Ljóst er að framkvæmdirnar á stór Húsavíkursvæðinu kalla á aukna vinnu hjá starfsmönnum stéttarfélaganna í Þingeyjarsýslum. Hlutverk stéttarfélaga er meðal annars að koma í veg fyrir undirboð á vinnumarkaðinum, verja hagsmunni starfsmanna og standa fyrir öflugu eftirliti á svæðinu auk þess að vera í samskiptum við fjölmarga verktaka sem koma að uppbyggingunni. Meðfylgjandi myndir eru teknar á Þeistareykjum fyrir helgina þegar formaður Framsýnar sem jafnframt gegnir starfi yfirtrúnaðarmanns á vinnusvæðinu fór í sína reglubundnu eftirlitsferð ásamt pólskum túlki.
Stéttarfélögin eru með skrifstofu á Þeistareykjum sem er opin eftir þörfum svæðinu. Meðal annars er starfsmönnum boðið upp á viðtalstíma sem eru í frekari mótun.
Það er alltaf gott að koma í mötuneyti Landsvirkjunar á Þeistareykjum. Á vinnusvæðinu eru tvö mötuneyti, annað á vegum Landsvirkjunar og hitt er á vegum verktakans LNS Saga.
Framkvæmdir eru á fullu og vonast menn til þess að geta haldið þeim áfram einhverjar vikur í viðbót, það er fyrir snjóa.
Byrjað er að reisa stálgrindahús við steypta hluta stöðvarhússins.
Haraldur öryggistrúnaðarmaður er aldrei orðlaus. Hér er hann að ræða við formann Framsýnar um stöðu mála á svæðinu.
Flutningabílar koma og fara með byggingavörur.