Formaður Framsýnar leit við í Hafnarfjarðarhöfn þegar Jökull ÞH var við það að fara í sína fyrstu veiðiferð fyrir GPG-Fiskverkun fyrir helgina. Aðalsteini Árna var boðið að skoða skipið sem er allt hið glæsilegasta. Gunnlaugur Karl eigandi GPG var að sjálfsögðu ánægður með skipið sem og aðrir í áhöfninni. Reiknað er með að Jökull landi á Húsavík eftir nokkra daga. Framsýn óskar GPG til hamingju með glæsilegt skip en fyrirtækið er með starfsemi á Húsavík og Raufarhöfn á félagssvæði Framsýnar og veitir fjölda fólks atvinnu í landi og á sjó.
![](https://www.framsyn.is/wp-content/uploads/2021/05/20210428_114646-1024x768.jpg)
Útgerðarmenn ræða málin. Gunnlaugur Karl eigandi GPG og Aðalsteinn Ómar Ásgerirsson útgerðarmaður á Ísafirði.
![](https://www.framsyn.is/wp-content/uploads/2021/05/20210428_112747-768x1024.jpg)
Þórður skipstjóri var mjög ánægður með nýja skipið og sá því fulla ástæðu til að brosa.
![](https://www.framsyn.is/wp-content/uploads/2021/05/20210428_113146-1024x768.jpg)
Kokkurinn var klár í slaginn og stóð vaktina í matsalnum.
![](https://www.framsyn.is/wp-content/uploads/2021/05/20210428_114815-1024x768.jpg)
Jökull ÞH hélt til veiða fyrir helgina og er væntanlegur til Húsavíkur á næstu dögum eftir vonandi velheppnaða veiðiferð.