kuti

Þingiðn- félag iðnaðarmanna í Þingeyjarsýslum færði Velferðarsjóði Þingeyinga kr. 100.000,- króna styrk til að mæta því öfluga starfi sem sjóðurinn er að sinna á félagssvæði Þingiðnar er varðar velferðar-  og mannúðarmál. Sjóðurinn er að gera góða hluti og starfsemi hans skiptir verulega miklu máli í héraðinu, ekki síst núna fyrir jólin þegar margir eiga erfitt.

Read more „Þingiðn styrkir Velferðarsjóðinn“

Mikil ánægja er meðal starfsmanna Ísfélags Vestmannaeyja á Þórshöfn eftir að fyrirtækið tók ákvörðun um að greiða út viðbótar jólabónus til starfsmanna sinna í landi, að upphæð 250.000 kr. Bónusinn er hrein viðbót við 50.000 króna desemberuppbót sem bundinn er í kjarasamn­ingum. Alls fá því starfsmenn í landi 300.000 kr jólabónus í ár.

Nú má finna Framsýn á andlitsbókinni eða Facebook líkt og samskiptamiðillinn heitir. Þar munu birtast helstu fréttir, myndir og fleira af heimasíðu okkar og úr starfsemi Framsýnar. Einnig verður mögulegt að sjá myndbönd frá vinnustaðaheimsóknum og fylgjast vel með því áhugaverða verkefni  sem fjallað hefur verið um á heimasíðunni. Endilega sendið okkur vinabeiðni og fylgist vel með þar sem fullt af áhugaverðum verkefnum eru framundan hjá Framsýn. Umsjónarmaður með andlitsbókinni, facebook er Rafnar Orri Gunnarsson. Smellið hér fyrir neðan til þess að finna Facebook síðu okkar: http://www.facebook.com/framsyn.stettarfelag

Eins og heimasíðan hefur fjallað um var íbúafundurinn á Raufarhöfn í vikunni góður og upplýsandi. Ljóst er að heimamenn hafa margar góðar hugmyndir, sérstaklega varðandi ferðaþjónustu og fiskvinnslu á staðnum. Read more „GPG- stórhuga“

Það var fallegt og vetrarlegt í Aðaldalnum í dag þegar fulltrúar Framsýnar fóru í heimsókn í Laxárstöðina til að funda með yfirmanni og félagsmönnum Framsýnar.  Ekki þarf að taka fram að fegurðin er mikil í Aðaldalnum og notalegt að fara um á degi sem þessum þrátt fyrir 7 stiga frost.

Minnisbækurnar eru komnar vegna ársins 2013. Félagar í Starfsmannafélagi Húsavíkur eru velkomnir á skrifstofu félagsins að Garðarsbraut 26. Þeir sem vilja láta senda sér bækurnar eru beðnir um að hafa samband við skrifstofuna og verður hún þá sent um hæl.

Einn af þeim sem hefur haft áhuga fyrir því að setja upp nýja starfsemi á Raufarhöfn er Birkir Kristjánsson fiskverkandandi  sem á  síðustu árum hefur rekið öfluga niðursuðuverksmiðju í Grindavík sem hann seldi fyrr á þessu  ári.   Read more „Fær ekki viðbrögð“

Skákfélagið Goðinn-Mátar hafa ákveðið hvernig félagið ætlar að halda upp á Íslenska skákdaginn 26 janúar nk. á Húsavík.  Við munum taka höndum saman við Velferðarsjóð Þingeyinga og safna peningum fyrir sjóðinn.  Read more „Magnað framtak“

Stjórn Þingiðnar kemur saman til fundar næsta fimmtudag kl. 19:00. Mörg mál eru á dagskrá fundarins s.s. kjara- og atvinnumál. Þetta er síðasti fundur ársins hjá félaginu fyrir utan fund í stjórn sjúkrasjóðs félagsins sem haldinn verður í lok ársins.

Byggðastofnun ásamt heimamönnum boðaði til opins fundar um atvinnumál á Raufarhöfn í dag. Fundurinn sem hófst kl. 17:30 fór vel fram og greinilegt er að íbúar á Raufarhöfn vilja leggja sitt að mörkum til að stöðva fólksfækkunina sem orðið hefur á Raufarhöfn undanfarin ár og áratugi. Reyndar hefur fólksfækkunin orðið mest á Raufarhöfn sé miðað við þéttbýliskjarna á Íslandi.

Read more „Baráttuhugur í heimamönnum“

Stjórn og trúnaðarmannaráð Framsýnar ásamt starfsmönnum og trúnaðarmönnum á vinnustöðum komu saman til fundar síðasta föstudag. Í lok fundar var boðið upp á kvöldverð og heimatilbúna skemmtidagskrá. Hefð er fyrir því  innan Framsýnar að klára starfsárið með hátíðarfundi en mikið er lagt upp úr því að hafa starfið innan félagsins áhugavert, þroskandi og skemmtilegt. Þessi blanda hefur skilað því að afar auðvelt er að fá félagsmenn til að taka að sér trúnaðarstörf fyrir félagið. Read more „Gleðin við völd á lokafundi Framsýnar“

Undanfarna mánuði hefur verið unnið að verkefni um framtíð Raufarhafnar á vegum Norðurþings, Atvinnuþróunarfélags Þingeyinga, Byggðastofnunar og Íbúasamtaka Raufarhafnar. Markmið verkefnisins er að styrkja stöðu byggðar á Raufarhöfn. Framsýn hefur einnig látið sig málið varða en íbúar á Raufarhöfn leituðu til félagsins þar sem þeir óttuðust um sína stöðu og framtíð Raufarhafnar. Í kjölfarið vakti félagið athygli á stöðu samfélagsins á Raufarhöfn. Read more „Blásið til íbúafundar á Raufarhöfn“

Formaður Framsýnar og yfirmenn Jarðborana gerðu sér ferð á Þeistareyki í dag eftir heimsókn þeirra til Húsavíkur í morgun. Markmiðið var að heilsa upp á starfsmenn og kynna sér aðstæður en veðrið hefur verið mjög slæmt það sem af er vetri. Bormenn hafa því átt erfitt með að athafna sig á svæðinu en starfsmenn Jarðborana á Þeistareykjum eru mikil hörkutól, ekki spurning. Sjá myndir og frekari umfjöllun. Read more „Fallegt á Þeistareykjum í dag“

Baldvin Þorsteinsson stjórnarformaður Jarðborana sem jafnframt gegnir starfi forstjóra fyrirtækisins um þessar mundir og Sturla F. Birkisson framkvæmdastjóri tæknisviðs fyrirtækisins komu í heimsókn til Húsavíkur í morgun. Read more „Góðir gestir í heimsókn“

Jólaboð stéttarfélaganna verður laugardaginn 15. desember í fundarsal stéttarfélaganna. Þingeyingum og gestum þeirra er boðið í veglegt jólakaffi. Opið verður frá kl. 14:00 til 18:00. Söngur, hlátur og tónlist verða við völd og jólaandinn góði verður á staðnum. Hver veit nema jólasveinarnir Read more „Jólaboð stéttarfélaganna“

Guðrún K Magnúsdóttir og Stefán Stefánsson voru fulltrúar STH á aðalfundi Samflots 9 og 10 nóvember sl.var sá fundur mjög góður og málin rædd þar á hreinskiptinn hátt og þær ákvarðanir sem teknar voru á fundinum gerir framkvæmdanefnd Samflotsins kleift að efla starf sitt gagnvart okkar samningsaðilum. Read more „Fréttir af starfsemi Starfsmannafélags Húsavíkur“

Daglega koma margir góðir gestir í heimsókn á Skrifstofu stéttarfélaganna. Erindin eru mörg og mismunandi. Menn koma t.d. til að fá sér kaffi og ræða málin, leita aðstoðar, sækja námskeið,  leita eftir upplýsingum um réttindi á vinnumaraði eða hjá stéttarfélögunum sem aðild eiga að skrifstofunni. Sjá myndir: Read more „Hvað er að frétta?“

Rafnar Orri Gunnarsson og Ágúst Sigurður Óskarsson starfsmenn Skrifstofu stéttarfélaganna hafa síðustu daga farið um norðursvæði Framsýnar og heimsótt vinnustaði. Þeim hefur alls staðar verið vel tekið og ber að þakka fyrir það. Hér koma nokkrar myndir frá ferðalagi þeirra félaga um Kelduhverfið og Öxarfjörð. Read more „Á ferð og flugi um norðursýsluna“

Framsýn leggur mikið upp úr vinnustaðaheimsóknum og hafa fulltrúar félagsins farið víða síðustu vikurnar. Meðfylgjandi myndir voru teknar þegar Rafnar Orri Gunnarsson starfsmaður Framsýnar kom við hjá starfsmönnum Jarðborana fyrir helgina en stór hópur þeirra eru félagsmenn í Framsýn. Read more „Sannir karlmenn hjá Jarðborunum“

Formaður Framsýnar, Aðalsteinn Á. Baldursson, fundaði með fulltrúum Samtaka atvinnulífsins í Reykjavík á fimmtudaginn um samning fyrir starfsmenn á hvalaskoðunarbátum. Félagið hefur lengi barist fyrir því að slíkur samningur verði gerður enda ólíðandi með öllu að ekki sé til staðar samningur. Read more „Fundað um samning fyrir starfsfólk við hvalaskoðun“