kuti

Framsýn stóð í kvöld fyrir félagsfundi um nýgerðan kjarasamning ríkisins og Starfsgreinasambands Íslands sem félagið á aðild að. Fundarmenn voru nokkuð ánægðir með samninginn en óánægja kom fram með að 300 þúsund lágmarkslaunum verði ekki náð fyrr en 1. júní 2018. Read more „Kynningarfundi lokið um ríkissamninginn“

Stjórn og trúnaðarmannaráð Framsýnar kemur saman til fundar í dag kl. 17:00. Mörg mál eru á dagskrá fundarins.

Stjórn Starfsmenntasjóðs verslunar- og skrifstofufólks (SVS) sem Framsýn á aðild að fyrir verslunar- og skrifstofufólk innan félagsins hefur tekið þá ákvörðun að flýta gildistöku ákvæðis nýrra reglna varðandi uppsöfnun á rétti í sjóðinn. Read more „Verslunar- og skrifstofufólk innan Framsýnar athugið“

Þing Landssambands íslenzkra verzlunarmanna (LÍV) kallar eftir nýjum vinnubrögðum við gerð kjarasamninga þar sem allir axli sína ábyrgð. Margir hópar hafi farið fram síðustu misseri og reynt að rétta sinn hlut, óháð því hvaða áhrif það hafi á aðra launahópa eða hagkerfið. Á því tapa allir, segir í ályktun þingsins. 29. þing LÍV var haldið dagana 16. – 17. október á Akureyri og sátu það 79 fulltrúar aðildarfélaga sambandsins. Read more „Þing LÍV kallar eftir nýjum vinnubrögðum“

Sem betur fer er atvinnuleysið áfram á niðurleið og mælist nú 2,4% en var í síðasta mánuði 2,6. Í upphafi árs var það 3,6% á landsvísu. Á Norðurlandi eystra voru 361 atvinnulausir í lok mánaðarins, þar af voru 41 atvinnulausir á félagssvæði stéttarfélaganna í Þingeyjarsýslum sem skiptist þannig: Read more „Atvinnuleysið á niðurleið“

Á þingi Starfsgreinasambands Íslands sem fram fór fyrir helgina var Aðalsteinn Árni Baldursson formaður Framsýnar kjörinn í stjórn sambandsins. Kjörtímabil stjórnar eru tvö ár. Aðalsteinn hefur setið í stjórn sambandsins frá stofnun þess árið 2000 eða í 15 ár. Read more „Aðalsteinn áfram í stjórn SGS“

Kjarasamningur Starfsgreinasambands Íslands sem Framsýn á aðild að og Landsvirkjunar hefur verið samþykktur í atkvæðagreiðslu. Samningurinn var samþykktur með 94% greiddra atkvæða. Alls greiddu 17 atkvæði, já sögðu 16 en nei sagði 1. Samningurinn telst því samþykktur. Read more „Samningur samþykktur v/ starfsmanna Landsvirkjunar“

Fimmta þingi Starfsgreinasambands Íslands er nú lokið. Samþykktar voru þrjár ályktanir; um atvinnumál, húsnæðismál og kjaramál. Starfsáætlun SGS til næstu tveggja ára var samþykkt sem og ársreikningar fyrir árin 2013 og 2014. Auk þess samþykkti þingið breytingar á lögum og þingsköpum sambandsins. Read more „Þingi SGS lokið“

Framsýn boðar til kynningarfundar fyrir félagsmenn sem starfa hjá ríkinu á nýgerðum kjarasamningi Framsýnar/SGS og ríkisins þriðjudaginn 20. október kl. 20:00 í fundarsal félagsins. Félagsmenn Framsýnar sem starfa hjá ríkinu koma til með að fá kjörgögn í pósti en um rafræna atkvæðagreiðslu verður um að ræða. Framsýn- stéttarfélag

Fulltrúar Framsýnar og Þingiðnar fóru í eftirlitsferð um Þeistareykjasvæðið í gær. Framkvæmdir ganga vel og voru menn nokkuð ánægðir með gang mál og veðrið að sjálfsögðu sem hjálpað hefur verulega til í haust en menn búast við veðurbreytinum á næstunni og eru menn því að keppast við að gera sem mest áður en stöðva þarf framkvæmdir vegna veðurs og ófærðar. Sjá myndir úr heimsókninni: Read more „Eftirlit um Þeistareykjasvæðið“

Á síðasta ári höfðaði Starfsgreinasamband Íslands fh. Framsýnar mál í Félagsdómi gegn Vísi hf. þar sem félagið taldi að fyrirtækið hefði brotið á starfsmönum við flutning á starfsemi þess frá Húsavík til Grindavíkur. Read more „Hafa ekki gert upp við starfsmenn“

Framsýn hefur undanfarið unnið að því að finna lausn á nokkrum málum sem hafa komið upp á félagssvæðinu og varða undirboð fyrirtækja. Um er að ræða fyrirtæki sem reyna að sniðganga íslenska kjarasamninga og greiða starfsmönnum laun fyrir neðan lágmarkskjör. Read more „Unnið að lausn mála“

Samninganefndir Starfsgreinasambandsins og Flóabandalagsins undirrituðu samning við samninganefnd ríkisins í dag (7. október 2015), vegna starfsfólks aðildarfélaga Starfsgreinasambandsins hjá ríkisstofnunum. Framsýn á aðild að samningnum í gegnum SGS. Samningurinn er á svipuðum nótum og samið var um á almennum markaði í vor og gildir hann frá 1. maí síðastliðnum. Read more „Framsýn gengur frá kjarasamningi við ríkið“

Beint flug milli Egilsstaða og Gatwick hefst næsta sumar. Flogið verður tvisvar í viku á milli áfangastaðanna en það er breska ferðaskrifstofan Discover the World sem skipuleggur flugið. Read more „Beint flug frá Egilsstöðum“

Þrír góðir gestir frá Alþýðusambandi Íslands komu í heimsókn á Skrifstofu stéttarfélaganna í morgun til að ræða við starfsmenn og forsvarsmenn Framsýnar um verkalýðsmál, starfsmenntamál og önnur málefni er varða starfsemi stéttarfélaga. Fundurinn var að sjálfsögðu vinsamlegur og fjörugar umræður urðu um málefni fundarins. Read more „Morgunverðarfundur með fulltrúum ASÍ“