Opið bréf formanns Framsýnar til félagsmanna – greiðum atkvæði með boðun verkfalls

Í bréfi formanns Framsýnar til félagsmanna í dag skorar hann á félagsmenn að greiða atkvæði með boðun verfalls þar sem Samtök atvinnulífsins hafna alfarið  kröfugerð Starfsgreinasambands Íslands um hækkun lægstu launa  sem Framsýn á aðild að.

Kæri félagi!

Með þessu bréfi vil ég hvetja þig til að greiða atkvæði með boðun verkfalls. Þú átt að hafa fengið í hendur kjörgögn frá Starfsgreinasambandi Íslands sem Framsýn er aðili að.

Þannig er að atvinnurekendur (SA) hafa hunsað kröfur verkalýðshreyfingarinnar um hækkun lægstu launa. Til að knýja á um hærri laun hefur verið ákveðið að boða til verfalls eftir páska.

Vonandi tekst að semja fyrir þann tíma, ef ekki, verður farið í verkfall enda verði það samþykkt í atkvæðagreiðslu sem nú stendur yfir. Verði verkfallsheimildin samþykkt ber öllum félagsmönnum Framsýnar sem starfa eftir kjarasamningi Starfsgreinasambands Íslands og Samtaka atvinnulífsins að leggja niður vinnu og fara í verkfall.

Það er þessa daga hjá félagsmönnum Framsýnar:

10. apríl: Allsherjarvinnustöðvun frá kl. 12:00 á hádegi til miðnættis sama dag, á félagssvæðum þeirra 16 aðildarfélaga sem eru innan Starfsgreinasambands Íslands.

16. apríl: Vinnustöðvun frá miðnætti til miðnættis tekur til félagssvæða Framsýnar stéttarfélags, Verkalýðsfélags Grindavíkur, Öldunnar stéttarfélags, Verkalýðsfélags Vestfirðinga og Verkalýðs- og sjómannafélags Bolungarvíkur.

27. apríl: Vinnustöðvun frá miðnætti til miðnættis tekur til félagssvæða Framsýnar stéttarfélags, Verkalýðsfélags Grindavíkur, Öldunnar stéttarfélags, Verkalýðsfélags Vestfirðinga, Verkalýðs- og sjómannafélags Bolungarvíkur, Verkalýðsfélags Snæfellinga og Verkalýðs- og sjómannafélags Sandgerðis.

30. apríl: Allsherjarvinnustöðvun frá kl. 12:00 á hádegi til miðnættis sama dag, á félagssvæðum þeirra 16 aðildarfélaga sem eru innan Starfsgreinasambands Íslands.

Takist ekki að semja í apríl hefjast frekari aðgerðir 12. maí.

Þeir sem hafa ekki aðgengi að tölvu er velkomið að koma við á Skrifstofu stéttarfélaganna og kjósa. Opið er virka daga frá kl. 08:00 til 16:00. Atkvæðagreiðslan stendur yfir til kl 24:00 þann 30. mars.

Hafðu endilega samband ef frekari upplýsinga er þörf.

Hægt verður að fylgjast með framvindu mála inn á heimasíðu Framsýnar, www.framsyn.is

Húsavík 23. mars 2015

Fh. Framsýnar, stéttarfélags

Aðalsteinn Árni Baldursson

Hér má sjá formann Framsýnar í fiskvinnslu á árum áður. Fiskvinnslufólk krefst hærri laun líkt og aðrir hópar innan Starfsgreinasambands Íslands.

Deila á