Úthlutun orlofshúsa fyrir sumarið 2024 er lokið en umsóknarfrestur var til 10. apríl. Nokkrar vikur eru lausar nú þegar úthlutuninni er lokið og eru þær hér með lausar til úthlutunar fyrir félagsmenn.
Vikurnar sem eru lausar:
Mörk, Grímsnesi
2/8-9/8
23/8-30/8
Svignaskarð
23/8-30/8
Bjarkarsel Flúðum
14/6-21/6
16/8-23/8
Flókalundur
14/6-21/6
Árleg sumarferð stéttarfélaganna verður farin laugardaginn 22. júní næstkomandi. Að þessu sinni verður farið í Þistilfjörð. Farið verður með rútu frá Fjallasýn.
Lagt verður af stað klukkan 09:00 frá Skrifstofu stéttarfélaganna á Húsavík. Þaðan verður ekið að Fræðasetri um forystufé á Svalbarði í Þistilfirði. Þar mun Daníel Hansen, forstöðumaður fræðasetursins, taka á móti hópnum og kynna setrið og sýna. Eftir að því lýkur mun Daníel slást í för með hópnum og sjá um leiðsögn ferðarinnar. Farið verður á Langanes og ef aðstæður leyfa, alla leið út á Font. Grillað verður í mannskapinn síðdegis auk þess sem boðið verður upp á súpu í hádeginu á Þórshöfn. Komið verður aftur heim til Húsavíkur um kvöldið.
Verð er 7.000 krónur á félagsmann og sama verð er á maka/vin/vinkonu.
Skráning er í síma 4646600 eða á netfangið aga@framsyn.is. Skráning er þegar hafin og fer vel af stað. Sráningu lýkur miðvikudaginn 19. júní. Ferðin er háð góðu veðri. Frekari upplýsingar eru í boði á Skrifstofu stéttarfélaganna.
Nokkrir Suður-Þingeyskir bændur hafa tekið höndum saman og plægt og sáð korni í um 40 hektara stykki í landi Laxamýrar á undanförnum dögum. Þessi umfangsmikla sáning tengist verkefni sem Búnaðarsamband Suður-Þingeyinga hefur haldið utan um síðustu árin um að kaupa, setja upp og reka kornþurrkunarstöð við Húsavík sem mun nýta glatvarma sem verður til vegna kælingar á hitaveituvatninu.
Sannarlega má segja að þessi uppbygging sé spennandi og ánægjulegt að sjá framfarir af þessu tagi hér á svæðinu.
Hið árlega golfmót Samiðnar verður haldið 16. júní í Leirunnu. Búist er við hressandi þátttöku. Nánar má lesa um málið á heimasíðu Samiðnar eða með því að smella hér.
Nú er ljóst að flugi hefur verið hætt milli Reykjavíkur og Húsavíkur, í bili að minnsta kosti. Vafalaust eiga sumir ennþá ónotaða kóða sem keyptir hafa verið með væntingar um að flugi yrði haldið áfram. Hægt er að fá þá kóða endurgreidda með því að framvísa þeim á Skrifstofu stéttarfélaganna eða senda meldingu á alli@framsyn.is. Frestur til þess að fá endurgreiðslu er til 1. maí. Ekki eru þó endurgreiddir kóðar sem eru orðnir eldri en 12 mánaða.
Nú rétt í þessu varð ljóst að nýr kjarasamningur Framsýnar/LÍV og Samtaka atvinnulífsins hefur verið samþykktur. Verslunar- og skrifstofufólk innan Framsýnar starfa eftir þessum samning.
Óhætt er að segja að samningurinn hafi verið samþykktur með milklum yfirburðum eins og sjá má hér að ofan en tæplega 91% þeirra sem kusu samþykktu samninginn. Kjörsókn var rúmlega 32%.
Electronic voting on the new collective agreement between SGS and SA to which Framsýn is a member began at 12:00 today. Here you can vote.
Here you can see all the key information about the agreement on the SGS information page:
The electronic voting runs until 09:00 on Wednesday 20 March. A total of 1072 are on the electoral roll of Framsýn regarding this collective agreement.
Formaður Framsýnar kom heim eftir langa og stranga samningatörn í Karphúsinu laust fyrir hádegi í dag. Hann heilsaði upp á hóp trúnaðarmanna sem eru á námsskeiði hér á Skrifstofu stéttarfélaganna við komu sína í hús og var tekið fagnandi með lófaklappi, enda staðið í ströngu á undanförnum vikum við samningagerð.
Ágætar líkur eru á að skrifað verði undir nýjan kjarasamning síðar í dag eftir langar og strangar samningaviðræður sem hafa síður en svo verið lausar við átök. Formaður Framsýnar fór fyrir vinnu Starfsgreinasambandsins er varða starfsskilyrði fólks í vinnu við ferðaþjónustu. Þrátt fyrir að alvaran sé allt um líkjandi í viðræðum sem þessum er þó hægt að slá á létta strengi annað slagið. Hér má sjá formann Framsýnar, Aðalstein Á. Baldursson og Bjarnheiði Hallsdóttur, formann samtaka ferðaþjónustunnar „takast á“ um niðurstöðu verðandi samninga.
Fimm ára endurskoðun starfsmatskerfisins SAMSTARFS hefur staðið yfir í nokkurn tíma. Starfsmatið er kerfi þar sem starfsmönnum sveitarfélaga eru ákvörðuð grunnlaun með eins málefnalegum og hlutlægum aðferðum og hægt er. Í desember sl. tók Samband íslenskra sveitarfélaga einhliða ákvörðun um að senda drög að niðurstöðum starfsmats eftir endurskoðun til allra sveitarfélaga með þeim skilaboðum að taka mið af þeim frá 1. janúar 2024. Var þetta gert án vitneskju stéttarfélaganna og ekki var búið að ljúka vinnunni né samþykkja nýja matið af framkvæmdanefnd um starfsmatskerfið. Ágreiningur hefur verið um gildistíma nýja matsins og stéttarfélögin telja að það eigi að gilda frá 1. september 2021. Fundur var haldinn í framkvæmdanefnd 15. desember sl. þar sem nýja matið var afgreitt að undanskildum störfum félagsliða á velferðarsviði og veitustörfum, en fulltrúar Sambands íslenskra sveitarfélaga sátu hjá við þá afgreiðslu. Það er andstætt vinnureglum starfsmatsins sem kveða á um samhljóða niðurstöðu. Vegna þessa var eftirfarandi bókað af hálfu fulltrúa stéttarfélaganna.
Sjá hér kjarasamninga STH, viðbót frá 2023 og samningin frá 2020
Bókun fulltrúa stéttarfélaga á fundi framkvæmdarnefndar um starfsmatskerfið SAMSTARF 15.12.2023
Fulltrúar stéttarfélaga í framkvæmdanefnd um starfsmatskerfið SAMSTARF gera alvarlegar athugasemdir við einhliða ákvörðun fulltrúa Sambands íslenskra sveitarfélaga um að birta drög að niðurstöðum starfsmats við 5 ára endurskoðun. Fulltrúar stéttarfélaganna líta svo á að um algjöran trúnaðarbrest sé að ræða. Vinna við endurskoðun hefur verið í gangi á vettvangi nefndarinnar sl. tvö ár. Með ákvörðuninni virtu fulltrúar Sambandsins algjörlega að vettugi starfsreglur framkvæmdanefndar starfsmats.
Í 7. gr. starfsreglnanna kemur fram að allar ákvarðanir nefndarinnar skuli vera samhljóma og séu fullnaðarákvarðanir. Í 10. gr. er fjallað um birtingu niðurstaðna starfsmats og er skýrt að það er hlutverk framkvæmdanefndar að samþykkja og birta niðurstöður starfsmatsins.
Vinnu við endurmat starfa starfsmats er ekki lokið og hefur framkvæmdanefnd ekki samþykkt út úr nefndinni þá niðurstöðu sem Samband íslenskra sveitarfélaga hefur nú tekið ákvörðun um að birta sveitarfélögunum.
Hingað til hefur ríkt algjör sátt um að fylgja starfsreglum starfsmatsins. Ákvörðun Sambandsins er fordæmalaus og með öllu óásættanleg. Þessi framganga Sambandsins stefnir áratuga samvinnu og samstöðu um starfsmatið í hættu.
Málinu er ekki lokið og munu stéttarfélögin halda til streitu kröfu sinni um gildistíma frá september 2021
Athygli er vakin á því að ónotaðir flugkóðar fást ekki endurgreiddir sé lengra síðan en ár frá því að þeir voru keyptir. Rétt er líka að benda á að kóðarnir úreldast ekki og því er enn hægt að fljúga á ónotuðum kóðum þó svo þeir hafi verið keyptir fyrir löngum tíma.
Athygli er vakin á því að bannað er að breyta stillingum á sjónvarpstækjum í orlofshúsum/íbúðum stéttarfélaganna. Nokkuð er um að nýir leigjendur geti ekki notað sjónvörpin í íbúðunum vegna þess að fiktað hafi verið í snúrum og stillingum af fyrri leigjendum. Ef svona lagað gerist verður kallaður til viðgerðarmaður á kostnað þess leigjanda sem ber ábyrgðina.
ÍSLENSKA
Nú stendur yfir könnun Vörðu um stöðu launafólks og hefur hún verið send rafrænt á tölvupósti til allra félaga. Við hvetjum þig til að svara.
ENSKA
Varða’s survey about the conditions of workers in Iceland is now ongoing and has been sent out to all our members by e-mail. We encourage you participate in the survey.
PÓLSKA
Obecnie przeprowadzana jest ankieta Varða dotycząca sytuacji pracowników, którą wysłano drogą elektroniczną na skrzynki pocztowe wszystkich członków.
Athygli er vakin á því að yfirstandandi umsóknartímabili í Kötlu félagsmannasjóð lýkur 28. desember næstkomandi. Fyrsta útgreiðsla ársins 2024 verður í febrúar.
Aðild að Kötlu félagsmannasjóði eiga eingöngu starfsmenn sveitarfélaga sem eru félagsmenn aðildarfélaga BSRB
Nánar má lesa um málið hér.
Hinar sívinsælu dagbækur komu í morgun og eru til afgreiðslu á Skrifstofu stéttarfélaganna eins og hefð er fyrir. Nú mega jólin koma!
Hér má sjá handhafa fyrstu dagbókarinnar þetta árið, Jakob Gunnar Hjaltalín en hann átti leið um skrifstofuna og stökk á tækifærið að eignast fyrstu bók þessa árs.