Sameiginleg orlofsnefnd stéttarfélaganna í Þingeyjarsýslum hefur ákveðið að bæta við tveimur orlofshúsum/íbúðum sumarið 2024 fyrir félagsmenn. Annars vegar íbúð í Hraunholtinu á Húsavík og síðan nýju orlofshúsi við Stykkishólm, þannig vilja félögin bæta enn frekar aðgengi félagsmanna að orlofshúsum. Reiknað er með að í febrúar verði orlofskostirnir auglýstir á heimasíðunni. Í kjölfarið verði síðan gefið út fréttabréf með helstu upplýsingum um orlofskostina og jafnvel sumarferð sem er verið að skipuleggja. Hún á eftir að koma á óvart. Á meðfylgjandi mynd má sjá hluta af orlofsnefndinni við störf á fundi sem haldinn var fyrir helgina. Framsýn, Þingiðn, STH og Verkalýðsfélag Þórshafnar eiga aðild að sameiginlegri orlofsnefnd stéttarfélaganna.
