admin

Ársfundur Stapa, lífeyrissjóðs verður haldinn í Skjólbrekku 12. maí kl. 14:00. Fundurinn er opinn öllum sjóðfélögum með málfrelsi og tillögurétti. Atkvæðisrétt hafa þeir einir sem kosnir eru á fundum aðildarfélaga sjóðsins. Framsýn vill hér með skora á sjóðfélaga að fjölmenna á fundinn og taka þátt í umræðum um málefni sjóðsins. Hægt er að nálgast gögn varðandi fundinn á heimasíðu sjóðsins www.stapi.is

Forseti Íslands, Ólafur Ragnar Grímsson, fór mjög svo fögrum orðum um starfsemi og málflutning Framsýnar á afmælishátíð félagsins 1. maí. Hann sagði bestu afmælisgjöfina fyrir félagsmenn vera að félagið héldi áfram þeim málflutningi sem félagið stæði fyrir og tekið væri eftir: Read more „Forsetinn fór fögrum orðum um starfsemi Framsýnar“

Nú eiga allir aðilar sem starfa við byggingastarfsemi, mannvirkjagerð, rekstur gististaða og veitingarekstur að vera búnir að taka upp vinnustaðaskírteini.  Á næstu dögum og vikum mun eftirlitsfulltrúi fara á vinnustaði og kanna notkun vinnustaðaskírteina. Read more „Eftirlit með vinnustaðaskírteinum“

Vegna óska frá erlendum félagsmönnum stéttarfélaganna hefur verið ákveðið að setja upp tveggja daga skoðunarferð um Norðausturland, helgina 28. – 29. maí fyrir félagsmenn Framsýnar og Þingiðnar og maka þeirra. Read more „Vorferð stéttarfélaganna“

Forsvarsmenn aðildarfélaga Skrifstofu stéttarfélaganna vilja þakka Þingeyingum fyrir frábæra þátttöku í hátíðarhöldunum í gær á Húsavík. Yfir þúsund gestir komu í höllina og hlýddu á magnaða tónlistardagskrá auk þess sem Gísli Einarsson skemmti gestum. Forseti Íslands, herra Ólafur Ragnar Grímsson, flutti ávarp og formaður Framsýnar þrumaði yfir hátíðargestunum.

Read more „Takk fyrir frábæran dag!!!“

 Í lok síðasta árs varð þingiðn, félag iðnaðarmanna í Þingeyjarsýslum 10 ára. Í tilefni af því samþykkti aðalfundur félagsins að standa fyrir afmælisferð fyrir félagsmenn austur á Reyðarfjörð laugardaginn 4. júní. Þar stendur til að skoða álverið á staðnum sem er í eigu Alcoa. Read more „Þingiðnarmenn heimsækja álverið á Reyðarfirði“

Mikil og góð stemning var á 1. maí hátíðarhöldunum í Íþróttahöllinni á Húsavík í dag.  Ríflega 1000 hátíðargestir komu og tóku þátt í hátíðinni sem var með veglegra móti í ár í tilefni þess að um þessar mundir eru liðin 100 ár frá stofnun fyrsta stéttarfélagins á Húsavík, Verkamannafélags Húsavíkur.  Read more „Yfir þúsund gestir í afmælisveislunni“

Mikið fjölmenni er nú samankomið í Íþróttahöllinni á Húsavík á afmælishátíð Framsýnar í frábæru veðri. Dagskráin er full af skemmtiatriðum auk þess sem forseti Íslands, Ólafur Grímsson flytur ávarp og formaður Framsýnar flytur hátíðarræðu dagsins sem sjá má hér: Read more „Formaður Framsýnar harðorður í garð SA – krefst aðgerða strax“

Það var kátt í höllinni í dag þegar Stjörnulið Kúta sigraði Karlaklúbbinn SÓFÍU í spennandi fyrrihálfleik. Seinni hálfleikurinn varð nefnilega ekkert spennandi þar sem Stjörnuliðið rúllaði yfir SÓFÍU í þeim hluta leiksins. Fjölmargir áhorfendur urðu vitni að stórsigri stjörnuliðsins. Af virðingu við SÓFÍU verður ekki getið um úrslitin.

Read more „Leik lokið, stjöruliðið sigraði“

Margt verður um góða gesti á 1. maí hátíðarhöldunum á Húsavík.  Í tilefni þess að þann 14. apríl síðastliðinn voru 100 ár liðin frá stofnun Verkamannafélags Húsavíkur verður hátíðin enn veglegri en verið hefur undanfarin ár.  Meðal gesta sem heiðra Þingeyinga með nærveru sinni á 1. maí verða forsetahjónin Ólafur Ragnar Grímsson og Dorrit Moussaieff en forsetinn mun auk þess flytja ávarp á hátíðinni.  Það er mikill heiður fyrir Þingeyinga að fá svo góða gesti í heimsókn til að fagna þessum merku tímamótum.  Fulltrúar frá Ríkissjónvarpinu hafa einnig boðað komu sína á Húsavík á sunnudaginn til að fjalla um hátíðina. Read more „Forsetahjónin og RÚV á Húsavík 1. maí“

Góðir gestir úr Framhaldsskóla Húsavíkur komu í  heimsókn í gær til að kynna sér starfsemi stéttarfélaganna. Mjög gott samstarf hefur verið milli skólans og félaganna um kynningu á félögunum og atvinnulífinu á svæðinu. Unglingarnir voru duglegir að spyrja um flest milli himins og jarðar. Þá hefur fulltrúum Framsýnar verið boðið að koma í tvo grunnskóla á svæðinu í maí með kynningu á starfsemi félagsins. Read more „Nemendur úr FSH í heimsókn“

Lítill árangur varð á sáttafundi Framsýnar stéttarfélags og Samtaka atvinnulífsins sem er nýlokið. Viðræðunum hefur þó ekki verið slitið og eru deiluaðilar boðaðir til fundar eftir helgina.

Aðalsteinn Á. Baldursson, formaður Framsýnar, segir að samninganefnd félagsins hafi á fundinum í dag lýst yfir óánægju sinni með vinnubrögð SA, sem hafi fyrir páska lofað að skila gögnum og svörum við tillögum félagsins á þessum fundi en við það hafi ekki verið staðið nema að hluta til. Read more „Halda viðræðum áfram eftir helgi“

Karlaklúbburinn SÓFÍA blæs til Íþrótta- og fjölskyldudags í Íþróttahöllinni á Húsavík laugardaginn 30. apríl kl. 14:00. Boðið verður upp á leiki og tónlistaratriði. Þá verður hægt að kaupa kaffi á staðnum. Miðaverð er kr. 500. Allur ágóði rennur til kaupa á fjölnota sviði og veislubúnaði í bæinn. Read more „Verður Stjörnuhrap á laugardaginn?“

Fulltrúar Framsýnar munu funda um kjaramál með Samtökum atvinnulífsins í dag kl. 14:00. Því miður hafa viðræður gengið illa og hefur SA að mestu hunsað kröfur Framsýnar um hækkun lægstu launa. Þá hafa þeir staðið sig mjög illa í að skila umbeðnum gögnum til félagsins er varðar viðræðurnar. Read more „Fundað í dag með SA“

Stéttarfélögin bjóða til hátiðarhalda  í Íþróttahöllinni á Húsavík þann 1. maí klukkan 14:00.  Í tilefni að því að 100 ár eru liðin frá stofnun Verkamannafélags Húsavíkur verður hátíðin með veglegra móti.  Herra Ólafur Ragnar Grímsson forseti Íslands mun flytja hátíðarávarp og einnig verður boðið upp á fjölda skemmtikrafta.

Smellið á myndina til að sjá dagskrána á hátíðinni.

Þann 14. apríl 2011 voru liðin 100 ár frá stofnun Verkamannafélags Húsavíkur, nú Framsýnar- stéttarfélags. Í tilefni af því hefur verið samþykk að færa félagsmönnum afmælisgjöf frá félaginu kr. 22.500.000,-  sem skiptist jafnt milli þeirra sem voru fullgildir félagsmenn 31. mars 2011. Það á við um þá sem greitt hafa félagsgjald síðustu 12 mánuði  svo og elli- og örorkulífeyrisþega sem greiða ekki lengur til félagsins af þeim sökum. Read more „Afmælisgjöf til félagsmanna Framsýnar“

Gamlar hetjur hafsins hafa boðað til hátíðar í sumar. Um er að ræða hátíð togarajaxla og maka þeirra. Hátíðin fer fram á Akureyri og Húsavík 15. – 16. júlí 2011. Read more „Gamlir togarajaxlar væntanlegir til Húsavíkur í sumar“

Þegar er ljóst að afmælishátíð Framsýnar í Íþróttahöllinni 1. maí verður glæsileg og fjölmargir listamenn munu koma þar fram. Hátíðin hefst kl. 14:00.  Forseti Íslands ávarpar samkomuna, Kirkjukór Húsavíkur og hljómsveitin SOS flytja nokkur þekkt dægurlög. Karlakórinn Hreimur kemur einnig fram ásamt Hundi í óskilum, Heru Björk Þórhallsdóttur og grínaranum Gísla Einarssyni. Read more „Glæsileg afmælisveisla framundan“

Það hefur verið mjög gott verður á Húsavík um páskadagshelgina og mannlífið hefur blómstrað með söng og gleði. Þá hefur unga fólkið leikið sér og notið góða veðursins. Hér koma nokkrar myndir sem teknar voru um helgina. Read more „Gott mannlíf á Húsavík um helgina“