Huld Aðalbjarnardóttir Fræðslu- og menningarfulltrúi Norðurþings hefur verið ráðin sem skrifstofu- og fjármálastjóri Skrifstofu stéttarfélaganna á Húsavík. Huld mun hefja störf hjá stéttarfélögunum í sumar. Huld er boðin velkomin til starfa. Alls bárust 14 umsóknir um starf fjármálastjóra hjá Skrifstofu stéttarfélaganna á Húsavík. Read more „Huld boðin velkomin til starfa hjá stéttarfélögunum“
Sjómannadagshelgin er framundan á Húsavík. Boðið verður upp á veglega hátíð á laugardaginn og sunnudaginn. Svo sem skemmtisiglingu, pylsugrill, kappróður, reiptog, hoppukastala og þá verður þyrla landhelgisgæslunnar á svæðinu. Read more „Mikið um að vera á Húsavík um helgina“
Loksins, loksins segja margir. Veðrið síðustu daga hefur verið með miklum ágætum eftir leiðinda tíð. Samfara góðu veðri lifnar yfir öllu og bros færist yfir unga sem aldna. Fréttaritari heimasíðunnar tók nokkrar myndir í morgun þegar starfsfólk og nemendur Leikskólans Grænuvalla gerði sér ferð til frístundabæna á Húsavík til að skoða lömb, dúfur og hænur. Um 130 börn eru í skólanum og um 50 starfsmenn. Sjá skemmtilegar myndir: Read more „Sumarið er komið og allir brosandi“
Formaður Framsýnar þáði boð frá Miðjunni fyrir hádegi í dag. Nokkrir unglingar hittast reglulega í Miðjunni undir leiðsögn leiðbeinenda. Unglingarnir sem eru að hefja störf á vegum Norðurþings óskuðu eftir að fá fræðslu um vinnumarkaðinn og þeirra réttindi. Read more „Á hvaða launum eigum við að vera?“
Næsta mánudag og þriðjudag verður haldinn formannafundur á vegum Starfsgreinasambands Íslands á Húsavík. Fundað verður í fundarsal stéttarfélaganna. Reiknað er með um 30 formönnum og varaformönnum aðildarfélaga Starfsgreinasambandsins. Read more „Allt fullt af foringjum á Húsavík“
Aðalfundur Þingiðnar fór fram í gær. Fundurinn gekk vel og voru fundarmenn ánægðir með stöðu félagsins. Tillögur stjórnar sem lágu fyrir fundinum voru samþykktar samhljóða. Fullgildir félagsmenn í Þingiðn 31. desember 2012 voru 93 talsins sem er svipaður fjöldi milli ára. Karlar voru 91 og konur 2. Greiðandi einstaklingar voru 93 á árinu samkvæmt ársreikningum félagsins. Read more „Góð staða Þingiðnar – hagnaður 12 milljónir“
Stjórn Þingiðnar, félags iðnaðarmanna í Þingeyjarsýslum kom saman til fundar í gær. Tilefni fundarins var að undirbúa aðalfund félagsins auk þess að ræða nokkur mál sem komið hafa upp milli stjórnarfunda og varða félagsmenn Þingiðnar. Vel gekk að ganga frá öllum tillögum varðandi aðalfundinn. Þá urðu töluverðar umræður um störf ófaglærðra í byggingarvinnu og við viðgerðir á bílum. Read more „Ófaglærðir í störfum faglærðra“
Þekkingarnet Þingeyinga boðaði til aðalfundar í gær. Fundurinn var haldinn í Gljúfrastofu í Ásbyrgi. Starfsemi Þekkingarnetsins hefur verið öflug á undanförnum árum. Þekkingarnet Þingeyinga er svæðisbundin miðstöð símenntunar, háskólaþjónustu og rannsókna í Þingeyjarsýslum. Hægt er að fræðast um starfsemina inn á heimasíðu netsins, www. hac.is. Read more „Öflugt starf hjá Þekkingarnetinu“
Ársfundur Stapa, lífeyrissjóðs var haldinn 16. maí í Menningarhúsinu Hofi á Akureyri. Fundurinn var vel sóttur, en þó þurfti að gera hálftíma hlé á setningu fundar vegna ófærðar á Möðrudalsöræfum sem leiddi til tafa á mætingu fundarmanna af Austurlandi. Read more „Staða Stapa til umræðu á ársfundi – stjórnarlaun hækkuð verulega“
Að venju stendur Framsýn, stéttarfélag Þingeyinga fyrir kaffiboði á Raufarhöfn föstudaginn 31. maí 2013. Opið hús verður í Kaffi Ljósfangi frá kl. 16:00 til kl. 18:00. Í boði verða bestu tertur í heimi frá Kvenfélaginu Freyju á Raufarhöfn og kaffi sem fulltrúar Framsýnar sjá um að tendra fram. Read more „Framsýn með kaffiboð á Raufarhöfn“
Samkvæmt upplýsingum frá Vinnumálastofnun var skráð atvinnuleysi í lok apríl 2013 um 4,9% en að meðaltali voru 7.998 atvinnulausir í apríl og fækkaði atvinnulausum um 489 að meðaltali frá mars eða um 0,4% prósentustig. Atvinnuleysi í Norðurlandi eystra var í lok mánaðar 613, þar af voru 117 á félagssvæði stéttarfélaganna í Þingeyjarsýslum. Read more „Ekkert atvinnuleysi á Tjörnesi“
Aðalfundur Þingiðnar verður þriðjudaginn 28. maí kl. 20:00 í fundarsal félagsins. Ársreikningar félagsins liggja frammi á Skrifstofu stéttarfélaganna. Félagar fjölmennið.
Aðalfundi Framsýnar sem vera átti fimmtudaginn 30. maí er hér með frestað um óákveðinn tíma. Fundurinn verður auglýstur síðar. Stjórn Framsýnar.
Í gær fór fram kynningarfundur fyrir stéttarfélögin á svæðinu um Vaðlagheiðargöng. Meðal fundarmanna voru fulltrúar frá Framsýn og Þingiðn. Fundurinn fór fram á 3. hæð Alþýðuhússins á Akureyri og fór Jón Leví Hilmarsson, verkefnisstjóri hjá Ósafli, yfir fyrirhugaðar framkvæmdir við göngin fyrir fulltrúa stéttarfélagananna. Read more „Fundað um Vaðlaheiðargöng“
Virk – starfsendurhæfingarsjóður er stofnun í eigu aðila vinnumarkaðarins, stéttarfélaganna, Samtaka atvinnulífsins, Sveitarfélaganna og Ríkisins. Read more „Virk – ársfundur í Þingeyjarsýslum“
Ársfundur Stapa, lífeyrissjóðs verður haldinn í Hofi á Akureyri næsta fimmtudag. Félagsmenn Framsýnar sem hafa áhuga á því að vera fulltrúar félagsins á fundinum eru beðnir um að hafa samband við Skrifstofu stéttarfélaganna. Fundurinn hefst kl. 14:00 á fimmtudaginn.
Aðalfundur Starfsmannafélags Húsavíkur fór fram 8 maí sl. fyrir árið 2012 og mættu 25 manns til fundarins. Gestir fundarins voru Guðbjörg Þorsteinsdóttir og Guðbjörn Arngrímsson formaður Samflots bæjarstarfsmanna. Read more „Góður andi á aðalfundi STH“
Stjórn og trúnaðarmannaráð Framsýnar hefur samþykkt að senda frá sér ályktun um mikilvægi þess að lífeyrissjóðum verði fækkað með frekari sameiningum lífeyrissjóða. Þannig verði þeir öflugri, ódýrari í rekstri og betur í stakk búnir að veita sjóðsfélögum betri lífeyri í framtíðinni. Þess ber að geta að Framsýn, stéttarfélag á aðild að Stapa, lífeyrissjóði. Sjá ályktun: Read more „Vilja frekari sameiningar lífeyrissjóða“
Formenn Framsýnar og Þingiðnar færðu Framhaldsskóla Húsavíkur bókagjöf í gær fyrir hönd stéttarfélaganna. Um er að ræða tvær bækur um sögu Alþýðusambands Íslands sem nýlega voru gefnar út. Til stendur að gefa bækurnar einnig til bókasafna í Þingeyjarsýslum. Það á jafnframt við um Framhaldsskólann á Laugum. Read more „Færðu FSH bókagjöf“
Í tengslum við aðalfund Atvinnuþróunarfélag Þingeyinga sem haldinn var á Húsavík í gær voru Hvatningaverðlaun AÞ afhent í þrettánda sinn. Markmiðið með verðlaununum er að hvetja einstaklinga, fyrirtæki og stofnanir til nýsköpunar og árangurs í rekstri með því að verðlauna það sem vel er gert á þessu sviði. Read more „Haukamýri fékk Hvatningaverðlaun AÞ 2013“