Bændur og sjálfboðaliðar í Þingeyjarsýslum hafa undanfarið haldið áfram að leita af fé eftir óveðrið mikla sem gekk yfir svæðið um miðjan september. Flesta daga finnast kindur á lífi sem er ánægjulegt. Einn af þeim sjálfboðaliðum sem hefur staðið sig afar vel er Ólafur Jón Aðalsteinsson á Húsavík og á hann heiður skilið fyrir sína framgöngu. Óli Jón lánaði okkur meðfylgjandi myndir sem hann hefur tekið á ferðum sínum en hann hefur aðallega verið við leitir á Reykjaheiði. Read more „Leit stendur enn yfir á heiðum í Þingeyjarsýslum“
Jólaúthlutun íbúðanna í Þorrasölum
Íbúar Raufarhafnar kalla á hjálp
Stéttarfélagið Framsýn hefur sent bréf til allra þingmanna Norðurlands kjördæmis eystra til að vekja athygli á því að á síðustu 20 árum hefur íbúum Raufarhafnar fækkað um helming og landaður afli hefur á sama tíma minnkað um ríflega 97%, samkvæmt tölum frá Hagstofunni. Read more „Íbúar Raufarhafnar kalla á hjálp“
Atvinnumál á Raufarhöfn til umræðu í gær
Íbúaþróun á Raufarhöfn hefur um langt árabil verið mjög neikvæð, og hafa aðgerðir opinberra aðila ekki megnað að snúa þeirri þróun við. Sem dæmi má nefna að nú búa um 185 íbúar á Raufarhöfn en voru 446 árið 1970. Read more „Atvinnumál á Raufarhöfn til umræðu í gær“
Að semja um laun – Áhugavert námskeið
Stéttarfélögin í Þingeyjarsýslum bjóða félagsmönnum upp á áhugavert námskeið er nefnist AÐ SEMJA UM LAUN. Leiðbeinandi á námskeiðinu verður Gylfi Dalmann Aðalsteinsson kennari við Háskóla Íslands. Um er að ræða 3 klst. námskeið. Ekki er búið að tímasetja námskeiðið en það verður haldið í lok október á Húsavík. Nánari tímasetning mun birtast á heimasíðunni eftir helgina. Námskeið er frítt fyrir félagsmenn stéttarfélaganna. Skráning á námskeiðið er á Skrifstofu stéttarfélaganna. Uppbygging námskeiðsins er eftirfarandi: Read more „Að semja um laun – Áhugavert námskeið“
Þing ASÍ að hefjast
Á miðvikudaginn hefst 40. þing Alþýðusambands Íslands. Þingið sem haldið verður á Hótel Nordica, Reykjavík stendur yfir í þrjá daga. Helstu málefni sem verða til umræðu eru: Atvinnumálin, húsnæðismál og lífeyrissjóðsmál. Fulltrúar Framsýnar á fundinum verða, Aðalsteinn Á. Baldursson, Torfi Aðalsteinsson, Kristbjörg Sigurðardóttir og Jónína Hermannsdóttir. Frá Þingiðn verður Jónas Kristjánsson fulltrúi en hann er jafnframt formaður félagsins.
Fréttabréfið klárt
Fjársöfnun til stuðnings bændum
Ákveðið hefur verið að efna til söfnunar til að styðja við bakið á bændum á þeim svæðum sem urðu fyrir áföllum í óveðrinu, sem gekk yfir Norðurland snemma í september. Sérstök verkefnisstjórn hefur verið skipuð til að hafa umsjón með söfnuninni og móta reglur um hana. Read more „Fjársöfnun til stuðnings bændum“
Ályktun um Evrópumál felld á þingi BSRB
Engar ályktanir voru samþykktar um Evrópumál á þingi BSRB. Ályktun sem kom fram á fundinum um að setja varnarlínur í aðildarviðræðunum var felld í þinginu. Stjórn BSRB lagði fram drög að nokkrum ályktunum fyrir þingið, en ekkert var þar að finna um Evrópumál. Read more „Ályktun um Evrópumál felld á þingi BSRB“
Vilja umræður um ástandið á Raufarhöfn
Miðstjórn ASÍ vill ekki að félagsmenn kjósi forseta samtakanna
Miðstjórn ASÍ leggst alfarið gegn því að hinn almenni félagsmaður fái að kjósa sér forseta samtakanna, og vill að það verði áfram í höndum fulltrúa á þingum ASÍ. Þetta kemur fram í umsögn miðstjórnarinnar um tillögu sem Vilhjálmur Birgisson formaður Verkalýðsfélags Akraness ætlar að leggja fram á næsta þingi samtakanna, sem haldið verður í næstu viku. Read more „Miðstjórn ASÍ vill ekki að félagsmenn kjósi forseta samtakanna“
Fá ekki greidd laun vegna kennitöluleysis
Töluvert er um að erlendir starfsmenn sem réðu sig til starfa við sauðfjárslátrun á Íslandi í haust hafi sett sig í samband við Skrifstofu stéttarfélaganna á Húsavík vegna óánægju með hversu langan tíma það tekur að fá kennitölu en Þjóðskrá Íslands gefur sér 5-6 vikur til að afgreiða kennitölur. Fyrirtækjum er óheimilt að greiða út laun til starfsmanna nema þeir hafi áður fengið kennitölu.
Hvernig væri að senda gleðikort?
Í tilefni af geðverndarvikunni þá hefur VIRK – Starfsendurhæfingarsjóður sett upp á heimasíðu sína skemmtilegan möguleika þar sem fólk getur sent rafræn póstkort til vinnufélaga, vina, fjölskyldu eða einhvers sem það telur að eigi hrós skilið – svokölluð gleðikort – þar sem komið er á framfæri hrósi og jákvæðum umsögnum. Allir geta nýtt sér þessi kort án endurgjalds og ekki bara í geðverndarvikunni heldur allt árið um kring. Sjá nánar hér: http://virk.is/gledikort Read more „Hvernig væri að senda gleðikort?“
Frábærar fréttir – ferðum fjölgað til Húsavíkur
Flugfélagið Ernir hefur ákveðið í ljósi reynslunnar í sumar að bæta við flugum til Húsavíkur og fljúga sex daga vikunnar samtals 10 flug í viku. Bætt verður við morgun- og síðdegisflugum á mánudögum og einu morgunflugi á miðvikudögum frá og með 15. október. Sala á þessum flugum er nú þegar hafin og er fólk kvatt til að kynna sér nýja flugáætlun á www.ernir.is. Read more „Frábærar fréttir – ferðum fjölgað til Húsavíkur“
Kjarasamningur sjómanna gildir frá 31. ágúst
Skrifstofu stéttarfélaganna hafa borist fyrirspurnir frá sjómönnum á smábátum varðandi gildistökuna á nýja samningnum sem samþykktur var í síðustu viku af sjómönnum og útgerðarmönnum á félagssvæði Framsýnar. Rétt er að taka fram að samningurinn gildir frá 31. ágúst og ber útgerðarmönnum því að gera upp samkvæmt nýja samningnum frá þeim tíma hafi skiptakjörin verið lægri en í nýja samningnum. Read more „Kjarasamningur sjómanna gildir frá 31. ágúst“
Matarverð er á uppleið
Verð á kjöti, fiski og mjólkurvörum hækkar milli ára og nemur hækkunin allt að tugum prósenta. Svínakótelettur hafa hækkað um 27% á einu ári og rækja um 21%. Þetta kemur fram í tölum Hagstofu Íslands en þær sýna að verðið hefur í mörgum tilfellum hækkað langt umfram verðlagsþróun. Aðalsteinn Á. Baldursson, formaður Framsýnar – stéttarfélags, segir marga eiga erfitt með framfærslu. „Því er reglulega haldið fram að láglaunafólk eigi fyrir verðhækkunum enda hafi kaupmátturinn aukist. Þetta er bara falskt. Launin eru í mörgum tilfellum svo lág að sífellt fleiri ráða ekki við hækkanirnar.“ Read more „Matarverð er á uppleið“
Samið fyrir smábátasjómenn
Kjarasamningur Framsýnar- stéttarfélags og Landssambands smábátaeigenda sem undirritaður var 31. ágúst 2012 hefur verið samþykktur meðal félagsmanna Framsýnar og útgerðarmanna í Þingeyjarsýslum. Talningu atkvæða lauk í hádeginu í dag. Samningurinn nær yfir þrjá útgerðarstaði, Húsavík, Kópasker og Raufarhöfn. Alls samþykktu 88% sjómanna innan Framsýnar samninginn. Meðal útgerðarmanna samþykktu 64% samninginn. Read more „Samið fyrir smábátasjómenn“
Kaskó á Húsavík með í verðkönnun ASÍ
Verslunin Iceland Engihjalla var oftast með lægsta verðið þegar verðlagseftirlit ASÍ kannaði verð í lágvöruverðsverslunum, stórmörkuðum og klukkubúðum víðsvegar um landið mánudaginn 1. október. Flestar vörurnar sem skoðaðar voru í könnuninni voru fáanlegar hjá Fjarðarkaupum Hafnarfirði eða 94 af 99, Nóatún Nóatúni átti til 89 og Hagkaup Skeifunni átti til 83. Read more „Kaskó á Húsavík með í verðkönnun ASÍ“
Hrútar boðnir upp á Raufarhöfn
Hinn landsþekkti Hrútadagur var haldinn hátíðlegur á Raufarhöfn síðasta laugardag. Að venju lagði fjöldi fólks leið sína til Raufarhafnar til að skoða og jafnvel kaupa verðlaunahrúta. Sá besti fór á kr. 85.000,-. Markaðsverð á góðum hrút er um 27 þúsund. Read more „Hrútar boðnir upp á Raufarhöfn“
Atkvæðagreiðslu lokið
Í gær lauk atkvæðagreiðslu um kjarasamning Framsýnar og Landssambands smábátaeigenda sem var undirritaður 31. ágúst. Þar sem ekki er heimilt að greina frá niðurstöðum verður það ekki gert í dag. Það verður hins vegar gert þann 5. október nk. en þá hefur Ríkissáttasemjari heimilað að úrslitin verði birt opinberlega. Read more „Atkvæðagreiðslu lokið“