kuti

Síðasta þriðjudag afhentu Leigugarðar ehf. stéttarfélögunum í Þingeyjarsýslum fjórar nýjar íbúðir í Þorrasölum í Kópavogi. Íbúðirnar eru 80 til 100 fm². Það var Ágúst Friðgeirsson framkvæmdastjóri Leigugarða sem afhenti fulltrúum Þingiðnar og Framsýnar íbúðirnar sem eru afar glæsilegar á fallegum stað í Kópavogi. Reiknað er með að íbúðirnar fari í útleigu í lok júlí en unnið er að því að standsetja þær að innan svo hægt verði að koma þeim í leigu sem fyrst. Read more „Íbúðir stéttarfélaganna afhentar“

Frétt Heimasíðu stéttarfélaganna í gær um innflutning á lopapeysum frá Kína hefur vakið verulega mikla athygli. Flestir fjölmiðlar landsins hafa fjallað um málið auk þess sem fjöldi fólks hefur þakkað Framsýn fyrir að vekja athygli á málinu. Read more „Lopapeysumálið til umræðu í öllum helstu fjölmiðlum landsins“

Handverkskonur milli heiða, þingeyskur félagsskapur sem hefur síðastliðin 20 ár selt heimatilbúnar afurðir á markaði á Fosshóli við Goðafoss, fordæma harðlega þá þróun sem orðið hefur í  minjagripasölu hér á landi. Innan hópsins eru um 100 konur sem hafa atvinnu og tekjur af því að prjóna lopapeysur og búa til aðra minjagripi til sölu. Í yfirlýsingu sem þær sendu heimasíðu stéttarfélaganna segir að á síðustu árum hafi færst í vöxt  að íslenskir minjagripir séu framleiddir erlendis. „Ýmiskonar dót skartar íslenska þjóðfánanum eða myndum af okkar helstu náttúruperlum, vandlega merkt Kína eða Taiwan. Read more „Hvað varð um þjóðarstoltið?“

Í starfi stéttarfélaganna í Þingeyjarsýslum er mikið lagt upp úr því að eiga gott samstarf við félagsmenn ekki síst með vinnustaðaheimsóknum.  Meðfylgjandi myndir voru teknar þegar Aðalsteinn Á. Baldursson og Ágúst Óskarsson komu við í Safnahúsinu á Húsavík í síðustu viku í góða veðrinu sem þá var. Þá eru einnig myndir frá heimsókn formanns Framsýnar í Skúlagarð þar sem rekin er öflug ferðaþjónusta. Read more „Vinnustaðaheimsóknir mikilvægar“

Fulltrúar frá Landssambandi smábátaeigenda og Framsýn funduðu í tvo daga í þessari viku vegna kjarasamnings fyrir smábátasjómenn á félagssvæði Framsýnar sem nær yfir þrjár hafnir, það er Húsavík, Kópasker og Raufarhöfn. Read more „Viðræðum frestað vegna sumarleyfa“

Fulltrúar Starfsgreinasambands Íslands og Skógræktar ríkisins funduðu í morgun um stofnanasamning sem gildir fyrir starfsmenn stofnunarinnar víða um land. Formaður Framsýnar tók þátt í viðræðunum enda blómleg starfsemi hjá Skógræktinni á Vöglum sem tilheyrir félagssvæði Framsýnar. Samningsaðilar voru sammála um vinna áfram að því að ganga frá nýjum stofnanasamningi á næstu vikum.

Nýjar íbúðir Þingiðnar og Framsýnar í Þorrasölum í Kópavogi verða afhentar um miðja næstu viku. Það þýðir að þær verða klárar til leigu síðar í þessum mánuði en unnið er að því að kaupa inn í íbúðirnar  húsgögn, tæki og annan staðlaðan búnað sem þarf að vera til staðar í íbúðunum sem eru fjórar. Sjá myndir sem teknar voru í gær:

Read more „Íbúðirnar klárar í næstu viku“

Ritstjóra heimasíðunnar var boðið í ferð með Bjarna Eyjólfssyni bónda á Hvoli í Aðaldal um síðustu helgi þegar Aðaldælingar kepptust við að keyra fé á Þeistareyki. Veðrið var með fallegasta móti og fé Aðaldælinga tók því vel að losna úr heimahögum í gróðurlendið á Þeistareykjum sem var með miklum ágætum. Hér koma nokkrar myndir úr ferðinni. Read more „Aðaldælingar sleppa á fjall“

Í nokkur ár hefur verið í gangi umræða um hvort rétt væri að skylda eigendur báta minni en 12 m að hafa björgunarbúninga um borð bátum sínum.  Frá 1994 hafa björgunarbúningar verið skyldubúnaður í öllum skipum 12 m að lengd og lengri.  Í sömu reglum er skylt að hafa vinnufatnað, sem búinn er floti, í bátum styttri en 12 m sem gerðir eru út í atvinnuskyni. Read more „Björgunarbúningar í alla báta“

Thorsil ehf., sem áformar að byggja kísilmálmverksmiðju á Bakka við Húsavík, hefur auglýst drög að matsáætlun til kynningar fyrir almenningi. Af því tilefni boðar Thorsil til almenns fundar á Húsavík þar sem verkefnið verður kynnt. Fundurinn verður haldinn í sal Framsýnar stéttarfélags þann 26. júní kl 17:00.           Thorsil ehf

Á fundi stjórnar Framsýnar fyrir helgina var samþykkt að færa Sjóminjasafninu á Húsavík kr. 150.000 til viðhalds á gömlum trébátum sem eru til sýnis á safninu. Upphæðin er ætluð sem framlag upp  í viðgerðir og málningu á bátum á útisvæði safnsins sem komnir eru á verulegt viðhald. Safnið leitar nú leiða til að fjármagna kostnaðarsamt viðhald minja um sjósókn og skipasmíðar í Þingeyjarsýslum.

Read more „Komu færandi hendi með styrk til endurbóta“

Atvinnuástandið á félagssvæði Framsýnar  hefur frekar farið batnandi frá hruni. Það sýna tölur Vinnumálastofnunar. Um þessar mundir eru 76 atvinnuleitendur á skrá hjá Vinnumálastofnun á félagssvæði Framsýnar. Atvinnuleysi á Norðurlandi-eystra var um 4,6% í apríl en var á sama tíma árið 2009 um 8,3%. Read more „Um 147 milljónir greiddar í atvinnuleysisbætur“

Á árinu 2011 fengu 278 félagsmenn Framsýnar greiddar 7.927.782,- í einstaklingsstyrki frá fræðslusjóðum sem félagið á aðild að í endurgreiðslur vegna náms eða námskeiða. Read more „Tæpar 8 milljónir í námsstyrki“

Á árinu 2011 nutu 483 félagsmenn Framsýnar bóta úr sjúkrasjóði félagsins. Samtals námu greiðslur vegna sjúkradagpeninga, annarra bóta og styrkja kr. 23.777.583,-. Sambærileg tala fyrir árið 2010 er kr. 19.411.915,-. Samkvæmt þessum tölum varð veruleg hækkun á útgjöldum sjóðsins milli ára eða um 22%.  Read more „Tæpar 24 milljónir til félagsmanna í styrki“

Eftir tólf ára dvöl í Karíbahafinu er matreiðslumaðurinn Völundur Snær Völundarson loksins kominn á heimaslóðir en í byrjun júní opnaði hann veitingastaðinn Pallinn ásamt konu sinni, Þóru Sigurðardóttur. Staðurinn er staðsettur ofan á björgunarsveitarhúsinu svokallaða á Húsavík og býður upp á frábært útsýni yfir höfnina. Sjálft veitingarýmið er í 40 fm tjaldi þar sem stemningin er heimilisleg og afslöppuð. Virkilega áhugaverður veitingastaður.  Read more „Nýr veitingastaður opnar við höfnina“

Alls greiddu 339 launagreiðendur til Framsýnar á síðasta ári og fjölgaði þeim um 12 milli ára. Stærstu greiðendur iðgjalda til Framsýnar 2011 eftir röð:  Read more „Brim greiðir mest til Framsýnar“

Stjórn Framsýnar hefur verið boðuð til fundar næsta fimmtudag kl. 17:00. Fundurinn er fyrsti fundur stjórnar eftir aðalfund félagsins. Tvær breytingar urðu á stjórninni á aðalfundinum. Aðalsteinn Óskarsson og Snæbjörn Sigurðarson hættu í stjórn. Í þeirra stað komu Jóna Matthíasdóttir og Agnes Einarsdóttir. Dagskrá fundarins er eftirfarandi: Read more „Stjórnarfundur í Framsýn“

LÍÚ og Farmanna og fiskimannasamband Íslands hafa undanfarið sakað stjórnvöld um óvönduð vinnubrögð varðandi þau tvö frumvörp sem verið hafa til umræðu á þingi um stjórn fiskveiða og veiðigjald. Það er því mjög merkilegt að lesa auglýsingu frá þessum samtökum í Fréttablaðinu þar sem fullyrt er að sjómenn og landverkafólk standi sameinuð í afstöðu gegn frumvörpunum til laga um stjórn fiskveiða og veiðigjalda. Read more „Ósmekkleg auglýsing LÍÚ og FFSÍ“

Nú stendur yfir á Akranesi formannafundur innan Starfsgreinasambands Íslands. Alls eru 19 stéttarfélög innan sambandsins m.a. Framsýn og Verkalýðsfélag Þórshafnar. Helstu málefni fundarins, sem hófst kl. 13:00 í dag, eru verkefni stéttarfélaga, ársreikningar sambandsins, stefna ASÍ í lífeyrismálum og innri málefni sambandsins. Formaður Framsýnar, Aðalsteinn Á. Baldursson er meðal fundarmanna. Fundinum er ætlað að ljúka síðar í dag. Read more „Formenn SGS sitja á fundi“