Frá Lionsklúbbi Húsavíkur – Zaproszenie Kolonoskopia

Á undanförnum árum hefur Lionsklúbbur Húsavíkur komið að forvarnarstarfi í heilbrigðismálum. Í haust stóð klúbburinn fyrir átaki í skimun á sykursýki með mælingum á blóðsykri einstaklinga í Þingeyjarsýslum. Félagar í Lions klúbbnum stóðu að þessum mælingum og fengu aðstoð frá heilbrigðisstarfsfólki. Niðurstaða þessarar skimunar á undangengnum árum, var sú að margir fengu viðvörun um háan blóðsykur og fleiri en einn greindist með sykursýki, þannig að segja má að þetta skimunarátak hafi borið árangur. Mæling á Húsavík var 16. nóv. Síðastliðinn.
Lionsklúbbur Húsavíkur og Heilbrigðisstofnun Norðurlands á Húsavík hafa í allmörg ár staðið fyrir hvatningarátaki varðandi skimun fyrir ristilkrabbameini sem er lúmskur vágestur og gerir sjaldan boð á undan sér, en á Íslandi greinast 100 – 150 einstaklingar á hverju ári með slíkt krabbamein. Miklu skiptir varðandi framtíðarhorfur að greina þetta krabbamein á frumstigi. Niðurstaða starfshóps á vegum Landlæknis skilaði skýrslu árið 2002 og mælti þá með að skimun yrði hafin fyrir krabbameini í ristli og endaþarmi á Íslandi. Krabbameinsfélag Íslands hefur tekið að sér skimun á landsvísu sem miðast við 60 – 70 ára aldur og felst í leit að blóði í hægðum en sú skimun hefur enn ekki hafist.
HSN og Lionsklúbbur Húsavíkur hefur ákveðið að halda áfram sínu hvatningarátaki á næstu árum, enda er þar um annan aldurshóp að ræða og er hægt að líta svo á að landsskimun Krabbameinsfélags Íslands taki við eftir 60 ára aldurinn. Þetta hvatningarátak byrjaði árið 2012 og var það ár öllum konum og körlum 55 ára boðin ókeypis ristilspeglun og þannig byrjað á þeim Þingeyingum sem fæddust á árinu 1957. Árið 2013 mætti síðan árgangur 1958, og svo koll af kolli og á árinu 2020 verður árgangi 1965 boðin skimun. Afar góð þátttaka hefur verið í þessari skimun. Rétt er að taka fram að á HSN Húsavík eru mjög fullkomin speglunartæki, sem voru keypt fyrir gjafafé ýmissa félagasamtaka, einstaklinga og fyrirtækja og eru því aðstæður góðar til slíkrar skimunar á Húsavík. HSN mun sjá um skipulagningu og framkvæmd speglunar en Lionsklúbbur Húsavíkur verður fjárhagslegur bakhjarl og hefur klúbburinn leitað eftir fjárframlögum frá fjölmörgum aðilum og hafa undirtektir verið afar jákvæðar.
Ef svo færi að einhver sem fæddur er 1965 fái ekki boðsbréf er hann beðinn að hafa samband við HSN á Húsavík í síma 464-0500. Kær kveðja Heilbrigðisstofnun Norðurlands Húsavík og Lionsklúbbur Húsavíkur

Drogi odbiorco.

Milo jest nam powiadomic iz duza grupa wziela udzial w badaniu Kolonoskopi które zostalo zaproponawane po przez klub Lions w Húsavíku oraz Osrodek Zdrowia dla osób urodzonych w roku 1964 mieszkajacych w ich okregu.
Jednakze, kilka osób z tego rocznika jeszcze sie nie zapisalo sie na badanie i przypomiamy iz jest nadal mozliwosc do zapisania sie w Osrodku Zdrowia do 20.maja pod numerem telefonu 464-0500
Naszym zyczeniem jest aby jak najwicej osób wykozystalo ta szczególna i darmowa oferte, która nei byla oferowana innym Islandczykom do tej pory.
Te osoby które juz zapisaly sie na badanie, przepraszamy za wszelkie niedogodnosci tego listu.

Z pozdrowieniami,
Klub Lions w Húsavíku oraz
Osrodek Zdrowia Þingeyinga
Lionsklúbbur Húsavíkur og
HSN á Húsavík

 

Deila á