Dyravarðanámskeiði að ljúka

Í dag hefur staðið yfir dyravarðanámskeið á vegum Framsýnar og lögreglunar á Húsavík. Alls tóku 17 þátt í námskeiðinu sem var að ljúka. Meðal áherslu atriða sem tekin voru fyrir má nefna, kjarasamninga, skyndihjálp, eldvarnir, samskipti lögreglu og dyravarða og valbeiting/sjálfsvörn.

Mikið er lagt upp úr því að dyraverðir í Þingeyjarsýslum séu með tilskilin réttindi til að taka að sér dyravörslu enda mjög krefjandi störf. Samstarf lögreglunar og Framsýnar hefur í gegnum tíðina verið til mikillar fyrirmyndar er varðar fræðslu fyrir dyraverði.

Áhugasamir verðandi dyraverðir læra endurlífgun.

Rólegur, annars hendi ég þér út!!!!

Það er vissara að læra réttu handtökin, annars getur farið illa.

Vertu róleg, annars herði ég vel að þér!!!!!!!!!!!!!!!!!!!!!!!!!!!!!!

Jón Óðinn hlífði mönnum ekki í dag. Hér klárar hann Sigfús Sigfússon verðandi dyravörð.

Guðmundur fór illa með Börk. Fyrir þá sem ekki vita, þá eru þeir feðgar. Greinilegt er að sá gamli er sterkari ef marka má þessa mynd.

Deila á