Framsýn gekk í dag frá samningi við Fjallalamb hf. á Kópaskeri um kaup og kjör starfsmanna í sláturtíðinni í haust. Samningurinn gildir út sláturtíðina og verður endurskoðaður fyrir næsta haust. Aðalsteinn sagðist ánægður með samninginn fyrir hönd starfsmanna.
Einn góður fyrir helgina
Um leið og við óskum lesendum Heimasíðu stéttarfélaganna góðrar helgar kemur hér einn góður brandari til að hafa gaman af: Við hjónin lágum uppi í rúmi og horfðum á Villtu vinna milljón. Ég snéri mér að henni og sagði, “ Villtu gera do do ? “ Hún svaraði, “ Nei”. Ég spurði, “ Er þetta þitt loka svar” ? Hún leit ekki einu sinni á mig og svaraði “ Já” … svo ég sagði, “Þá langar mig að hringja í vin”… og þá varð allt vitlaust……
Vonbrigði með fjárfestingarform stjórnvalda
Miðstjórn Samiðnar sem Þingiðn á aðild að harmar að fjárfestingaráform ríkisstjórnarinnar í tengslum við gerð síðustu kjarasamninga hafi ekki gengið eftir og lítur á það sem brot á samkomulagi að enn sé dráttur á að framkvæmdir hefjist. Ályktun miðstjórnarfundar Samiðnar haldinn 24. og 25. september 2012 á Akureyri er svohljóðandi: Read more „Vonbrigði með fjárfestingarform stjórnvalda“
Gestir frá SGS í heimsókn
Stjórn og trúnaðarmannaráð Framsýnar fundaði í gær um fyrirliggjandi mál auk þess sem formaður félagsins Aðalsteinn Á. Baldursson fór yfir starfsemi félagsins í tilefni af heimsókn gesta frá Starfsgreinasambandi Íslands. Þau Drífa Snædal og Árni Steinar Stefánsson voru gestir félagsins en þau hófu nýlega störf hjá sambandinu, Drífa sem framkvæmdastjóri og Árni Steinar sem sérfræðingur. Read more „Gestir frá SGS í heimsókn“
Verðlaunahundur kallaður til
Eins og fram hefur komið í fjölmiðlum hafa bændur í Þingeyjarsýslum unnið að því undanfarnar vikur að bjarga fé úr sjálfheldu og fön eftir óveðrið sem gekk yfir Norðurlandið í byrjun september. Veðrið hefur lagast töluvert frá þeim tíma og á hverjum degi finnast kindur á lífi sem betur fer. Í gær fréttist meðal annars af tveimur lömbum sem voru komin niður fyrir snjólínuna á nokkuð öruggt svæði við Botnsvatnið sem liggur fyrir ofan Húsavík, það er í svokölluðum Krubbskálum. Read more „Verðlaunahundur kallaður til“
Nýtt: Ódýr gisting í Keflavík
Stéttarfélögin hafa samið við Gistiheimili Keflavíkur um ódýra gistingu fyrir félagsmenn sem ferðast milli landa. Gistiheimilið er í eigu sömu aðila og reka Hótel Keflavík. Félagsmenn greiða kr. 4.300 fyrir tveggja manna herbergi með morgunverði. Gisting í eins manns herbergi með morgunverði er á kr 3.300,-.
Nýr vefur SGS í loftið
Vefur Starfsgreinasambands Íslands (SGS) hefur nú verið opnaður í nýrri og endurbættri mynd. Ýmsar breytingar hafa verið gerðar á vefnum sem miða að því að bæta þjónustu við alla þá sem eiga erindi við SGS. Lögð er áhersla á að upplýsingar á nýjum vef séu sem aðgengilegastar og settar fram á greinargóðan hátt. Read more „Nýr vefur SGS í loftið“
Lokað vegna jarðarfarar
Samningur til umræðu
Sjómannadeild Framsýnar stóð fyrir kynningarfundi í gær um kjarasamning félagsins og Landssambands smábátasjómanna sem undirritaður var 31. ágúst. Atkvæðagreiðsla um samninginn er hafin og stendur til næsta mánudags. Rétt er að hvetja þá sjómenn sem ekki hafa þegar greitt atkvæði að gera það nú þegar. Hægt er að kjósa á Skrifstofu stéttarfélaganna.
Allt að gerast – matsáætlun í gangi
Nú stendur yfir kynning á drögum að tillögu að matsáætlun vegna fyrirhugaðrar 25 000 tonna kísilkarbíðverksmiðju Saint Gobain á Bakka við Húsavík. Drögin má nálgast hér . Kynningin stendur yfir til 4. október nk. Óskað er eftir að drög að tillögu að matsáætlun verði tekin til athugunar. Hægt er að koma ábendingum og athugasemdum á framfæri til Verkís, sendist á umhverfismal@verkis.is, eða í pósti, Verkís hf. b.t. Þórhildar Guðmundsdóttur, Ármúla 4, 108 Reykjavík. (nordurthing.is)
Starfsmenn SGS væntanlegir í heimsókn
Stjórn og trúnaðarmannaráð Framsýnar kemur saman til næsta fundar fimmtudaginn 27. september. Fundurinn hefst kl. 20:00 verður í fundarsal félagsins. Sérstakir gestir fundarins verða Drífa Snædal framkvæmdastjóri Starfsgreinasambands Íslands og Árni Steinar Stefánsson starfsmaður sambandsins. Þau voru bæði nýlega ráðin til sambandsins og hafa því ekki komið áður á fund með forsvarsmönnum Framsýnar- stéttarfélags. Þau eru boðin velkomin til Húsavíkur. Sjá dagskrá fundarins: Read more „Starfsmenn SGS væntanlegir í heimsókn“
Fréttabréf í mótun
Ritstjóri, blaðamenn og ljósmyndarar Fréttabréfs stéttarfélaganna sem eru „fjölmargir“, enda málgagnið afar vandað og efnismikið eins og alþjóð veit, sitja nú við skriftir til að koma út Fréttabréfi í næstu viku. Í Fréttabréfinu verður fjallað um það helsta úr stafi stéttarfélaganna síðustu vikurnar. Ef það er einhver sem vill auglýsa eða koma á framfæri skemmtilegum myndum af vinnustöðum eða úr atvinnulífinu er þeim velkomið að hafa samband við Skrifstofu stéttarfélaganna. Fréttabréf stéttarfélaganna er málgagn vinnandi stétta í Þingeyjarsýslum.
Allir á völlinn!!!!
Á laugardaginn ræðst hvort karlalið Völsungs í knattspyrnu kemst upp um deild. Sigri Völsungur eða geri jafntefli er liðið komið upp í 1. deild. Því er afar mikilvægt að bæjarbúar, nærsveitarmenn og allir stuðningsmenn liðsins um land allt styðji strákana til sigurs með því að leggja leið sína á völlinn. Áfram Völsungur!!!
Smábátasjómenn ath.
Sjómannadeild Framsýnar boðar til fundar um kjarasamning félagsins og Landssambands smábátaeigenda sunnudaginn 23. september kl. 17:00 í fundarsal stéttarfélaganna. Í lok fundar hefst atkvæðagreiðsla um samninginn. Einnig verður hægt að kjósa á Skrifstofu stéttarfélaganna til 1. október 2012. Það er á skrifstofutíma 08:00:16:00. Rétt er að taka fram að fundurinn og atkvæðagreiðslan er aðeins fyrir þá sjómenn sem eru greiðendur til Framsýnar- stéttarfélags.
Allir á Raufarhöfn – hrútadagurinn framundan
Hrútadagurinn á Raufarhöfn verður laugardaginn 29. september. Þar verða til sölu hrútar frá mörgum þeim bæjum sem hafa söluleyfi úr Norðausturhólfi. Full ástæða er til að hvetja fólk til að gera sér ferð á Raufarhöfn á hrútadaginn. Þetta er skemmtun við allra hæfi. Sjá dagskrá og myndir: Read more „Allir á Raufarhöfn – hrútadagurinn framundan“
Samningur undirritaður um forystufræðslu
ASÍ og BSRB, heildarsamtök stéttarfélaga á vinnumarkaði, hafa tekið höndum saman um sameiginlega fræðslu fyrir starfsfólk sitt og stjórnir með það fyrir augum að mæta breyttum tímum, nýjum áherslum og viðameiri verkefnum. Til að mæta auknum kröfum sem gerðar eru til forystu og starfsfólks innan samtakanna hefur verið búin til námsleiðin Forystufræðsla fyrir stjórnir og starfsfólk stéttarfélaga. Read more „Samningur undirritaður um forystufræðslu“
BSRB ályktar um lífeyrismál
Stjórnarfundur BSRB hefur samþykkt ályktun þar sem því er mótmælt að stjórnvöld ætli enn einu sinni að fresta því að taka á vanda Lífeyrissjóðs starfsmanna ríkisins. Starfsmannafélag Húsavíkur er innan BSRB. Ályktunina má sjá í heild sinni hér að neðan. Read more „BSRB ályktar um lífeyrismál“
Tófur og kindur á ferð
Eins og fram hefur komið í fjölmiðlum hafa bændur, sjálfboðaliðar og björgunarsveitir verið við leitir í Þingeyjarsýslum. Meðal þeirra sem leitað hafa eru fulltrúar frá Fjáreigendafélagi Húsavíkur sem beðnir voru um að leggja til mannskap til að ganga svæðið við Höskuldsvatn á Reykjaheiði sem er mjög erfitt yfirferðar norður að svokölluðum Reiðarárbotnum. Leitirnar gengu vel en þær hafa staðið yfir í tvo daga, það er á þessu afmarkaða leitarsvæði. Read more „Tófur og kindur á ferð“
Skorað á ráðherra að setja skýrar reglur um merkingar
Stéttarfélagið Framsýn skorar á Steingrím J. Sigfússon ráðherra Atvinnuvega- og nýsköpunarmála að setja skýrar reglur um upprunamerkingar á vörum s.s. lopapeysum sem prjónaðar eru erlendis úr íslenskri ull og fluttar inn til landsins. Óskað er eftir fundi með honum um málið. Bréf þess efnis fór frá félaginu í dag. Read more „Skorað á ráðherra að setja skýrar reglur um merkingar“
Þing ASÍ-UNG að hefjast