Frístundabændur á Húsavík fóru í aðrar göngur á þessu hausti um helgina og réttuðu síðan í Húsavíkurrétt á laugardaginn. Töluvert fjölmenni var á réttinni og sumir voru á því að mannfólkið hefði verið fjölmennara en sauðfé bænda. Sjá myndir 
Vel gekk að smala á laugardaginn. Talið er að um 5-600 fjár hafi verið á réttunum á Húsavík. Það er frá Tjörnesi, Kelduhverfi, Aðaldal, Reykjahverfi og Húsavík.
Falleg ær með tvö lömb á heimleið.
Jónas er hraustur maður, hér er hann með einn hrút sem þurfti hjálp til að komast til byggða.
Endaspretturinn, hér er verið að reka inn í Bakkarétt.
Matarhlé hjá bændum áður en byrjað er að draga.
Stórir og smáir voru að draga, hér er Sæþór Orri með eina sem hann á og ber nafnið Nunna.
Þeir eru allir miklir áhugamenn um sauðfé, Viðar, Þórarinn og Helgi Héðins. Þeir voru meðal fjölmargra sem lögðu leið sína á Húsavíkurrétt.
Jón Ágúst sem er virtur fjárræktandi á Húsavík er hér ásamt barnabarni. Hún ber nafnið Apríl Emma.
Það var mikið líf í réttunum og mikið af fólki.