kuti

Rétt í þessu var Ríkissáttasemjari að boða fulltrúa Framsýnar til sáttafundar í Reykjavík á morgun kl. 14:30. Samningsumboð Framsýnar var hjá Starfsgreinasambandi Íslands en er nú komið aftur til félagsins þar sem kjarasamningur SGS og SA var felldur í atkvæðagreiðslu félagsmanna.  Fundurinn á morgun verður með fulltrúum Samtaka atvinnulífsins.

Í dag var haldinn formannafundur hjá Starfsgreinasambandi Íslands. Tilefni fundarins var að fara yfir þá stöðu sem er á vinnumarkaði, en flest öll félög innan SGS (félög með 85% félagsmanna) felldu nýgerðan kjarasamning við Samtök atvinnulífsins sem gerður var í desember s.l..

Á fundinum í dag var í raun engin ákvörðun tekin um samstarfa og fer því hvert félag innan SGS með samningsumboð að nýju.

Kjaradeilunni hafði áður verið vísað til Ríkissáttasemjara og fer hann því með verkstjórn í verðandi kjaraviðræðunum.

Formaður Framsýnar, Aðalsteinn Á. Baldursson, verður gestur Sigurjóns M. Egilssonar í þættinum á Sprengisandi á sunnudaginn sem er á Bylgjunni og hefst kl. 10:00. Þátturinn er án efa vinsælasti umræðu þátturinn í  íslensku útvarpi.  Án efa verða kjaramál til umræðu.

Formannafundur Starfsgreinasambands Íslands stendur nú yfir en hann hófst kl. 13:00 í húsnæði ríkissáttasemjara í Reykjavík. Á fundinum eru formenn þeirra stéttarfélaga innan sambandsins sem felldu nýgerðan kjarasamning Samtaka atvinnulífsins og Starfsgreinasambandsins sem Framsýn á m.a. aðild að. Read more „Formannafundur stendur yfir“

„LOF fá Húsvíkingar og nærsveitungar í Framsýn fyrir að kolfella kjarasamning óhræddir við að standa uppi í hárinu á atvinnurekendum og láta ekki fara illa með sig. Svo mælir kona úr Þingeyjarsýslum sem hafði samband við blaðið.“ Þessa frétt má lesa í Akureyri vikublaði sem kom út í þessari viku. Read more „Framsýn fær mikið lof“

Skrifstofa stéttarfélaganna framlengdi í dag samning félagsins við Símann um þjónustu og fjarskipti. Samningurinn er til þriggja ára. Jóhannes Valgeirsson viðskiptastjóri Símans kom á Skrifstofu stéttarfélaganna í dag og gekk frá samningnum. Read more „Samið við Símann um viðskipti“

Það var afskaplega ánægjulegt að 93% félagsmanna Framsýnar skyldu fella kjarasamning Samtaka atvinnulífsins og Starfsgreinasambands Íslands þar sem hann er ekki boðlegur verkafólki. Þá þarf ekki að koma á óvart að meirihluti aðildarfélaga ASÍ felldi kjarasamninginn með stæl. Read more „Hvað næst? – felldir kjarasamningar“

Ágúst Óskarsson formaður Kjörnefndar Framsýnar segir nefndina vinna að því að klára uppstillingu á stjórn, trúnaðarmannaráð og í aðrar trúnaðarstöður fyrir næsta kjörtímabil, sem er tvö ár. Samtals þurfi að stilla upp um 60 félagsmönnum í trúnaðarstöður. Read more „Uppstilling að klárast“

Formaður Framsýnar, Aðalsteinn Á. Baldursson, fundaði með ríkissáttasemjara fyrir helgina. Hann gerði honum grein fyrir niðurstöðu úr atkvæðagreiðslu um kjarasamning SA og SGS/LÍV. Þá fóru þeir sameiginlega yfir stöðuna þar sem fyrir liggur að meirihluti stéttarfélaga innan Alþýðusambandsins felldu kjarasamninginn.

Stjórn og trúnaðarmannaráð Framsýnar kom saman til fundar fyrir helgina til að ræða niðurstöðuna úr atkvæðagreiðslunni um kjarasamning Samtaka atvinnulífsins og Starfsgreinasambands Íslands sem Framsýn á aðild að. Read more „Niðurstöðunni fagnað og ályktað“

Stjórn Þingiðnar kom saman á miðvikudaginn og fór yfir stöðu mála eftir að kjarasamningur Samiðnar og Samtaka atvinnulífsins sem félagið á aðild að var felldur meðal félagsmanna. Ákveðið var að gefa sér nokkra daga til að skoða málið, það er hvort félagið fer í viðræður við Samtök atvinnulífsins eða óskar eftir viðræðum við atvinnurekendur á félagssvæðinu um kjarasamning. Read more „Þingiðn skoðar framhaldið“

Talningu er lokið hjá Þingiðn, félagi iðnaðarmanna í Þingeyjarsýslum vegna kjarasamnings Samiðnar og Samtaka atvinnulífsins sem félagið á aðild að. Skrifað var undir kjarasamninginn 21. desember 2013. Alls höfnuðu 81% félagsmanna kjarasamningnum. Read more „Kjarasamningur Samiðnar og SA felldur örugglega“

Talningu er lokið hjá Framsýn vegna tveggja kjarasamninga sem félagið á aðild að í gegnum tvö landssambönd, Starfsgreinasamband Íslands og Landssamband íslenskra verslunarmanna. Skrifað var undir kjarasamningana 21. desember 2013. Rúmlega 92% félagsmanna hafnaði kjarasamningi SGS og SA og um 89% félagsmanna hafnaði kjarasamningi LÍV og SA. Þessi afgerandi niðurstaða staðfestir reiði verkafólks með kjarasamningana.  Read more „Kjarasamningur kolfelldur“

Þorrablót Kvenfélags Húsavíkur fór fram síðastliðinn laugardag í íþróttahúsinu á Húsavík. Að venju var blótið glæsilegt og kvenfélagskonum til mikils sóma. Sérstaka athygli vakti kynning á dagatali sem kvenfélagskonur létu gera með myndum af léttklæddum glæsilegum félagskonum sem eru þær glæsilegustu í heimi. Ljósmyndirnar tók Pétur Jónasson ljósmyndari á Húsavík. Dagatalið verður til sölu í Kaskó síðdegis á fimmtudag og föstudag í þessari viku.

Read more „Kvenfélagskonur klikka ekki“

Kjörstað vegna atkvæðagreiðslu um kjarasamning Samtaka atvinnulífsins og Starfsgreinasambands Íslands/LÍV sem Framsýn á aðild að lokar í dag kl. 16:00. Kjörsókn hefur verið góð og rétt í þessu komu starfsmenn Fiskeldisins í Haukamýri við til að kjósa. Read more „Kjörstaður lokar kl. 16:00 í dag“

Þó nokkur dæmi eru um að íbúar á félagssvæði Framsýnar hafi sett sig í samband við Skrifstofu stéttarfélaganna og gert alvarlegar athugasemdir við hækkanir sveitarfélaga á þjónustugjöldum auk þess sem verðlag í búðum virðist vera á uppleið, það á þó ekki við um allar búðir. Read more „Flest hækkar þessa dagana – mikið kvartað“

Kjörstjórn Framsýnar mun koma saman í dag og telja atkvæðin úr atkvæðagreiðslunni um kjarasamninginn. Kjörsókn hefur verið góð og væntanlega mun kjörsóknin verða um 30% ef marka má síðustu daga en menn geta kosið til kl. 16:00 í dag. Útslitin liggja síðan fyrir í fyrramálið og munu þau þá verða birt á heimasíðu stéttarfélaganna. Read more „Talið í dag – úrslit ljós á morgun“

Formaður Framsýnar fór í vinnustaðaheimsókn í morgun í Fjallalamb. Þar átti hann góðan fund með starfsmönnum og gerði þeim jafnframt grein fyrir kjarasamningnum. Töluverðar umræður urðu um samninginn og skattalækkanir ríkistjórnarinnar sem koma ekki vel við starfsmenn sem taka laun eftir lægstu kauptöxtunum. Read more „Fundur með starfsfólki Fjallalambs í morgun“

Á morgun kl. 16:00 verður kjörstað lokað á Skrifstofu stéttarfélaganna um kjarasamning Samtaka atvinnulífsins og Starfsgreinasambands Íslands. Það á einnig við um  kjarasamning Samtaka atvinnulífsins og Landssambands íslenskra verslunarmanna. Framsýn á aðild að þessum kjarasamnngum. Þá er einnig að ljúka atkvæðagreiðslu um kjarasamning Samiðnar og Samtaka atvinnulífsins sem Þingiðn á aðild að. Félagar munið að kjósa um samninganna!!! Read more „Munið að kjósa um kjarasamninginn“

Stéttarfélögin í Þingeyjarsýslum, Framsýn, Þingiðn og Verkalýðsfélag Þórshafnar hafa nú lokið formlegum kynningum á nýgerðum kjarasamningum. Alls er búið að halda tíu kynningarfundi um samninginn. Atkvæðagreiðslu lýkur á þriðjudaginn hjá Framsýn. Atkvæðagreiðslu er lokið hjá Verkalýðsfélagi Þórshafnar og á mánudaginn lýkur atkvæðagreiðslunni hjá Þingiðn. Read more „Reiði efst í huga fólks“