3. september 2010 - kl. 18:26
Iðnaðarmenn eru á fullu í félagsaðstöðu stéttarfélaganna á Húsavík. Þeir munu klára í kvöld en til stendur að starfsemi hefjist í nýju aðstöðunni næsta mánudag. Þá hefur verið boðað til fjölmenns fundar í nýjar fundarsalnum næsta þriðjudag en þá kemur hópur erlendra verkalýðsforingja í heimsókn. Hér koma nokkrar myndir sem teknar voru rétt í þessu.
>> lesa meira
2. september 2010 - kl. 12:49
Gylfi Arnbjörnsson forseti ASÍ stóð í gær fyrir fundi með stjórnum Framsýnar, Þingiðnar og Verkalýðsfélags Þórshafnar. Í máli sínu kom Gylfi sérstaklega inn á kjara-, atvinnu og efnahagsmál. Þá fjallaði hann einnig um stöðu krónunnar og Evrópusambandið auk skipulagsmála Alþýðusambandsins. Fundurinn var mjög líflegur.
>> lesa meira
31. ágúst 2010 - kl. 16:46
Hilmar kveður en fer samt ekki langt!
Hilmar Valur Gunnarsson hefur hætt störfum hjá stéttarfélögunum á Húsavík og mun hann hefja störf hjá Vinnumálastofnun á morgun. Stéttarfélögin þakka Hilmari fyrir hans vel unnu störf á sama tíma og honum er óskað velfarnaðar á nýjum, en þó kunnuglegum vettvangi með von um áframhaldandi farsælt samstarf.
>> lesa meira
30. ágúst 2010 - kl. 16:54
Í dag óskaði Framsýn formlega eftir viðræðum við Launanefnd sveitarfélaga um gerð viðræðuáætlunar en kjarasamningur aðila er laus 30. nóvember nk. Framsýn mun að venju undirbúa sig vel fyrir viðræðurnar og funda með starfsmönnum sveitarfélaga á félagssvæðinu á næstu vikum.
>> lesa meira
25. ágúst 2010 - kl. 22:57
Ákveðið að óska eftir viðræðum við Launanefnd sveitarfélaga
Stjórn og trúnaðarmannaráð Framsýnar fundaði í kvöld á veitingastaðnum Sölku. Mörg mál voru á dagskrá fundarins. Meðal annars var samþykkt að óska eftir viðræðum við Launanefnd sveitarfélaga um gerð viðræðuáætlunar en kjarasamningur Framsýnar og Launanefndarinnar er laus 30. nóvember nk.
>> lesa meira
23. ágúst 2010 - kl. 13:33
Torgarar blása til sagnaþings 2011
Æðstaráð Átthagafélags Torgara hefur setið á fundi síðustu vikurnar og nú rétt fyrir fréttir mátti sjá reyk stiga upp frá Kvíabekk sem merkir aðeins eitt. Ráðið hefur samþykkt að boða til sagnaþings laugardaginn 20. ágúst 2011 enda verði öllum undirbúningi og formsatriðum lokið þá.
>> lesa meira
Tilkynningar
24. ágúst 2010 - kl. 13:32
Vinnustaðaskírteini
Þann 15. ágúst 2010 tók gildi samkomulag ASÍ og SA um vinnustaðaskírteini og eftirlit á vinnustöðum.
Markmið samkomulagsins er að tryggja að allir atvinnurekendur og starfsmenn þeirra fari að gildandi lögum, reglugerðum og kjarasamningum.
MEIRA
1. júní 2010 - kl. 14:05
Opnunartími í sumar
Frá 1. júní verður Skrifstofa stéttarfélaganna opin frá kl. 08:00 til 16:00 alla virka daga. Þessi opnunartími gildir til 31. ágúst 2010.
19. maí 2010 - kl. 09:28
Orlofsuppbót 2010
Full orlofsuppbót árið 2010 er kr. 25.800,-
Gildir almennt fyrir félaga í Framsýn, Þingiðn og Starfsmannafélagi Húsavíkur.
Full orlofsuppbót félaga í deild verslunar- og skrifstofufólks innan Framsýnar er kr. 19.500,-
Misjafnt er á milli kjarasamninga hvenær greiða skal orlofsuppbótina og með hvaða hætti hún er reiknuð út fyrir þá sem eru í hlutastörfum eða hafa starfað hluta úr ári. Nánari upplýsingar eru gefnar á Skrifstofu stéttarfélaganna í síma: 464-6600.
12. febrúar 2010 - kl. 12:02
Skólastjórnendur athugið
Að venju vilja stéttarfélögin bjóða grunnskólum í Þingeyjarsýslum upp á fræðslu um markmið og tilgang stéttarfélaga. Félögin hafa í gegnum tíðina átt mjög gott samstarf við grunnskólana á félagssvæðinu og komið nokkuð reglulega í heimsóknir.
Fræðslan sem við bjóðum upp á er ætluð nemendum í 10. bekk og neðar óski skólarnir eftir því.
Ef þið hafið áhuga fyrir því að fá okkur í heimsókn í vetur eða vor, vinsamlegast hafið þá samband við Skrifstofu stéttarfélaganna þegar ykkur hentar.
6. janúar 2010 - kl. 11:02
15% afsláttur í Jarðböðin
Samkvæmt samkomulagi eiga félagsmenn stéttarfélaganna í Þingeyjarsýslum rétt á 15% afslætti fari þeir í Jarðböðin í Mývatnssveit. Áður er farið er, þurfa félagsmenn að koma við á Skrifstofu stéttarfélaganna og fá sérstök afsláttarkort. Góða skemmtun.
17. september 2009 - kl. 07:53
Íbúðir á Akureyri í boði fyrir félagsmenn
Stéttarfélögin hafa samið um aðgengi að tveimur íbúðum á Akureyri fyrir félagsmenn. Íbúðirnar eru í Hrísalundi. Nánari upplýsingar og leiguverð er á þessari slóð. http://lyngholt.is/ Þar er einnig hægt að bóka sig. Þá gefur Karen Rut Konráðsdóttir frekari upplýsingar í síma 468-1239 eða 897-5064.
2. maí 2007 - kl. 08:17
Góður afsláttur fyrir félagsmenn hjá Frumherja
Stéttarfélögin í Þingeyjarsýslum eru með samning við Frumherja um að veita félagsmönnum 15% afslátt af reglubundinni skylduskoðun ökutækja á þeirra vegum. Afslátturinn fæst gegn staðfestingu á því að þeir séu félagsmenn. Áður en að félagsmenn láta skoða sína bíla þurfa þeir að koma við á Skrifstofu stéttarfélaganna og fá vottorð um að þeir séu fullgildir félagsmenn. Þessi afsláttur gildir einnig fyrir félagsmenn í Verkalýðsfélagi Þórshafnar sem geta nálgast frekari upplýsingar á skrifstofu félagsins á Þórshöfn.
7. mars 2007 - kl. 09:42
Miðar í Hvalfjarðargöng til sölu
Stéttarfélögin hafa til sölu miða í Hvalfjarðargöngin fyrir félagsmenn. Verðið per. miða er kr. 600,-. Félagsmenn í Verkalýðsfélagi Þórshafnar fá miðana á sama verði hjá skrifstofu félagsins á Þórshöfn.