Vetrarstarf Framsýnar stéttarfélags hefst næsta mánudag, 22. ágúst, með fundi í fundarsal stéttarfélaganna. Stjórn félagsins, trúnaðarráð, samninganefnd félagsins og stjórn Framsýnar ung hafa fengið fundarboð. Kjaramál og komandi kjaraviðræður verða ráðandi á fundinum auk þess sem reikna má með miklum umræðum um stöðuna í hreyfingunni nú þegar þing ASÍ er framundan. Annars er dagskráin nokkuð löng enda fylgir öflugu starfi á vegum félagsins að þurfa að taka mörg mál fyrir.
Dagskrá:
- Fundargerð síðasta fundar
- Inntaka nýrra félaga
- Kjaramál
- Málefni ASÍ
- Afsögn forseta sambandsins
- Umræða um starfsemi sambandsins
- Komandi þing sambandsins
- Kjör fulltrúa á þing ASÍ
- Kjör fulltrúa á þing AN
- Þing Sjómannasambands Íslands
- Ungliðaráð Framsýnar
- Tækjabúnaður í fundarsal stéttarfélaganna
- Húsnæðismál starfsmanna í ferðaþjónustu
- Framganga SFS varðandi launakjör fiskvinnslufólks
- PCC-bónusmál
- Sumarferð stéttarfélaganna
- Vinnustaðaeftirlit
- Lagfæringar á fundarsal
- Heimsókn frá SSNE
- Ályktanir milli funda
- Önnur mál
Að venju getur dagskrá fundarins tekið breytingum fram að fundi.