Framsýn stéttarfélag stóð fyrir sumarkaffi á Raufarhöfn á laugardaginn í Félagsheimilinu Hnitbjörg. Um er að ræða árlegan viðburð á vegum félagsins sem er afar vinsæll meðal heimamanna. Gestum stendur til boða að eiga samtal við forsvarsmenn Framsýnar auk þess sem þeim er boðið upp á veglegar veitingar sem kvenfélagið á staðnum hefur séð um að miklum myndarskap. Mjög góð mæting var á stefnumótið og fylltist félagsheimilið um tíma. Framsýn þakkar fyrir sig, glæsileg samkoma.
