kuti

Jóhanna Björnsdóttir hefur verið ráðin í sumarafleysingar á Skrifstofu stéttarfélaganna. Jóhanna hóf störf síðasta föstudag. Hún starfaði áður hjá Heilbrigðisstofnun Þingeyinga sem launafulltrúi og þar áður sem skólaritari Framhaldsskólans á Húsavík. Jóhanna hefur því víðtæka reynslu af skrifstofustörfum. Stéttarfélögin bjóða hana velkomna til starfa.

Í dag ætlum við að heiðra tvo heiðursmenn sem markað hafa djúp spor í okkar samfélag með dugnaði og eljusemi. Það eru þeir Óskar Karlsson og Kristbjörn Þór Árnason. Þetta sagði Aðalsteinn Á. Baldursson formaður Framsýnar- stéttarfélags þegar hann tilkynnti  í dag hverja Sjómannadeild félagsins hefði ákveðið að heiðra í ár fyrir framúrskarandi sjómennsku.   Read more „Sjómenn heiðraðir á Húsavík“

Samkvæmt upplýsingum sem voru að berast frá Vinnumálastofnun var skráð atvinnuleysi í febrúar 2011 á Íslandi um 8,6%. Að meðaltali voru 13.772 manns atvinnulausir í febrúar og eykst atvinnuleysi um 0,1 prósentustig frá janúar, eða um 314 manns að meðaltali. Read more „1087 skráðir atvinnulausir í lok mánaðarins á Norðurlandi eystra“

Ríkissáttasemjari hefur boðað Samtök atvinnulífsins og Samninganefnd bræðslumanna á Þórshöfn til fundar næsta föstudag kl. 09:00 í húsi sáttasemjara.  Síðustu daga hefur verið unnið að því að setja upp nýjan kjarasamning og þá þarf að ganga frá nokkrum sérmálum er varðar starfsemina á Þórshöfn. Vonir eru bundnar við að þessi vinna klárist um næstu helgi. Það er allt fyrir utan launaliðinn.

Stjórn Þingiðnar kemur saman til fundar næsta mánudag kl. 18:00 í Hrunabúð. Mörg mál eru á dagskrá fundarins. Sjá frekar: Read more „Þingiðn undirbýr aðalfund“

Stjórn Framsýnar kemur saman til fundar á Raufarhöfn næsta föstudag kl. 18:30. Dagsrká fundarins er eftirfarandi: Read more „Framsýn með stjórnarfund á Raufarhöfn“

Það vakti töluverða athygli þegar samstarfsmenn formanns Framsýnar færðu honum svín í afmælisgjöf fyrir síðustu áramót. Vinsælustu vefmiðlar landsins mbl.is og 640.is fjölluðu meðal annars um þessa sérstöku gjöf og heimferðina um nóttina þegar formaðurinn sást læðast heim með gjöfina sér við hlið. Töluvert margir hafa leitað eftir fréttum af svíninu sem fékk nafnið Bogga í höfuðið á varaformanni Framsýnar sem grunuð er um að hafa staðið á bak við gjöfina. Heimasíða stéttarfélaganna ákvað því í dag að fara og heimsækja Boggu svín. Read more „Svínið Bogga stækkar og stækkar.“

Í tilefni af 10 ára starfsafmæli Landsmenntar og Starfsafls bjóða sjóðirnir upp á ráðstefnu og afmælishóf á Hótel Sögu 17. mars nk. kl. 14:00-17:00. Hvar vorum við? Hvert stefnum við? Ljóst er að sjóðirnir hafa komið af góðum notum fyrir félagsmenn stéttarfélaga innan Starfsgreinasambands Íslands og fyrirtæki sem aðild eiga að sjóðnum í gegnum Samtök atvinnulífsins. Sjá dagskrá: Ráðstefna Landsmenntar og Starfsafls

Ljóst er að Virk- Starfsendurhæfingarsjóður er að gera góða hluti á félagssvæði stéttarfélaganna í Þingeyjarsýslum.  Starfsmaður Virk er Ágúst S. Óskarsson sem starfar í nánu samstarfi við höfuðstöðvar sjóðsins sem eru í Reykjavík. Sjá frekar upplýsingar um starfsemina hér. Read more „Virk – Starfsendurhæfingarsjóður/ þjónusta í Þingeyjarsýslum“

Formaður Framsýnar Aðalsteinn Á. Baldursson, fór í brjáluðu veðri til Þórshafnar í gær til að funda með starfsmönnum bræðslunnar og þá kom hann einnig við hjá starfsmönnum á Naustinu sem er hjúkrunarheimili. Fundirnir gengu vel. Read more „Brjálað veður en góðir fundir“

Til stendur að stjórn Framsýnar fari til Raufarhafnar á föstudaginn og fundi um sín mál auk þess að heyra hljóðið í heimamönnum, það er atvinnurekendum og félagsmönnum. Nánar verður sagt frá fundinum hér á síðunni síðar.

Ef veður leyfir mun  formaður Framsýnar, Aðalstein Á. Baldursson, verða á Þórshöfn á morgun, fimmtudag. Þar mun hann kenna á trúnaðarmannanámskeiði frá kl. 09:00 og fram yfir hádegi. Síðan verður hann á starfsmannafundi á Hjúkrunarheimilinu Nausti kl. 14:00.  Að þeim fundi loknum um kl. 16:00 mun hann síðan koma við hjá bræðslumönnum á Þórshöfn þar sem kjaramál verða til umræðu. Aðrir þeir sem ekki hafa þegar óskað eftir fundi með Aðalsteini en hafa áhuga fyrir því er vinsamlegast beint á að hafa samband við hann í síma á morgun.

Fulltrúar Framsýnar og Verkalýðsfélags Þórshafnar funduðu í dag með Samtökum atvinnulífsins um sérmál, fiskvinnslufólks, starfsfólks í kjötvinnslum og í ferðaþjónustu. Þá funduðu þeir einnig með fulltrúum Launanefndar sveitarfélaga sem eru m.a. með umboð sveitarfélaganna í Þingeyjarsýslum til kjarasamningsgerðar. Read more „Fundir stóðu yfir í allan dag um kjaramál“

Jafnréttisstofa stóð fyrir mögnuðum fundi í dag á Hótel KEA um stöðu kynjanna á alþjóðlegum baráttudegi kvenna. Fundurinn var samstarfsverkefni Jafnréttisstofu, ASÍ, KÍ, BHM, BSRB og Akureyrarbæjar. Fullur salur var af fólki og voru konur í miklum meirihluta. Þrjú fróðleg erindi voru flutt á fundinum. Read more „Hörkufundur um jafnréttismál“

Öryrkjabandalag Íslands stendur þessa dagana fyrir fundarherferð um landið undir yfirskriftinni Fatlað fólk á tímamótum, eru mannréttindi virt? Liður í þessari fundarherferð var að halda fund á Húsavík fyrir helgina. Yfirfærsla á þjónustu fyrir fatlað fólk frá ríki til sveitarfélaga fór fram um síðustu áramót. Read more „Fatlað fólk á tímamótum“

Fulltrúar Framsýnar hafa undanfarið unnið að því að ganga frá kjarasamningum fyrir félagsmenn. Í gær var fundað áfram með fulltrúum smábátaeigenda um kjarasamning fyrir sjómenn á bátum undir 15 brúttótonnum. Viðræðurnar ganga vel og er samningurinn á lokastigi. Í dag taka fulltrúar Framsýnar þátt í kjaraviðræðum við ríkið en öll aðildarfélög Starfsgreinasambands Íslands standa saman að þeim samningi. Read more „Kjaraviðræður áfram í gangi“

Framsýn stóð nýlega fyrir fundi með þjóðfundarsniði um stöðu félagsins og framtíðarsýn. Þar kom sterklega fram að mikilvægt væri að auka vægi ungs fólk í störfum félagsins, það er í nefndum stjórnum og ráðum.  Nú hefur verið ákveðið að leita að ungu fólki á aldrinum 18 – 35 ára sem er tilbúið að taka þátt í öflugu og skemmtilegu starfi Framsýnar. Áhugasamir eru beðnir um að hafa samband við Skrifstofu stéttarfélaganna í síma 464-6600 eða með því að senda póst á netfangið kuti@framsyn.is. Read more „Framsýn leitar eftir ungu fólki til starfa.“

 Þriðjudaginn 8. mars næstkomandi mun Jafnréttisstofa ásamt  KÍ, BHM, BSRB, ASÍ og Akureyrarbæ standa að fundi um launamun kynjanna, aðgerðir Akureyrarbæjar til að afnema launamun og verklag í framhaldinu. Þá verður að lokum fjallað um áhrif niðurskurðar á konur og karla og hvaða aðferðum er hægt að beita til að niðurskurður bitni ekki frekar á öðru kyninu. Read more „Er þetta allt að koma?“

Sjómennska er hættulegasta starf í heimi samkvæmt tölum frá Alþjóðavinnumálastofnuninni ILO. Talið er að um 25 þúsund sjómenn farist árlega við fiskveiðar og tengd störf. Langflest eru dauðsföllin í þróunarlöndunum enda er öryggismálum þar víða mjög ábótavant. Þetta kemur fram í Fiskifréttum í gær.

Read more „25 þúsund sjómenn farast árlega við störf“

Fulltrúar Verkalýðsfélags Þórshafnar hafa átt í viðræðum við Samtök atvinnulífsins vegna breytinga á sérkjarasamningi félagsins vegna starfsmanna í fiskimjölsverksmiðju ÍV á Þórshöfn. Unnið er að því að setja upp nýjan samning  og funduðu samningsaðilar í vikunni vegna þessa. Áfram verður unnið að því að klára uppsetninguna á samningum fyrir utan launaliðinn.