kuti

Þorgeir Baldursson er ljósmyndari góður og hefur auk þess starfað sem sjómaður til fjölda ára. Hann kom við á Skrifstofu stéttarfélaganna fyrir helgi með myndir úr síðustu veiðiferð Jökuls ÞH 259 sem gerður er út frá Húsavík. Flestir sjómannanna eru félagsmenn í Sjómannadeild Framsýnar. Hér má sjá nokkrar myndir úr veiðiferðinni. Read more „Kátir sjómenn á Jökli ÞH 259“

Ákveðið hefur verið að fresta námskeiðinu, Að semja um launin, sem vera átti í kvöld, þriðjudag, vegna veðurs. Námskeiðið verður auglýst síðar.

Viðtal sem tekið var við formann Framsýnar á Bylgjunni fyrir nokkrum dögum um atvinnuástandið á Raufarhöfn og framkvæmdir Landsvirkjunar í Bjarnarflagi vakti mikla og jákvæða athygli. Í viðtalinu fór Aðalsteinn yfir ástandið á Raufarhöfn og gagnrýndi ákveðna þingmenn fyrir að vinna endalaust gegn atvinnuuppbyggingu í Þingeyjarsýslum. Read more „Spyr.is áhugaverður vefur um þjóðfélagsumræðuna“

Stjórn Framsýnar fundar næsta fimmtudag kl. 17:00 í fundarsal stéttarfélaganna. Eftirfarandi mál eru á dagskrá fundarins: Read more „Stjórnarfundur framundan hjá Framsýn“

Þrjár ungar stúlkur sem eru nemendur í Framhaldsskólanum  á Húsavík og notendur þjónustunnar sem er í boði í Miðjunni litu við á Skrifstofu stéttarfélaganna á föstudaginn. Tilgangurinn var að heilsa upp á starfsmenn og fá húfu frá Framsýn en félagið auglýsti nýlega húfur til gefins fyrir félagsmenn. Þær heita: Lena Hermannsdóttir, Rut Guðnýjardóttir og Bryndís Benediktsdóttir. Read more „Getum við fengið húfu?“

Það var góður hópur verkalýðsleiðtoga og starfsmanna stéttarfélaga sem kom í heimsókn frá Akureyri til Húsavíkur í gær til að kynna sér starfsemi stéttarfélaganna í Þingeyjarsýslum. Gestirnir frá Akureyri notuðu einnig ferðina til að koma við í Safnahúsinu á Húsavík. Áður en hópurinn hélt heim á leið eftir velheppnaða  ferð var komið við á Sölku og borðað lambakjöt af bestu gerð.   Read more „Gerðu góða ferð til Húsavíkur“

Stéttarfélögin í Þingeyjarsýslum bjóða félagsmönnum upp á áhugavert námskeið er nefnist AÐ SEMJA UM LAUN.  Leiðbeinandi á námskeiðinu verður Gylfi Dalmann Aðalsteinsson kennari við Háskóla Íslands. Um er að ræða 3 klst. námskeið. Námskeiðið verður haldið þriðjudaginn 30. október kl. 19:00 í fundarsal stéttarfélaganna. Read more „Að semja um laun – Áhugavert námskeið“

Í aðdraganda þings ASÍ var jafnréttisstefna og aðgerðaáætlun sambandsins endurskoðuð og samþykkt á miðstjórnarfundi. Í stefnunni er lögð áhersla á innleiðingu jafnlaunastaðalsins til að vinna gegn launamuni kynjanna og virkja bæði kyn til þátttöku á öllum sviðum samfélagsins og innan vébanda hreyfingarinnar. Stefnan og aðgerðaáætlunin 2012-2016 er svohljóðandi: http://www.sgs.is/frettir/nr/133317/

Í síðustu viku var haldin fjölmenn vinnuverndarráðstefna á Grand Hótel í tilefni Evrópsku vinnuverndarvikunnar sem stendur yfir dagana 22.-26. október undir yfirskriftinni VINNUVERND – ALLIR VINNA. Ráðstefnugestir voru 110 úr margvíslegum geirum atvinnulífsins. Read more „Reykfiskur verðlaunaður og tilnefndur til þátttöku í Evrópukeppni“

Heimasíða stéttarfélaganna hefur heimild fyrir því að Kastljós muni í kvöld eða fljótlega fjalla um atvinnuástandið á Raufarhöfn en það hefur verið töluvert til umræðu í fjölmiðlum undanfarið. Vitað er til þess að fréttamenn Kastljóss hafi verið á Raufarhöfn í vikunni. Meðal annars komu þeir við á Skrifstofu stéttarfélaganna á Húsavík til að kynna sér stöðuna. Read more „Kastljós fjallar um atvinnuástandið á Raufarhöfn“

Von er á góðri heimsókn frá Akureyri á föstudaginn en þá eru væntanlegir fulltrúar frá Félagi málmiðnarmanna á Akureyri, Sjómannafélagi Eyjarfjarðar og Félagi verslunar- og skrifstofufólks  Akureyri og nágrenni. Hópurinn mun kynna sér starfsemi Framsýnar og Þingiðnar auk þess að fræðast um fyrirhugaðar framkvæmdir er tengjast atvinnumálum í Þingeyjarsýslum.

Read more „Nágrannar okkar væntanlegir í heimsókn“

Ályktanir um kjaramál, Evrópumál, atvinnumál, húsnæðismál og lífeyrismál voru samþykktar á þingi ASÍ eftir undangengna hópa- og nefndarvinnu á miðvikudag og fimmtudag í síðustu viku. Þinginu lauk síðasta föstudag eftir nokkuð fjörugt þing. Hér má sjá ályktanir þingsins http://www.asi.is/desktopdefault.aspx/tabid-2/19_read-3423

Að gefnu tilefni tók Framsýn upp málefni á þingi ASÍ er varðar kennitöluflakk, svarta atvinnustarfsemi og innflutning á ódýru vinnuafli undir því yfirskini að starfsmenn séu að koma til landsins í sjálfboðastarf. Félagið taldi einnig ástæðu til að vara við þeirri þróun að skrá íslensk fiskiskip og kaupskip undir hentifánum erlendis. Þingið samþykkti samhljóða að álykta um málið og er hún hér meðfylgjandi: Read more „Ályktun um svarta atvinnustarfsemi og félagsleg undirboð samþykkt á þingi ASÍ“

Bændur og sjálfboðaliðar í Þingeyjarsýslum hafa undanfarið haldið áfram að leita af fé eftir óveðrið mikla sem gekk yfir svæðið um miðjan september. Flesta daga finnast kindur á lífi sem er ánægjulegt. Einn af þeim sjálfboðaliðum sem hefur staðið sig afar vel er Ólafur Jón Aðalsteinsson á Húsavík og á hann heiður skilið fyrir sína framgöngu. Óli Jón lánaði okkur meðfylgjandi myndir sem hann hefur tekið á ferðum sínum en hann hefur aðallega verið við leitir á Reykjaheiði. Read more „Leit stendur enn yfir á heiðum í Þingeyjarsýslum“

Þar sem mikil ásókn er í íbúðir stéttarfélaganna í Kópavogi og Reykjavík um jól og áramót eru félagsmenn Framsýnar og Þingiðnar beðnir um að senda inn umsóknir til Skrifstofu stéttarfélaganna fyrir 1. nóvember nk.

Stéttarfélagið Framsýn hefur sent bréf til allra þingmanna Norðurlands kjördæmis eystra til að vekja athygli á því að á síðustu 20 árum hefur íbúum Raufarhafnar fækkað um helming og landaður afli hefur á sama tíma minnkað um ríflega 97%, samkvæmt tölum frá Hagstofunni. Read more „Íbúar Raufarhafnar kalla á hjálp“

Íbúaþróun á Raufarhöfn hefur um langt árabil verið mjög neikvæð, og hafa aðgerðir opinberra aðila ekki megnað að snúa þeirri þróun við. Sem dæmi má nefna að nú búa um 185 íbúar á Raufarhöfn en voru 446 árið 1970. Read more „Atvinnumál á Raufarhöfn til umræðu í gær“

Stéttarfélögin í Þingeyjarsýslum bjóða félagsmönnum upp á áhugavert námskeið er nefnist AÐ SEMJA UM LAUN.  Leiðbeinandi á námskeiðinu verður Gylfi Dalmann Aðalsteinsson kennari við Háskóla Íslands. Um er að ræða 3 klst. námskeið. Ekki er búið að tímasetja námskeiðið en það verður haldið í lok október á Húsavík. Nánari tímasetning mun birtast á heimasíðunni eftir helgina. Námskeið er frítt fyrir félagsmenn stéttarfélaganna. Skráning á námskeiðið er á Skrifstofu stéttarfélaganna. Uppbygging námskeiðsins er eftirfarandi: Read more „Að semja um laun – Áhugavert námskeið“

Á miðvikudaginn hefst 40.  þing Alþýðusambands Íslands. Þingið sem haldið verður á Hótel Nordica, Reykjavík stendur yfir í þrjá daga.  Helstu málefni sem verða til umræðu eru: Atvinnumálin, húsnæðismál og lífeyrissjóðsmál. Fulltrúar Framsýnar á fundinum verða, Aðalsteinn Á. Baldursson, Torfi Aðalsteinsson, Kristbjörg Sigurðardóttir og Jónína Hermannsdóttir. Frá Þingiðn verður Jónas Kristjánsson fulltrúi en hann er jafnframt formaður félagsins.

Þá er búið að skrifa og prenta Fréttabréf stéttarfélaganna í Þingeyjarsýslum. Fréttabréfið er væntanlegt til lesenda á morgun, mánudag. Hugsanlega verður klárað að bera það út á þriðjudaginn. Góða skemmtun lesendur góðir.