kuti

Framsýn hefur miklar áhyggjur af aðgerðum LÍÚ enda ólöglegar að mati félagsins. Ljóst að þær munu  koma sérstaklega illa við fiskvinnslufólk en reikna má með að fiskvinnslufyrirtæki stöðvist á næstu dögum vegna hráefnisskorts.  Í tilefni af því hefur Framsýn skrifað Vinnumálastofnun bréf og krafist þess að fylgst verði vel með framvindu mála og hvort fyrirtæki innan LÍÚ í útgerð og fiskvinnslu ætli Vinnumálastofnun/Atvinnuleysistryggingasjóði að fjármagana launakostnað fyrirtækjanna vegna aðgerðanna. Read more „Ætla fyrirtæki innan LÍÚ að gera út á atvinnuleysistryggingasjóð?“

Eitt af hlutverkum stéttarfélaganna er að fylgjast vel með þróun verðlags. Í gær voru starfsmenn stéttarfélaganna að skoða verðlag í matvörubúðum á Húsavík. Verðlagseftirlit ASÍ stóð fyrir verðlagskönnun í matvörubúðum víða um land í gær. Stéttarfélögin í Þingeyjarsýslum tóku þátt í könnuninni sem framkvæmt var á Húsavík með því að leggja til starfmenn. Read more „Stéttarfélögin á vaktinni“

Næsti úthlutunarfundur  Starfsmenntasjóðs Starfsmannafélags Húsavíkur verður 14. júní. Þeir félagsmenn sem ætla að sækja um styrki/endurgreiðslur frá sjóðnum erum vinsamlegast beðnir um að koma sínum erindum til Skrifstofu stéttarfélaganna fyrir 13. júní svo hægt verði að úthluta til þeirra styrkjum vegna námskostnaðar.

Fulltrúar Framsýnar funduðu í gær hjá ríkissáttasemjara með forsvarsmönnum Landssambands smábátaeigenda. Farið var yfir stöðuna í viðræðum aðila um nýjan kjarasamning. Samþykkt var að halda viðræðum áfram á næstu dögum. Sérstakur vinnuhópur mun fara yfir drög að samningi í næstu viku áður en fundað verður svo aftur hjá ríkissáttasemjara. Read more „Viðræðum haldið áfram“

Nú kl. 13:00 hófst samningafundur hjá Ríkissáttasemjara í kjaradeilu Framsýnar og Landssambands smábátaeigenda vegna kjarasamnings fyrir sjómenn á bátum innan við 15 brúttótonn. Framsýn eitt félaga innan Sjómannasambands Íslands er sjálft með samningsumboðið. Við verðum með nánari fréttir af fundinum í kvöld eða strax í morgunsárið.

Tveir sjómenn voru heiðraðir í dag við hátíðlega athöfn á Húsavík. Að þessu sinni voru heiðraðir þeir Guðmundur Aðalbjörn Hólmgeirsson sem ættaður er úr Flatey á Skjálfanda og Hreiðar Olgeirsson sem kenndur er við Skálabrekku á Húsavík. Þeir eiga það sameignlegt að hafa stundað sjóinn lengi, bæði sem sjómenn og eins sem útgerðarmenn. Sjómannadeild Framsýnar sá um heiðrunina. Hér má lesa umsögn um Guðmund og Hreiðar sem Aðalsteinn Á. Baldursson formaður Framsýnar flutti í dag við athöfnina.

Read more „Sjómenn heiðraðir á Húsavík“

Sjómannadeild Framsýnar sendir sjómönnum og fjölskyldum þeirra bestu kveðjur og hamingjuóskir með daginn.

Framsýn stóð fyrir samkomu á Raufarhöfn í gær, boðið var upp á kaffi og tertur sem kvenfélagið á staðnum lagði til. Sjá meðfylgjandi myndir. Flestir bæjarbúar og gestir þáðu boðið og nutu veitinga og þess sem boðið var upp á. Þá gafst þeim tækifæri á að spjalla við formann félagsins og stjórnarmenn sem voru á staðnum. Samkoman fór mjög vel fram enda veðrið frábært. Read more „Frábært veður á útifundi Framsýnar á Raufarhöfn“

Aðalfundur Framsýnar fór fram í kvöld. Á fundinum kom fram almenn ánægja með starfsemi félagsins, það er þjónustu við félagsmenn og fjárhagslega stöðu þess. Fundarmenn sáu ástæðu til að klappa fyrir stjórnendum félagsins fyrir vel unnin störf í þágu félagsmanna. Á síðasta ári varð tekjuafgangur af öllum sjóðum félagsins kr.  84.941.149,- er var kr. 81.608.720,- árið 2010. Heildareignir félagsins námu kr. 1.260.947,- í árslok 2011 samanborið við kr. 1.175.376.737,- í árslok 2010. Read more „Lófaklapp á aðalfundi Framsýnar- mikil ánægja með starfsemi félagsins“

Samherji hefur ákveðið að greiða starfsmönnum fyrirtækisins auka orlofsuppbót. Samkvæmt kjarasamningi Samtaka atvinnulífsins og Starfsgreinasambands Íslands er orlofsuppbót til starfsmanna árið 2012 kr. 27.800,-.  Samherji hefur ákveðið að hækka upphæðina um kr. 72.200,- og greiða starfsmönnum í landi kr. 100.000,- með launum í maí. Read more „Samherji greiðir auka orlofsuppbót til starfsmanna“

Aðalfundur Framsýnar verður í kvöld, fimmtudag, kl. 20:00. Mikilvægt er að félagsmenn fjölmenni á fundinn og taki þátt í störfum fundarins. Sjáumst hress og í góðu skapi. Stjórn Framsýnar

Sérstakir minningartónleikar um heiðursmanninn Hauk Tryggvason verða haldnir í Húsavíkurkirkju föstudaginn 1. júní kl. 20:00.  Fram koma frábærir listamenn. Miðaverð er kr. 1500 sem rennur til velferðarmála. Heimasíðan skorar á fólk að fjölmenna í kirkjuna á einstaka tónleika. Read more „Minningartónleikar um Hauk Tryggvason“

Aðalfundur Þingiðnar, félags iðnaðarmanna í Þingeyjarsýslum  fór fram í gær. Miðað við þær upplýsingar sem lagðar voru fram á fundinum er greinilegt að atvinnulífið er á uppleið í Þingeyjarsýslum þar sem félagsgjöld og iðgjöld ársins námu kr. 5.588.982,- sem er 16,7% hækkun frá fyrra ári. Greidd félagsgjöld er góður mælikvarði á stöðu atvinnulífsins á svæðinu á hverjum tíma. Eins og sjá má hækkuðu félagsgjöldin og iðgjöldin um 16,7% milli ára sem er vísbending um að framundan sé betri tíð með blóm í haga. Read more „Vísbendingar um betri tíð“

Það hefur mikið verið að gera hjá frístundabændum á Húsavík við að taka á móti börnum og unglingum. Tilgangurinn hefur verið að fá að skoða lömb og annan  bústofn sem bændurnir hafa sér til gamans. Það er ekki bara að börn hafi komið frá skólum á Húsavík heldur eru dæmi um að unglingar hafi komið í heimsókn frá Akureyri með sínum leiðbeinendum. Hér koma nokkrar myndir sem teknar voru fyrir helgina af unglingum frá Akureyri sem komu við á Skógargerðismelnum á Húsavík þar sem nokkrir frístundabændur eru með aðstöðu. Read more „Unglingar frá Akureyri skoða lömb“

Formaður Framsýnar var í heimsókn hjá starfsmönnum Skógræktarinnar á Vöglum fyrir helgina. Tilgangur ferðarinnar var að heilsa upp á starfsmenn auk þess að fara yfir gildandi Stofnanasamning starfsmanna sem nú er til endurskoðunar og byggir á kjarasamningi Starfsgreinasambands Íslands og ríkisins sem Framsýn er aðili að. Read more „Farið yfir Stofnanasamning“

Það er aldrei slakað á í starfi Framsýnar. Sérstakur vinnuhópur kom saman fyrir helgina og fór yfir drög að nýrri stefnu ASÍ í lífeyrismálum. Hópurinn gekk frá tillögum/athugsemdum félagsins við hugmyndir Alþýðusambandsins. Tillögunum  verður komið á framfæri við Starfsgreinasamband Íslands sem fór þess á leit við aðildarfélög sambandsins að þau kæmu á framfæri athugsemdum/tillögum, ef þau hefðu þær, við hugmyndir ASÍ. Read more „Aldrei slakað á í starfi Framsýnar“

Ný skýrsla þar sem kannað er umfang svartrar atvinnustarfssemi sýnir að dregið hefur úr henni frá því í fyrra. Sl. sumar hófst átak á vegum ASÍ, SA og Ríkisskattstjóra til að sporna við svartri atvinnustarfssemi. Verkefninu var framhaldið í vetur með heimsóknum á vinnustaði og skýrsla eftir þennan annan hluta átaksins liggur nú fyrir og niðurstaðan er eins og áður segir ánægjuleg.  Read more „Dregið hefur úr svartri atvinnustarfssemi“

Ríkissáttasemjari hefur ákveðið að boða fulltrúa Framsýnar og Kletts félags smábátaeigenda frá Ólafsfirði að Tjörnesi til sáttafundar 4. júní í húsnæði Ríkissáttasemjara í Reykjavík. Framsýn vísaði nýlega kjaradeilu félagsins við Klett til Ríkissáttasemjara þar sem samningar milli aðila hafa ekki tekist. Read more „Ríkissáttasemjari boðar til sáttafundar“

Fulltrúar úr stjórn og trúnaðarmannaráði Framsýnar munu koma saman til fundar í dag kl. 17:00 til að fara yfir hugmyndir Alþýðusambands Íslands að nýrri stefnu sambandsins í lífeyrismálum.  Fundurinn er opinn þeim stjórnar og trúnaðarráðsmönnum sem koma því við að taka þátt í þessari vinnu Read more „Vinnufundur Framsýnar í dag um lífeyrismál“

Aðalfundur Starfsmannafélags Húsavíkur var haldinn þriðjudaginn 22. maí á Veitingastaðnum Sölku. Fundarsókn var ekki góð miðað við mætingu á aðalfundi félagsins undanfarin ár. Þess má geta að hin margrómaða Eurovision forkeppni var í gangi á sama tíma og aðalfundurinn fór fram, sem skýrir væntanlega lélega mætingu. Read more „Aðalfundur í skugga Eurovision“