Starfsmenn stéttarfélaganna ásamt fjölskyldum komu saman í skógarlundi fyrir ofan Húsavík á föstudagskvöldið þar sem komið hefur verið upp aðstöðu fyrir fólk til að grilla sér til gamans og yndisauka. Starfsmenn voru að undirbúa sig fyrir vetrarstarfið en framundan eru krefjandi tímar í starfi stéttarfélaganna, ekki síst þar sem kjarasamningar eru almennt lausir þegar líður á veturinn.
Starfsmenn stéttarfélaganna komu saman á föstudaginn ásamt fjölskyldum fyrir ofan Húsavík í fallegum skógarlundi.
Stórir og smáir grilluðu.
Ágúst Óskarsson var grillmeistari kvöldsins enda góður kokkur þegar hann segir sjálfur frá.
Menn áttu notalega stund saman á föstudagskvöldið.
Frímann og Jóhanna voru að sjálfsögðu á svæðinu en Jóhanna starfar hjá Vinnumálastofnun. Hér er annar helmingurinn, það er Frímann að fara yfir málin með Kristjáni Eyðssyni.
Börnin höfðu gaman af því að leika sér í fallegu umhverfi. Hér er Elfa Ósk að eltast við barnabarnið, Sæþór Orra, sem hafði mikinn áhuga fyrir því að láta elta sig um skóginn.