kuti

Í morgun komu góðir gestir í heimsókn til Skrifstofu stéttarfélaganna, það er Steingrímur J. Sigfússon og Katrín Jakobsdóttir sem bæði eru þingmenn eins og alþjóð veit.  Að venju var farið yfir landsmálin, nýja fjárlagafrumvarpið og málefni landsbyggðarinnar, ekki síst Þingeyinga. Read more „Fjárlagafrumvarpið til umræðu“

Um þessar mundir er mikil undirbúningur í gangi á vegum Starfsgreinasambands Íslands varðandi komandi kjaraviðræður við atvinnurekendur. Fulltrúar Framsýnar taka virkan þátt í þessari vinnu. Á morgun hefur t.d. verið boðað til fundar í Reykjavík um málefni starfsfólks í fiskeldi, fiskvinnslu og ferðaþjónustu.

Um gildi hollrar hreyfingar þarf ekki að efast lengur. Hreyfing og þolþjálfun í ca. 30 mín. 4-6 sinnum í viku hefur geysilegt forvarnargildi gagnvart flestum líkamlegum kvillum og sjúkdómum. Hreyfing styður ónæmiskerfið þannig að við verðum ekki eins útsett fyrir pestum og innflúensum. Áhrif hreyfingar á stoðkerfið eru mjög jákvæðar, hún styrkir bein og vöðva, hjálpar við þyngdarstjórnun og dregur úr verkjum. Read more „Frá Botnsvatni til Berlínar“

Nýjustu tölur af vinnumarkaði benda til þess að mun meiri gangur sé í honum um þessar mundir en raunin var í fyrra, og virðist staða hans ekki hafa verið betri síðan fyrir hrun. Stingur þetta talsvert í stúf við nýlegar tölur frá eftirspurnarhlið hagkerfisins. Á sama tíma og dregið hefur úr atvinnuleysi og starfandi fólki er að fjölga, sem ætti að öllu jöfnu að ýta undir vöxt í einkaneyslu, benda nýlegir hagvísar til þess að lítill vöxtur sé í einkaneyslu. Read more „Verulegur bati á vinnumarkaði“

Samninganefnd Starfsgreinasambandsins hélt útvíkkaðan fund á Hótel Heklu fyrir síðustu helgi til að fara yfir kröfugerð fyrir komandi kjarasamninga. Sextán félög hafa veitt Starfsgreinasambandinu umboð til samninga á hinum almenna markaði og kröfugerðir hafa borist frá flestum félögum.

Read more „Starfsgreinasambandið ræðir kröfugerð“

Árlegur formannafundur LÍV (Landssamband íslenskra verzlunarmanna) var haldinn í Reykjavík á dögunum. Fundinn sóttu formaður og varaformaður Deildar verslunar- og skrifstofufólks innan Framsýnar, Jóna Matt og Jónína Hermanns. Read more „LÍV fundar um kjaramál“

Bændur víða á Norðurlandi réttuðu um síðustu helgi, flestir náðu að rétta áður en slæmt veður gekk yfir landið á sunnudeginum. Hér koma nokkrar skemmtilegar myndir sem teknar voru í Þistilfirði um helgina. Read more „Göngur og réttir í Þistilfirði“

Framsýn hefur gengið frá nýjum stofnanasamningi við Heilbrigðisstofnun Þingeyinga sem byggir á ákvörðun fyrrverandi ríkistjórnar að laga kjör kvenna á heilbrigðisstofnunum. Framlagið sem er til skiptana er 4,8% og kemur til viðbótar umsömdum launahækkunum og hefur því ekki áhrif á almennar launahækkanir til starfsmanna á tímabilinu. Read more „Hækkun til starfsmanna HÞ“

Fulltrúar frá þeim 16 stéttarfélögum innan Starfsgreinasambands Íslands sem samþykkt hafa að veita sambandinu samningsumboð munu funda á Hótel Heklu á Suðurlandi á fimmtudag og föstudag. Á fundinum verður unnið að kröfugerð sambandsins, skipað í undirnefndir, farið yfir verklag og gengið frá forgangskröfum. Tveir fulltrúar verða frá Framsýn á fundinum, formaður og varaformaður.

Undanfarna mánuði hefur Starfsgreinasambandið og félög þess unnið hörðum höndum við undirbúning næstu kjarasamninga. Undirbúningurinn hófst formlega síðasta vetur með kjaramálaráðstefnum sem SGS stóð fyrir, en síðan þá hafa félögin, hvert í sínum ranni, haldið undirbúningnum áfram. Read more „16 félög hafa veitt SGS samningsumboð“

Rétt í þessu var Fréttabréf stéttarfélaganna að koma úr prentun. Að venju er þetta vinsæla blað fullt af fréttum og fróðleik úr starfi stéttarfélaganna. Það mun berast lesendum á föstudaginn eða strax eftir helgina.

Í Morgunblaðinu í dag er grein eftir Aðalstein Á. Baldursson formann Framsýnar sem svarar formanni FFSÍ vegna skrifa hans um kjarasamning starfsfólks við hvalaskoðun sem Framsýn gekk frá við Samtök atvinnulífsins í ágúst. Hér má lesa greinina: Read more „Formanni FFSÍ svarað í Morgunblaðinu“

Framsýn, stéttarfélag hefur síðustu mánuði unnið að mótun kröfugerðar vegna komandi kjaraviðræðna við atvinnurekendur. Félagið hefur haldið  félagsfundi um kjaramál og vinnustaðafundi þar sem kjaramál hafa verið til umræðu. Þá hefur félagið einnig ályktað um kjaramál þar sem stefnu félagsins hefur verið komið á framfæri út í samfélagið. Gengið var frá endanlegri kröfugerð félagsins í gær. Read more „Telja langtímasamning ekki koma til greina miðað við núverandi aðstæður“

Örlygur Hnefill Örlygsson er ánægður með sumarið en hann ásamt fjölskyldu reka myndarlega gistiþjónustu á Húsavík. Í boði eru 40 herbergi, þar af 19 í nýju og glæsilegu hóteli á Húsavík auk þess sem þau eru með fjögur gistiheimili til viðbótar á svæðinu. Read more „Uppgangur í ferðaþjónustu“

Stéttarfélögin stóðu í gærkvöldi fyrir fundi  um áhrif vaktavinnu á heilsufar fólks. Frummælendur á fundinum  voru Júlíus K. Björnsson sálfræðingur og Lára Sigurðardóttir læknir. Í framsögum sínum komu þau víða við. Read more „Góður fundur um vaktavinnu“

Framsýn og Starfsmannafélag Húsavíkur standa fyrir áhugaverðum fundi um áhrif vaktavinnu á heilsufar fólks. Fundurinn verður í fundarsal stéttarfélaganna í kvöld, þriðjudaginn 10. september kl. 20:00 og er öllum opinn. Tveir góðir frummælendur verða á fundinum. Það eru þau Júlíus K. Björnsson sálfræðingur og Lára Sigurðardóttir læknir. Sjá auglýsingu:  Read more „Opinn fundur í kvöld um áhrif vaktavinnu á líðan fólks“

Starfsmenn stéttarfélaganna ásamt fjölskyldum komu saman í skógarlundi fyrir ofan Húsavík á föstudagskvöldið þar sem komið hefur verið upp aðstöðu fyrir fólk til að grilla sér til gamans og yndisauka. Starfsmenn voru að undirbúa sig fyrir vetrarstarfið en framundan eru krefjandi tímar í starfi stéttarfélaganna, ekki síst þar sem kjarasamningar eru almennt lausir þegar líður á veturinn.

Read more „Grillað í fallegu haustveðri“

Frístundabændur á Húsavík fóru í aðrar göngur á þessu hausti um helgina og réttuðu síðan í Húsavíkurrétt á laugardaginn. Töluvert fjölmenni var á réttinni og sumir voru á því að mannfólkið hefði verið fjölmennara en sauðfé bænda. Sjá myndir   Read more „Göngur og réttir“

Veðrið hér norðan heiða hefur verið með miklum ágætum í haust. Fólk hefur verið duglegt að njóta útiverunnar. Meðal þess sem fólk hefur gert er að fara í berjamó til að týna ber. En aðrir hafa gengið um landið og virt fyrir sér alla fegurðina sem er í næsta umhverfi. Hér koma nokkrar myndir úr Húsavíkurlandi sem teknar voru um helgina af ritstjóra Heimasíðu stéttarfélaganna sem fékk sér göngutúr um bæjarlandið um helgina. Sjá myndir: Read more „Fegurð og fallegt veður“

Frístundabændur á Húsavík munu rétta sínu fé á laugardaginn kl. 14:00 í Húsavíkurrétt sem er í landi Bakka. Reiknað er með góðu veðri á laugardaginn, svo ekki er ólíklegt að mikið fjör verði á réttinni.