kuti

Sérstakir minningartónleikar um heiðursmanninn Hauk Tryggvason verða haldnir í Húsavíkurkirkju föstudaginn 1. júní kl. 20:00.  Fram koma frábærir listamenn. Miðaverð er kr. 1500 sem rennur til velferðarmála. Heimasíðan skorar á fólk að fjölmenna í kirkjuna á einstaka tónleika. Read more „Minningartónleikar um Hauk Tryggvason“

Aðalfundur Þingiðnar, félags iðnaðarmanna í Þingeyjarsýslum  fór fram í gær. Miðað við þær upplýsingar sem lagðar voru fram á fundinum er greinilegt að atvinnulífið er á uppleið í Þingeyjarsýslum þar sem félagsgjöld og iðgjöld ársins námu kr. 5.588.982,- sem er 16,7% hækkun frá fyrra ári. Greidd félagsgjöld er góður mælikvarði á stöðu atvinnulífsins á svæðinu á hverjum tíma. Eins og sjá má hækkuðu félagsgjöldin og iðgjöldin um 16,7% milli ára sem er vísbending um að framundan sé betri tíð með blóm í haga. Read more „Vísbendingar um betri tíð“

Það hefur mikið verið að gera hjá frístundabændum á Húsavík við að taka á móti börnum og unglingum. Tilgangurinn hefur verið að fá að skoða lömb og annan  bústofn sem bændurnir hafa sér til gamans. Það er ekki bara að börn hafi komið frá skólum á Húsavík heldur eru dæmi um að unglingar hafi komið í heimsókn frá Akureyri með sínum leiðbeinendum. Hér koma nokkrar myndir sem teknar voru fyrir helgina af unglingum frá Akureyri sem komu við á Skógargerðismelnum á Húsavík þar sem nokkrir frístundabændur eru með aðstöðu. Read more „Unglingar frá Akureyri skoða lömb“

Formaður Framsýnar var í heimsókn hjá starfsmönnum Skógræktarinnar á Vöglum fyrir helgina. Tilgangur ferðarinnar var að heilsa upp á starfsmenn auk þess að fara yfir gildandi Stofnanasamning starfsmanna sem nú er til endurskoðunar og byggir á kjarasamningi Starfsgreinasambands Íslands og ríkisins sem Framsýn er aðili að. Read more „Farið yfir Stofnanasamning“

Það er aldrei slakað á í starfi Framsýnar. Sérstakur vinnuhópur kom saman fyrir helgina og fór yfir drög að nýrri stefnu ASÍ í lífeyrismálum. Hópurinn gekk frá tillögum/athugsemdum félagsins við hugmyndir Alþýðusambandsins. Tillögunum  verður komið á framfæri við Starfsgreinasamband Íslands sem fór þess á leit við aðildarfélög sambandsins að þau kæmu á framfæri athugsemdum/tillögum, ef þau hefðu þær, við hugmyndir ASÍ. Read more „Aldrei slakað á í starfi Framsýnar“

Ný skýrsla þar sem kannað er umfang svartrar atvinnustarfssemi sýnir að dregið hefur úr henni frá því í fyrra. Sl. sumar hófst átak á vegum ASÍ, SA og Ríkisskattstjóra til að sporna við svartri atvinnustarfssemi. Verkefninu var framhaldið í vetur með heimsóknum á vinnustaði og skýrsla eftir þennan annan hluta átaksins liggur nú fyrir og niðurstaðan er eins og áður segir ánægjuleg.  Read more „Dregið hefur úr svartri atvinnustarfssemi“

Ríkissáttasemjari hefur ákveðið að boða fulltrúa Framsýnar og Kletts félags smábátaeigenda frá Ólafsfirði að Tjörnesi til sáttafundar 4. júní í húsnæði Ríkissáttasemjara í Reykjavík. Framsýn vísaði nýlega kjaradeilu félagsins við Klett til Ríkissáttasemjara þar sem samningar milli aðila hafa ekki tekist. Read more „Ríkissáttasemjari boðar til sáttafundar“

Fulltrúar úr stjórn og trúnaðarmannaráði Framsýnar munu koma saman til fundar í dag kl. 17:00 til að fara yfir hugmyndir Alþýðusambands Íslands að nýrri stefnu sambandsins í lífeyrismálum.  Fundurinn er opinn þeim stjórnar og trúnaðarráðsmönnum sem koma því við að taka þátt í þessari vinnu Read more „Vinnufundur Framsýnar í dag um lífeyrismál“

Aðalfundur Starfsmannafélags Húsavíkur var haldinn þriðjudaginn 22. maí á Veitingastaðnum Sölku. Fundarsókn var ekki góð miðað við mætingu á aðalfundi félagsins undanfarin ár. Þess má geta að hin margrómaða Eurovision forkeppni var í gangi á sama tíma og aðalfundurinn fór fram, sem skýrir væntanlega lélega mætingu. Read more „Aðalfundur í skugga Eurovision“

Hið árlega kaffiboð Framsýnar verður á Raufarhöfn föstudaginn 1. júní í Kaffi Ljósfangi. Boðið verður upp á frábært kaffi og tertur eins og þær gerast bestar norðan Alpafjalla. Opið hús verður frá kl. 16:00 til 18:00. Raufarhafnarbúar og aðrir gestir eru velkomnir í Kaffi Ljósfang þar sem stuðið verður að sjálfsögðu í aðdraganda Sjómannadagsins. Fulltrúar Framsýnar verða á staðnum og þjóna gestum eftir bestu getu. Read more „Kaffiboð Framsýnar á Raufarhöfn“

Vinnumálastofnun hefur gefið út skýrslu um atvinnuleysi á Íslandi í lok apríl 2012. Þar kemur fram að 73 voru á atvinnuleysisskrá í Norðurþingi í lok mánaðarins. Utan Norðurþings á félagssvæði stéttarfélaganna í Þingeyjarsýslum voru 51 án atvinnu.  Á sama tíma voru 10.837 einstaklingar á atvinnuleysisskrá á landinu öllu.

Á fundi stjórnar Sjómannadeildar Framsýnar síðasta miðvikudag kom fram megn óánægja með áhugaleysi hvalaskoðunarfyrirtækjanna á Húsavík með að ganga frá samningi við Framsýn um kaup og kjör starfsmanna við hvalaskoðun. Krafan er að þegar í stað verði gengið frá samkomulagi milli aðila sem gildi fyrir sumarið 2012 en starfsmenn hafa verið samningslausir undanfarin ár. Read more „Óánægðir með áhugaleysi hvalaskoðunarfyrirtækjanna“

Fulltrúar Framsýnar munu heimsækja starfsmenn Skógræktarinnar á Vöglum í næstu viku, það er föstudaginn 25. maí. Framsýn hefur áhuga á því í samstarfi við Starfsgreinasambandið að endurskoða gildandi stofnanasamning til hækkunar fyrir starfsmenn á landsvísu. Read more „Fundað með starfsmönnum Skógræktarinnar“

Sjómannadeild Framsýnar hefur samþykkt að vísa kjaradeilu félagsins við Svæðisfélagið Klett, félags smábátaeigenda frá Ólafsfirði að Tjörnesi til Ríkissáttasemjara. Um er að ræða kjarasamning fyrir sjómenn á smábátum að 15 brúttótonnum á Húsavík. Viðræður samningsaðila hafa staðið yfir í nokkra mánuði með hléum. Read more „Kjaradeilu vísað til Ríkissáttasemjara“

Sjómannadeild Framsýnar kom saman til fundar á miðvikudaginn. Nokkur mál voru á dagskrá fundarins. Meðal málefna sem tekin voru fyrir var heiðrun sjómanna á Sjómannadaginn. Sjómannadeildinni var falið fyrir tveimur árum að taka að sér heiðranir á Sjómanndaginn. Deildin vinnur nú að því að velja tvo heiðursmenn til að heiðra á Sjómannadaginn sem í ár ber upp á sunnudaginn 3. júní.

Þórunn Ágústa Kristjánsdóttir hefur tekið við ræstingum á Skrifstofu stéttarfélaganna og þjónustuskrifstofu VÍS á Húsavík. Hún er boðin velkomin til starfa um leið Kristbjörgu Gunnarsdóttir eru þökkuð vel unnin störf í þágu stéttarfélaganna. Read more „Þórunn ráðin í ræstingar og almenn þrif“

Formaður Framsýnar fór í vinnustaðaheimsókn í þjónustumiðstöð Vegargerðarinnar á Húsavík á mánudaginn.  Þar starfa öflugir og magnaðir menn. Á fundinum var m.a. farið yfir kjaramál og stofnanasamning sem gildir fyrir starfmenn Vegagerðarinnar um land allt. Read more „Vegagerðarmenn ræða kjaramál“

Vopnað rán var framið á Skrifstofu stéttarfélaganna í lok vinnudags síðasta föstudag. Ránið náðist á myndband:  http://www.youtube.com/watch?v=2Ld4Df2UBTw&feature=youtu.be Hópur manna ruddist þá inn á skrifstofuna á Húsavík og rændu öllum félagsgjöldum rúmlega tvöþúsund félagsmanna, það er innkomu stéttarfélaganna frá árinu 2003. Read more „Vopnað rán framið á Skrifstofu stéttarfélaganna“

Kjörnefnd Þingiðnar hefur gengið frá tillögum um félagsmenn í stjórnir, ráð og nefndir fyrir næsta kjörtímabil sem eru tvö ár, 2012-2014. Sjá tillögu kjörnefndar: Read more „Tillaga kjörnefndar Þingiðnar fyrir aðalfund 2012“

Nýlega var því haldið fram í fréttum DV að framkvæmdastjóri Stapa- lífeyrissjóðs hefði fengið sérstakar launahækkanir. Það rétta í málinu er: Read more „Framkvæmdastjóri Stapa ekki fengið sérstakar launahækkanir“