðarsson ritari

Anna Brynjarsdóttir meðstjórnandi

Kristbjörg Vala Kristjánsdóttir meðstjórnandi

Sjómannadeild Framsýnar:

Jakob Gunnar Hjaltalín formaður

Börkur Kjartansson varaformaður

Gunnar Sævarsson ritari

Sigdór Jósefsson meðstjórnandi

Héðinn Jónasson meðstjórnandi

Stjórn Framsýnar-ung:

Sunna Torfadóttir formaður

Önundur Kristjánsson ritari

Birta G. Amlin Sigmarsdóttir meðstjórnandi

Arnór Elí Víðisson meðstjórnandi