kuti

Kjarasamningur Framsýnar og Landssambands smábátaeigenda fyrir smábátasjómenn sem gengið var frá á föstudaginn er kominn á netið. Hér má sjá slóðina: Kjarasamningurinn slóð: Read more „Samningurinn kominn á netið“

Stjórn og trúnaðarmannaráð Framsýnar kemur saman til fundar næsta fimmtudag. Fundurinn verður í orlofshúsi félagsins í Dranghólaskógi og hefst kl. 18:00. Dagskráin er eftirfarandi: Read more „Stjórn og trúnaðarmannaráð Framsýnar fundar á fimmtudaginn“

Samkvæmt nýlegri úttekt Starfsgreinasambands Íslands á starfsemi aðildarfélaga sambandsins kemur fram að Framsýn heldur úti öflugustu heimasíðu stéttarfélags innan Alþýðusambands Íslands. Þetta er enn eitt dæmið um öfluga starfsemi Framsýnar en félagið heldur úti heimasíðunni með öðrum stéttarfélögum í Þingeyjarsýslum. Þess má geta að fjöldi fólks fer daglega inn á heimasíðuna.

Kjarnafæðideildinni lauk á fimmtudaginn með úrslitaleik í Boganum á Akureyri.  Rauða Eldingin sem skipuð er að mestu leikmönnum frá Húsavík og nærsveitum sigraði þá Jankovic United 4 – 1 í úrslitaleik um gullið. Frábær árangur hjá drengjunum en Framsýn kom að því að styrkja þá með búningakaupum ásamt öðrum styrktaraðilum.  Til hamingju drengir!! Read more „Okkar menn sigruðu það er Rauða Eldingin“

Nú liggur fyrir að frístundabændur á Húsavík munu ganga á fjöll eftir viku og smala vænum dilkum til byggða úr Húsavíkurlandi. Til stendur að rétta laugardaginn 8. september kl. 13:00. Bæjarbúar og aðrir gestir eru velkomnir í réttirnar sem eru í landi Bakka við Húsavík. Read more „Húsavíkurrétt laugardaginn 8. september“

Rétt í þessu var skrifað undir kjarasamning milli Framsýnar- stéttarfélags og Landssambands smábátaeigenda vegna sjómanna á smábátum að 15 brúttótonnum í húsnæði Ríkissáttasemjara.  Kjarasamningurinn nær yfir félagsvæði Framsýnar, það er þrjá útgerðarstaði; Húsavík, Kópasker og Raufarhöfn. Samningurinn gildir til 31. janúar 2014. Read more „Gleði í Karphúsinu í dag“

Sá ágæti fréttamaður, Karl Eskil Pálsson, hefur verið ráðinn ritstjóri Vikudags, sem kemur út á Akureyri. „Þetta leggst vel í mig. Vikudagur er öflugt blað á Eyjafjarðarsvæðinu og nýtur virðingar fyrir vandaðan fréttaflutning,“ segir Karl Eskil í frétt í Vikudegi.

Kristján Kristjánsson knattspyrnumaður og fyrrverandi ritstjóri blaðsins mun flytja sig um set frá Akureyri í Aðaldalinn og gerast bóndi á Hraunkoti. Read more „Kristján í bústörfin og Karl Eskil í ritstjórastólinn“

Fulltrúar Framsýnar og Landssambands smábátaeigenda munu funda á morgun föstudag um kjarasamning fyrir smábátasjómenn á félagssvæði Framsýnar sem nær yfir þrjár hafnir, Húsavík, Kópasker og Raufarhöfn. Fundurinn verður haldinn í Reykjavík í húsnæði Ríkissáttasemjara og hefst kl. 10:00, það er um leið og fulltrúar Framsýnar lenda í Reykjavík. Read more „Viðræðum haldið áfram á morgun“

Stjórn og trúnaðarmannaráð Framsýnar mun funda fimmtudaginn, 6. september kl. 18:00 í orlofshúsi félagsins í Dranghólaskógi í Öxarfirði. Mörg mál liggja fyrir fundinum. Með fundinum hefst vetrarstarf félagsins. Dagskrá fundarins er í mótun og kemur inn á heimasíðuna á næstu dögum.

Stjórn og trúnaðarmannaráð Framsýnar mun koma saman til fyrsta fundar í byrjun september eftir sumarfrí. Fjölmörg mál bíða þess að verða tekin fyrir. Að venju má búist við öflugu starfi í vetur hjá félaginu enda mörg spennandi verkefni framundan sem félagið hefur áhuga á að skoða og fylgja eftir.

Forseti Alþýðusambands Íslands er væntanlegur til Húsavíkur miðvikudaginn 5. september kl. 17:00. Þar mun hann funda með stjórnum Framsýnar, Þingiðnar og Verkalýðsfélags Þórshafnar um væntanlegt þing sambandsins sem haldið verður í haust.  Að venju verða mörg mál á dagskrá þingsins sem forsetinn mun gera grein fyrir auk þess sem fulltrúum stéttarfélaganna býðst tækifæri til að koma sínum skoðunum á framfæri.

Rétt er að geta þess að formaður Framsýnar, Aðalsteinn Á. Baldursson,  fór í sumarfrí í morgun. Hann fær þó ekki að vera lengi í fríi þar sem hann kemur aftur til starfa 1. september. Aðrir starfsmenn hafa nú lokið sínum sumarfríum að mestu og eru því til taks fyrir félagsmenn stéttarfélaganna.

Töluvert hefur verið um í sumar að starfsfólk í ferðaþjónustu á félagsvæði Framsýnar hafi leitað til Skrifstofu stéttarfélaganna eftir aðstoð þar sem brotið hefur verið á þeirra réttindum. Í sumum tilvikum mjög alvarlega.  Sérstaklega er varðar kjaramál, aðbúnaðarmál og ákvæði um vinnu- og hvíldartíma. Því miður hefur orðið töluverð aukning á brotamálum milli ára. Sem betur fer eru flest fyrirtæki í ferðaþjónustu með sín mál í lagi en samt sem áður eru alltof mörg fyrirtæki sem fara ekki eftir skráðum reglum. Read more „Óþolandi framkoma“

Rétt er að taka fram að fullt er í sumarferð stéttarfélaganna í Fjörður um helgina og því hefur skráningum í ferðina verið hætt.

Formaður Framsýnar átti vinsamlegan fund í dag með starfsmönnum Vatnajökulsþjóðgarðs í Jökulsárgljúfrum. Á fundinum var farið yfir nokkur málefni er varða starfsmenn. Rúmlega 20 starfsmenn starfa í Vatnajökulsþjóðgarði, það er á norðursvæðinu. Fjölmargir hafa heimsótt þjóðgarðinn í sumar. Áætlað er að hátt í 150 þúsund manns hafi komið að Dettifossi í sumar og þá hafa um 30 þúsund manns komið í Gljúfrastofu á sama tímabili og yfir 10 þúsund gestir hafa gist á tjaldsvæðinu. Read more „Fundað í Ásbyrgi“

Þær Ósk Helgadóttir og Linda M. Baldursdóttir starfsmaður stéttarfélaganna komu saman í gær til að leggja lokahönd á sumarferð stéttarfélaganna um næstu helgi í Þorgeirsfjörð. Mjög góð þátttaka er í ferðina en farið verður frá Húsavík næsta laugardag kl. 08:00. Um er að ræða sögu- og gönguferð í Fjörður. Read more „Ferðin skipulögð“

Í hverjum mánuði greiðir Framsýn félagsmönnum styrki eða bætur vegna veikinda, slysa eða fyrirbyggjandi aðgerða varðandi heilsufar. Í dag var úthlutað alls tæpum tveimur milljónum til félagsmanna vegna júlí mánaðar. Það er kr. 1.321.529 í sjúkradagpeninga og kr. 613.102 í aðra styrki s.s. vegna kaupa félagsmanna á gleraugum, heyrnartækjum og í niðurgreiðslur vegna sjúkraþjálfunar, heilsuræktar og laseraðgerða. Read more „Tæpar tvær milljónir í styrki“

Það var iðandi mannlíf á Húsavík um helgina og margir með myndavélar á lofti. Einn af þeim var Guðbrandur Jónsson sem sendi okkur þessar skemmtilegu myndir af sigurgöngu Torgara og knattspyrnuleik Torgara og Miðbæinga sem fram fór á laugardeginum. Talið er að um 300 manns hafi verið á leiknum. Sjá myndir: Read more „Myndir frá leik Torgara og Miðbæinga“

Frístundabændur á Húsavík stóðu fyrir árlegri hrútasýningu í gær á Mærudögum. Að venju vakti sýningin töluverða athygli og fjöldi fólks tók þátt í gleðinni með fjáreigendum. Í ár var gestum boðið upp á hangikjöt af bestu sort af feitum sauði frá Stórutungubræðrum sem smakkaðist afar vel. Keppt var í tveimur flokkum, það er í flokki veturgamalla hrúta og eldri hrúta. Read more „Fjör á hrútasýningu“