Hótel Goðafoss stendur rétt við Skjálfandafljót, það er á einum af fjölsóttustu ferðamannastöðum landsins. Á dögunum óskuðu eigendur og starfsmenn eftir kynningu frá Framsýn á réttindum og skyldum starfsmanna í ferðaþjónustu. Að sjálfsögðu mættu fulltrúar Framsýnar á staðinn og spjölluðu við starfsmenn sem voru mjög fróðleiksfúsir. Eins og áður hefur komið fram er það til mikillar fyrirmyndar þegar stjórnendur fyrirtækja, ekki síst í ferðaþjónustu, biðja um fræðslu sem þessa fyrir starfsmenn.
![](https://framsyn.is/wp-content/uploads/2024/06/20240614_161116-scaled.jpg)