kuti

Flugfélagið Ernir og Framsýn stéttafélag Þingeyinga undirrituðu síðdegis samning sem felur í sér gríðarlega kjarabót fyrir félagsmenn Framsýnar stéttafélags. Viðræður þessa efnis hafa staðið yfir undanfarnar vikur og eru forsvarsmenn Flugfélagsins Ernis mjög ánægðir með útkomuna. Með samningnum getur Framsýn keypt ákveðið magn flugmiða á mjög góðu verði og geta félagsmenn nýtt sér þá miða á því verði sem um samdist til flugs milli Reykjavíkur og Húsavíkur. Read more „Tímamótasamningur undirritaður síðdegis“

Samninganefnd Starfsgreinasambands Íslands kom saman til fundar í Reykjavík í dag. Fulltrúi frá Framsýn tók þátt í fundinum. Miklar og heitar umræður urðu um auglýsingaherferð Samtaka atvinnulífsins sem er kostuleg og þeim til ævarandi skammar. Yfirlýsingin er svohljóðandi:  Read more „SA gerir í buxurnar með auglýsingu“

Á síðasta ári keyptu félagsmenn stéttarfélaganna í Þingeyjarsýslum 1900 miða í Hvalfjarðargöngin á Skrifstofu stéttarfélaganna. Þetta þýðir að þeir spöruðu sér alls kr. 665.000,- með því að kaupa miðana á skrifstofunni þar sem það er mun ódýrara en að kaupa þá þegar farið er í gegnum göngin. Fullt verð er kr. 1000 en félagsmenn fá miðann á kr. 650. Read more „Félagsmenn spöruðu kr. 665.000,-„

Á fundi stjórnar og trúnaðarmannaráðs Framsýnar í dag var samþykkt að óska eftir upplýsingum frá sveitarfélögum á félagssvæði stéttarfélaganna í Þingeyjarsýslum hvort áætlað sé í fjárhagsáætlunum að hækka gjaldskrár þeirra fyrir árið 2014. Read more „Óska eftir upplýsingum um gjaldskrár breytingar sveitarfélaga“

Það er alveg ljóst að mjög margir eru ekki hressir með þann mikla áróður sem er í þjóðfélaginu gegn hækkun lægstu launa. Sú gagnrýni kemur ekki síst úr fjármálageiranum, það er úr hörðustu átt þar sem menn hafa vaðið í peningum og skammtað sér ofurlaun á diskanna. Hér má sjá grein sem félagsmaður Framsýnar skrifaði og heimasíðan fékk leyfi til að birta. Þessi ágæta grein endurspeglar reiði verkafólks víða um land. Read more „Kæri bankastjóri“

Lífið er ekki bara alvara heldur verða menn að hafa gaman að því líka, ekki síst þegar jólin eru framundan.   Formaður Framsýnar, Aðalsteinn Á. Baldursson, færði félaga sínum og samstarfsmanni, Vilhjálmi Birgissyni formanni Verkalýðsfélags Akraness, að gjöf ekta heimareykt hangikjöt af feitum sauð þegar þeir hittust á dögunum í Karphúsinu en Aðalsteinn er þekktur frístundabóndi á Húsavík.  Að sjálfsögðu var Villi ánægður með að fá vænt hangilæri að gjöf fyrir jólin og þakkaði vel fyrir sig. Read more „Villi ánægður með sendinguna“

Skiptir samstaða máli var yfirskrift málþings sem VG stóð fyrir í Iðnó á laugardaginn. Málþingið hófst kl. 13:00 og stóð vel fram eftir degi. Einn af frummælendum á fundinum var Aðalsteinn Á. Baldursson formaður Framsýnar.  Erindi hans var yfirskriftina, Varðstaða um velferðina. Fimm aðrir frummælendur komu fram á fundinum. Þau eru:  Read more „Kjaramál til umræðu í Iðnó“

Dagskrá Stjórnar og trúnaðarmannaráðsfundar Framsýnar næsta miðvikudag verður með eftirfarandi hætti:  Read more „Dagskrá fundarins klár“

Stjórn og trúnaðarmannaráð Framsýnar kemur saman til fundar á miðvikudaginn kl. 17:00. Aðalumræðuefni fundarins eru kjaramál og viðræðurnar sem standa yfir við Samtök atvinnulífsins um endurnýjun kjarasamninga sem eru lausir um næstu mánaðamót.

Samninganefnd Starfsgreinasambands Íslands mun koma saman í dag og fara yfir stöðuna í kjaraviðræðum við Samtök atvinnulífsins. Undirnefndir á vegum sambandsins hafa síðustu daga fundað með fulltrúum Samtaka atvinnulífsins um sérmál hópa. Read more „Mikið fundað þessa dagana“

Þeir lögðu mikið á sig, Stefán og Ari, sem sitja í samninganefnd starfsmanna Loðnubræðslunnar á Þórshöfn.  Í gær var boðað til samningafundar um sérmál starfsmanna Loðnubræðslunnar í húsnæði Ríkissáttasemjara í Reykjavík. Þeir börðust um morguninn frá Þórshöfn til Húsavíkur í leiðinda veðri, þaðan sem þeir ætluðu sér að fljúga en vegna veðurs var ekki flogið. Read more „Komu hraktir og blautir í hús“

Samtök atvinnulífsins hafa ekki tekið kröfum Starfsgreinasambands Íslands um launahækkanir sérstaklega vel en samningar eru lausir um næstu mánaðamót. Markmið Starfsgreinasambandsins hefur verið að hækka lægstu laun upp fyrir kr. 200 þúsund á mánuði. Read more „Kröfurnar í ruslið“

Íslenskt launafólk verður ekki eitt gert ábyrgt fyrir því að koma á stöðugleika, segir í kjaramálaályktun 28. Þings Landssambands ísl. verzlunarmanna sem haldið var á Akureyri dagana 8. og 9. nóvember. Kjaramálin og starfsmenntamálin voru helstu mál þingsins. Read more „Þingi LÍV lokið“

Ályktun Framsýnar frá því í gær um kjaramál sem lesa má hér neðar á síðunni hefur vakið gífurlega mikla athygli og fengið töluverða umfjöllun. Fjölmiðlar hafa fjallað um málið og þá hafa fjölmargir haft samband við Skrifstofu stéttarfélaganna með póstum og samtölum og þakkað fyrir góða ályktun. Read more „Gríðarlega góð viðbrögð við ályktun“

Stjórn og trúnaðarmannaráð Framsýnar ályktaði í kvöld um kjaramál þar sem alvarlegar athugsemdir eru gerðar m.a. við málflutning Samtaka atvinnulífsins og Seðlabankastjóra varðandi körfur verkafólks í landinu um hækkun lægstu launa. Ályktunin er svohljóðandi:  Read more „Ályktað um kjaramál – reiði meðal félagsmanna“

Þá er söngurinn byrjaður, seðlabankastjóri varar við launahækkunum til verkafólks, Samtök atvinnulífsins eru í sama gír, Morgunblaðið fjallar um kröfurnar í leiðara í gær og greiningadeildir bankanna vara jafnframt við hækkunum launa og benda jafnframt á að samningsaðilar hafi farið óvarlega 2011 þegar lægstu laun voru hækkuð sérstaklega en þau eru í dag kr. 191.752,-. Read more „Elítan varar við launahækkunum“

Fulltrúar Starfsgreinasambands Íslands með formann Framsýnar í fararbroddi  lögðu síðasta þriðjudag fram á fundi með fulltrúum Samtaka atvinnulífsins kröfugerð varðandi sérmál fiskvinnslufólks og starfsfólks í fiskeldi. Í kröfugerðinni er þess krafist að laun fiskvinnslufólks taki sérstökum hækkunum vegna góðrar stöðu greinarinnar. Read more „Við sofnuðum ekki undir þessari ræðu“

Nokkrir nemendur Framhaldsskólans á Húsavík komu í heimsókn á mánudaginn til Skrifstofu stéttarfélaganna. Um var að ræða nemendur sem eru á Starfsbraut skólans. Nemendurnir fengu fræðslu um starfsemi stéttarfélaganna og atvinnulífið í Þingeyjarsýslum. Sjá myndir: Read more „Nemendur frá FSH í heimsókn“

Þau hafa verið að gera góða hluti í ferðaþjónustu á Húsavík, systkinin Jónas, Börkur og Guðrún Þórhildur Emilsbörn. Þau reka saman veitingastaðinn Sölku auk þess að standa fyrir hvalaskoðunarferðum um Sjálfanda á sumrin. Þau voru að venju hress þegar ljósmyndari heimasíðunnar var á ferðinni á föstudaginn. Read more „Stuð á Sölku“

Föstudaginn 15. nóvember stendur FÍF fyrir málþingi með yfirskriftinni Félagsliðar eru hin nýja starfsstétt velferðarkerfisins. Málþingið hefst kl. 10 og stendur til kl. 17 og verður á Grettisgötu 89 (í BSRB húsinu), Reykjavík. Read more „Málþing Félags íslenskra félagsliða 15. nóv.“