kuti

Kínverjar eru þekktir fyrir sín tímatöl s.s.  ár drekans, ár boðberans, ár Grímsstaða og svo framvegis. Varðandi ráðningar hér norðan heiða í lykilstöður á vegum ríkisins er hins vegar hægt að tala um ár Þingeyinga þegar horft er til þess hverjir hafa valist í þessar mikilvægu stöður í fjórðungnum. Á hliðarlínunni sitja forráðamenn Akureyrar með sárt ennið og sleikja sárin þrátt fyrir fyrri yfirlýsingar um að Norðurland sé eitt atvinnusvæði. Já tárin streyma niður vota vanganna. Read more „Ár Þingeyinga – Freyju Dögg heim!!“

Gylfi Arnbjörnsson forseti ASÍ var gestur á fundi stjórnar og trúnaðarmannaráðs Framsýnar í gær. Fulltrúum frá Þingiðn, félagi iðnaðarmanna í Þingeyjarsýslum og Verkalýðsfélagi Þórshafnar var einnig boðið að sitja fundinn.  Óhætt er að segja að fundurinn hafi verið fjörlegur en hann stóð yfir í tæpa þrjá tíma. Read more „Hart tekist á um kjaramál“

Hörð gagnrýni kom fram á fjárlagafrumvarp ríkistjórnarinnar á fundi stjórnar og trúnaðarmannaráðs Framsýnar í gær. Eftir miklar og góðar umræður um málið var eftirfarandi ályktun samþykkt. Sjá ályktunina: Read more „Hjarta ríkistjórnarinnar slær ekki með verkafólki“

Formaður Framsýnar átti fund með forstjóra og lögfræðingi Vinnumálastofnunar í gær í Reykjavík. Þar fór hann yfir óánægju félagsins með ákvörðun stofnunarinnar að hætta starfsemi á Húsavík 1. desember n.k. Fundurinn var vinsamlegur en engin niðurstaða varð á fundinum. Read more „Fundaði með Vinnumálastofnun“

Stéttarfélögin hafa gengið frá áframhaldandi samningi við Keahótel um sérstök afsláttarkjör fyrir félagsmanna til viðbótar niðurgreiðslum frá félögunum. Hótelin sem verða í boði eru; Hótel Kea og Hótel Norðurland á Akureyri og Reykjavík Lights í Reykjavík. Stéttarfélögin hafa ekki áður boðið félagsmönnum upp á gistingu á Reykjavík Lights. Read more „Samið við Keahótel ehf“

Eins og fram hefur komið eru göngur og réttir í fullum gangi í Þingeyjarsýslum. En það eru ekki bara bændur sem standa vaktina. Hér má sjá hjónin Róbert Skarphéðinsson og Ágústu Pálsdóttur sem fönguðu lamb eftir töluverðan eltingaleik við Orkustöðina á Húsavík ásamt dóttir þeirra sem ber nafnið Jana Björg Róbertsdóttir. Lambið reyndist vera úr Laxamýri. Read more „Samhent fjölskylda“

Hér má sjá myndbrot frá göngum og réttum sem fram fóru um helgina er frístundabændur og búalið á Húsavík gengu á fjöll og smöluðu fé úr afrétti Húsvíkinga. Þeir bræður Rafnar Orri og Harry Bjarki Gunnarssynir vinna nú að gerð heimildarmyndar um samfélagið á Húsavík þar sem komið verður inn á atvinnumál, menningu, íþróttir og mannlíf á svæðinu.  Þeir gengu á fjöll um helgina og mynduðu frístundabændur á Húsavík við sín störf sem fylgja haustinu, það er göngur og réttir. Um er að ræða dýrmæta heimild sem á eftir að lifa lengi.

Read more „Myndbrot um mannlífið á Húsavík“

Formenn og varaformenn aðildarfélaga Starfsgreinasambandsins hittust á tveggja daga fundi á Ísafirði dagana 9. og 10. september. Til umfjöllunar voru hefðbundin mál  og dagskrá vetrarins en auk þess var sérstaklega fjallað um vinnustaðaeftirlit og mansal á vinnumarkaði. Read more „Formannafundi SGS lokið“

Félags- og húsnæðismálaráðherra, Eygló Harðardóttir, hefur ekki svarað bréfi Framsýnar um ósk um fund vegna lokunar Vinnumálastofnunnar á Húsavík þann 1. desember nk. Félagið ítrekaði beiðni félagsins í dag auk þess sem formlega var óskað eftir fundi með forstjóra Vinnumálastofnunnar um málið.

Félagsmenn stéttarfélaganna í Þingeyjarsýslum sem fóru í haustferð félaganna til Færeyja eru  himinlifandi yfir ferðinni og móttökunum í Færeyjum. Fararstjórar voru Sveinn Sigurhjartarson og Aðalsteinn Á. Baldursson. Read more „Frábær ferð til Færeyja“

Tveir vísindamenn, sjávarvistfræðingur og mannfræðingur, frá háskólanum í A Coruna í Galísíu á Norður-Spáni komu til Húsavíkur í gær til að hitta formann Framsýnar, Aðalstein Á. Baldursson. Með þeim í för var Níels Einarsson forstöðumaður stofnunar Vilhjálms Stefánssonar á Akureyri. Read more „Vísindamenn heilsuðu upp á formann Framsýnar“

Stjórn og trúnaðarmannaráð Framsýnar kemur saman til fundar fimmtudaginn 18. september kl. 17:00 í fundarsal félagsins. Gestur fundarins verður Gylfi Arnbjörnsson forseti ASÍ. Dagskrá fundarins er eftirfarandi: Read more „Stjórn og trúnaðarmannaráð fundar“

Bændur,  frístundabændur og búalið á Húsavík og í nærliggjandi sveitum munu á næstu dögum ganga á fjöll og smala fé úr afrétti. Réttað verður í Tungugerðisrétt, Húsavíkurrétt, Skógarétt og Hraunsrétt um helgina.  Húsavíkurrétt og Skógarétt verða á laugardaginn og Hraunsrétt og Tungugerðisrétt á sunnudaginn. Read more „Göngur og réttir um helgina“

Í dag hefst á Ísafirði tveggja daga formannafundur á vegum Starfsgreinasambands Íslands. Mörg mál eru á dagskrá fundarins s.s. kjara- og atvinnumál. Ósk Helgadóttir varaformaður Framsýnar tekur þátt í fundinum fh. Framsýnar. Read more „Formannafundur að hefjast á Ísafirði“

Framsýn hefur endurnýjað stofnanasamning við Heilbrigðisstofnun Þingeyinga. Samningurinn byggir á framlagi sem fylgdi síðustu kjarasamningum sem undirritaðir voru síðasta vetur. Samningurinn tryggir sumum starfsmönnum allt að tveimur launaflokkum sem koma inn vegna starfsaldurs. Frekari upplýsingar er hægt að fá hjá Skrifstofu stéttarfélaganna. Read more „Gengið frá stofnanasamningi“

Á dögunum heimsótti formaður Framsýnar Aðalsteinn Á. Baldursson sveitarstjóra Langanesbyggðar Elías Pétursson en hann tók við sveitarstjórastöðunni fyrir tveimur vikum síðan. Þeir áttu gott samtal um byggða- og  atvinnumál og málefni sveitarfélaga. Read more „Elías tekin við á Þórshöfn“

Um þessar mundir standa yfir framkvæmdir á vegum keðjunnar  sem rekur Fosshótel Húsavík. Verið er að stækka hótelið auk þess sem breytingar verða gerða á hluta þess húsnæðis sem er í notkun í dag. Hér má sjá myndir sem teknar  voru í vikunni. Read more „Ferðaþjónustan blæs út“

Það var  föngulegur hópur félagsmanna stéttarfélaganna sem lagði af stað frá Skrifstofu stéttarfélaganna nú kl. 13:00 áleiðis til Færeyja. Farið verður með Norrænu frá Seyðisfirði í kvöld. Áætluð heimkoma til Íslands er þriðjudaginn 9. september. Við óskum hópnum velfarnaðar og skemmtunar hjá frændum okkar í Færeyjum. Read more „Bless Ísland“